गलाती 6:12 - जिरेल

¹² बात च्‍यि सासीन ख्‍योकोनला कर लै खाला खाला जीउला खतकी चिनु ज्‍वा फाप्‍क्‍यो सिन सिरकान्‍ते मिओनगीनी खोपरोङ फाइदा ताला मिला खुशी ज्‍वाप्‍लाकामा थोक खि सिरच्‍येते ईन। येशू ख्रीष्‍टला स्‍यिङगी थामला टाँए खाईन सेताते बातकामा लाप्‍सीन ज्‍येन यहूदीओनगी खोपरोङ विरोध खाला खेदापानी खिओ सिनकामा थेबेकी थोक सिरच्‍येते ईन।

गलाती 6:12 Iomraidhean Croise

मत्ती 23:27

ख्‍योकोन चुक्‍तेन्‍दे ईन्‍दाका। था ख्‍योकोनला आउदी मेलेबा ओङगो। रो ज्‍याक्‍पाते फुकला सागार ग्‍याप्‍नामेई फिनामानी आउदी लेमु थोङगो। तर नाङदुचेन रूल्‍गीन सिन्‍दाते मि रूबाताङ बुकामा ओङगो। ख्‍योकोनोङ सागार ग्‍यापाते होथोक्‍ते फुक च्‍योकराङ दुक।

मत्ती 23:28

ख्‍योकोनगी खिन ओताते काम थोङला ज्‍येनगी ख्‍योकोनचेन परमेश्‍वरगी खि साबाच्‍योक खित्‍कान्‍ते आउदी धर्मती दुका सिन सिओ। ख्‍योकोन परमेश्‍वरगी खि साबाच्‍योक बान्‍दा मिक्‍किकान्‍ते खालि मेलेबा मेलेबा कामकामा खित्‍कान्‍ते मि ईन सिन थेबेकी छ्याराङ मेस्‍येओ।

मत्ती 23:5

थेबेकीनी जे खासीनोङ खोपरोङगी खाबाते काम थोङला ज्‍येनगी खोपरोङ परमेश्‍वरला आउदी खाला माने खित्‍कान्‍ते मि दुका सिरस्‍यीत सिरच्‍ये सेमगीकामा खिओ। चुक सासीन थेबेकीचेन परमेश्‍वर नियम टिला जोदातेन्‍दे जन्‍तर च्‍योक जोला पाखुराताङ टाले लाई नाङला ठाला खोन्‍ला ख्‍याम्‍गीदुक। थोकराङ खाला खोलाकलाङ झुम्‍का रीम्‍बुतेन्‍दे ताप्‍ला खोन्‍गीदुक।

मत्ती 5:10

परमेश्‍वरगी खि साबा साबाच्‍योक खित्‍जीन ज्‍येनगी खेदापानी खाबाते मिओन भाग्‍यमानी ईन। च्‍यिला सासीन थेबा स्‍वर्गे राज्‍यदु स्‍यूला थेरू देता ङेत्‍क्‍यो।

मत्ती 6:16

थेमे बर्त देत्‍जीन ख्‍योकोनगीचेन ज्‍येनगी खोपरोङला धर्मतीते मि दुका साला मान खित्‍स्‍यीत सिराच्‍योक खित्‍कान्‍ते मिओनगी च्‍योक माकेत। होथोक्‍ते मिओनगीचेन खोपरोङ बर्त देता ओताक्‍वा सिन ज्‍येनगी छ्या स्‍येस्‍यीत सिन छ्येत सेत्‍ला देत्‍क्‍यो। दि बात ङेन। थोक खित्‍कान्‍ते मिओनला ज्‍येनगीचेन मान खिओ। तर परमेश्‍वरगी तेरच्‍येते इनामचेन थेबेकी छ्याःङ मेङेदो।

