गलाती 6:4 - जिरेल

⁴ मि सुङगीङ फलानेकी भन्‍दानी ङेका लेमु खाबाते ईन सिराच्‍योक खाला छ्ये खिता मेङगो। बरू दाक्‍पोनगी खिता फापा च्‍योकराङ खाताकाना माक्‍याताका सिन विचार खाला ता फाप्‍क्‍यो। दोक खाला ताजीन दाक्‍पोनगी खिता फापा च्‍योकराङ खाबा ओताते मिकीचेन गा खिता ङेत्‍क्‍यो।

गलाती 6:4 Iomraidhean Croise

लूका 18:11

थेमे थे फरिसी पाटी मिकीचेन मन्‍दिर नाङ स्‍यूकीन लाकीन देत्‍कीन ‘ए परमेश्‍वर, ङा खोल्‍ला धन्‍यवाद तेरग्‍यो। च्‍यिला सासीन ज्‍येन मि च्‍योक खाला पापताङ लोभ खाला ङा पैसा मोजोओ, ज्‍येनला मेलेबाङ मिक्‍किओ। ङा मि फेम्‍मेताङ माङ्यालो। ङा उथे कर लिन्‍कान्‍ते मि च्‍योक्‍ते पापीङ मेन।

१ कोरिन्‍थी 11:28

थोगी प्रभु भोज सा भन्‍दा गोमा मि गाङेकी खोपरोङगी थे स्‍योबेन सोसीन थेमे थे छ्याङ थुसीन ओङगीताना मेङते सिन लेमु खाला विचार खिता फाप्‍क्‍यो।

१ कोरिन्‍थी 3:14

थोक खाला मे नाङ लुजीनोङ सुइँदा मिकी थे जगी लाक जोबाते खाम्‍बा छिगीन थाला मागाल्‍सुङ सासीन थेलाचेन परमेश्‍वरगी इनाम तेरग्‍यो।

१ कोरिन्‍थी 3:8

बिरूवा जुकान्‍तेताङ छ्यु लुकान्‍ते ङिकाराङ थोजोराङ ईन। परमेश्‍वरगी था तिरी गाङेला दाक्‍पोन दाक्‍पोनगी खाबाते काम ताला इनाम तेरग्‍यो।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 13:5

था ङा च्‍यि सिते सासीन ख्‍योकोनगी खेराङ येशू ख्रीष्‍टला विश्‍वास खिनराङ ओताना मेते सिन विचार खाला तो। खेराङ सेमगी नाङ येशू ख्रीष्‍ट देता ओत सिन ख्‍योकोनला छ्याराङ ओत, मेनरो? खेराङगी थेला विश्‍वास खिता ताङसीनकामा थे ख्‍योकोन सेमगी नाङ मेदेदो।

गलाती 6:13

थेबा खोपरोङगी खतकी चिनु जोबा ओत्‍सीनोङ परमेश्‍वर नियमला खि साबाते ज्‍येन ज्‍येन नियमचेन थेबेकी मेङेनो। खोपरोङगी साबाते ङेन्‍गीन ख्‍योकोन थेबे छ्य्‌वापा लै खाबा ओत सिन नोउ छ्ये खिता ङेत्‍स्‍यीत सिनका थेबेकी ख्‍योकोनला खतकी चिनु ज्‍वा फाप्‍क्‍यो सिरच्‍येते ईन।

फिलिप्‍पी 1:26

थोक खाईन ख्‍योकोनताङ ठेत्‍नामेई येशू ख्रीष्‍टकी ङाला चुक लेमु खासुङा सिन आउदी गा खिन ख्‍योकोनगी थेते जय जय खिओ।