मत्ती 6:2

थोगी ख्‍योकोन सुइँदेकी सुइँदा दुक्‍पा ङेतातेबाला खइँदा तेरजीन ज्‍येनगी खोपरोङला धर्मतीते मि दुका साला मान खित्‍स्‍यीत सिराच्‍योक खित्‍कान्‍ते मिओनगी च्‍योक माकेत। होथोक्‍ते मिओनगी चुक खिते सासीन खोपरोङगी चुक लेमु खाका सिन गाङेकी छ्या स्‍येस्‍यीत सिन मिटिङ खित्‍च्‍येते खाम्‍बे नाङला थेमे मि छ्वासा रूसाला गाङेपा थे बात गेङगो। दि बात ङेन। थोक खित्‍कान्‍ते मिओनला ज्‍येनगीचेन मान खिओ। तर परमेश्‍वरगी तेरच्‍येते इनामचेन थेबेकी छ्याःङ मेङेदो।

मत्ती 6:5

प्रार्थना खित्‍जीन ख्‍योकोनगीचेन ज्‍येनगी खोपरोङला धर्मतीते मि दुका साला मान खित्‍स्‍यीत सिराच्‍योक खित्‍कान्‍ते मिओनगी च्‍योक माकेत। होथोक्‍ते मिओनगी चुक खिते सासीन परमेश्‍वरला आउदी खाला माने खित्‍कान्‍ते ईन सिन तेन्‍दाला मिटिङ खित्‍च्‍येते खाम्‍बे नाङला थेमे मि छ्वासा रूसाला गाङेकी थोङस्‍यीत सिन आउदी खाला प्रार्थना खिओ। दि बात ङेन। मिओनगी थेबाला मान खिओ। तर परमेश्‍वरगीनी थेबे प्रार्थना ङेनराङ मेङेनो।

लूका 16:15

थेबे बात थोकीन येशूकी थेबाला “ख्‍योकोननी परमेश्‍वरला छ्ये ज्‍वाप्‍ला मेन्‍देकी मि मिकला छारो देक्‍पालाका काम खित्‍च्‍येते खिदुक। ख्‍योकोनगी खिन ओताते काम ताला मिओनगी ख्‍योकोनला लेमु मि ईन सिन मान खिदुक। तर ख्‍योकोनगी च्‍यि सेमगी काम खाबाते ईन्‍दे सिन परमेश्‍वरला गाङे छ्या ओत। मिओनगी लेमु सासीनोङ ख्‍योकोनगी खाबाते कामनी परमेश्‍वरला बान्‍दा मन परे मिक्‍किओ।

लूका 20:47

परमेश्‍वरला आउदी खाला माने खित्‍कान्‍ते ईन सिन तेन्‍दाला थेबाचेन काल्‍बासाक प्रार्थना खिन देत्‍कीदुक। लेमु खाईन तासीन नाङ नाङलाचेन थेबेकी ख्‍योबो स्‍यिइन सिन्‍दाते फेम्‍मे मिओन सम्‍पत्ति ठगे खाईन सोकीन सिन्‍दा ओङगो। था तिरी थेबेकी आउदी छ्येज्‍यीक सजाय ङेत्‍क्‍यो,” सिन सिदुक।

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

शक्ति काम 15:1

थेमे यहूदिये अञ्‍चलपेकी कोई कोई मि एन्‍टिओखियादु लेप्‍सुङ। थेरू लेप्‍कीन थेबेकी थेरू आज्‍यो न्‍वाओनला “ख्‍योकोनगीङ मोशेकी ङ्योकोन यहूदीओनला जीउला जो साबाते खतकी चिनु ज्‍वा फाप्‍क्‍यो। थे चिनु माजोसीनचेन परमेश्‍वरगी ख्‍योकोनला पापदुकी मेडेलो,” सिन लोपाला स्‍यूसुङ।

शक्ति काम 15:5

थेबेकी थे बाततेबा सानामेकी थेरू येशूला विश्‍वास खित्‍कान्‍ते फरिसी पाटी मि कोई कोईकीचेन “ज्‍येन ज्‍येन जातकी मिकीङ ङुरूङगी च्‍योक खाला खतकी चिनु ज्‍वा फाप्‍क्‍यो, मोशेकी टिबाते परमेश्‍वर नियमोङ ङेन्‍दाराङ फाप्‍क्‍यो,” सिन सासुङ।

२ कोरिन्‍थी 10:12

थेमे ङ्योकोननी ङ्योकोन दोक्‍ते ईन, ङ्योकोनगी दोक खाबाप थोक खाबाप सिन सिरकान्‍ते मिओन छेत मेन। थोक छ्ये मिओनताङ ङ्योकोन चुक खाला दाँजे खिता थुप्‍कीतेरो। थेबेकीनी ङा दोक खिओ, थोक खिओ सिन साला खोपरोङगी खिओ साबा छेत खाला ङे फलानेकी भन्‍दा लेमु खाबाप सिन दाक्‍पोनला ज्‍येनताङ दाँजे खाला लेम्‍बे काम खिदुक।

२ कोरिन्‍थी 11:13

होथेबानी ख्रीष्‍टकी खटे खाबाते मि ईनराङ मेन। थेबा मिला छक्‍के खाला ठगे खित्‍कान्‍तेबा ईन। थेबानी ख्रीष्‍टकी खटे खाबाते मिकी च्‍योक खित्‍जुम खित्‍कान्‍तेबाकामा ईन।

गलाती 2:14

थेबेकी थोक खाबाते काम गा लाङच्‍येते बातताङ डिकराङ मिडिक्‍च्‍येते ईन्‍देकी थेरू गाङे ङोन्‍दुराङ ङे पत्रुसला चुक साबे सासीन “खोरोङ यहूदी ईन्‍सीनोङ परमेश्‍वरगी ङुरूङ यहूदीओनला बिन्‍दाते नियम ङेन्‍दा ताङगीन ज्‍येन ज्‍येन जातकी मित्ताङ डिक्‍पा ओतान सासीन था खो याङराङ चुक खाला ज्‍येन ज्‍येन जातकी मिकीङ होथे नियम ङेन्‍दा फाप्‍क्‍यो सिराच्‍योक खिते?

गलाती 2:3

दि गाङे बात सानामेकीङ ङे ङ्योम्‍बुराङ खेराते तीतस ग्रीक ईन्‍सीनोङ परमेश्‍वरगी यहूदीओनला बिन्‍दाते नियमला साबाच्‍योक खाला तीतसकीङ जीउला खतकी चिनु ज्‍वा फाप्‍क्‍यो सिन थेबा सुङगीङ मासासुङ।

गलाती 5:11

थेमे आज्‍यो न्‍वावे, गा लाङच्‍येते बात लोप्‍जीन ङेङ यहूदीओनगी जीउला ज्‍वा फाप्‍च्‍येते खतकी चिनु ज्‍वापराङ फाप्‍क्‍यो सिन थोरूमसाक लोप्‍कीन ओता ईन्‍सीन थरिङसाकराङ यहूदीओनगी च्‍यिला ङाला खेदा खाला खाला दुक्‍पा तेरगीका ओना? ङेङ थेबेकी साबा च्‍योकराङ खित्‍च्‍येते ईन्‍दा ईन्‍सीन येशू ख्रीष्‍ट स्‍यिङगी थामला टाँए खाईन स्‍याप्‍की खित्‍सादुकामा परमेश्‍वरगी मिला दोषी मेन सिओ सिन ङे लोप्‍कीन ओताते बातकीते थेबा सुङगीङ दोक खाला विरोध खित्‍च्‍याराङ मेतान।

गलाती 6:13

थेबा खोपरोङगी खतकी चिनु जोबा ओत्‍सीनोङ परमेश्‍वर नियमला खि साबाते ज्‍येन ज्‍येन नियमचेन थेबेकी मेङेनो। खोपरोङगी साबाते ङेन्‍गीन ख्‍योकोन थेबे छ्य्‌वापा लै खाबा ओत सिन नोउ छ्ये खिता ङेत्‍स्‍यीत सिनका थेबेकी ख्‍योकोनला खतकी चिनु ज्‍वा फाप्‍क्‍यो सिरच्‍येते ईन।

फिलिप्‍पी 1:15

ईन्‍दानी थेबे नाङ गाङेकी गाङेराङ डिक्‍ला ख्रीष्‍टते गा लाङच्‍येते बात लोप्‍की सिरच्‍येते सेमगी खाबाते मेन। थेबा कोईकीचेन मिओन ङे छ्य्‌वापा लै खासुङ सिन डारगी थे बात लोप्‍कीदुक। कोईकी थोक खासीनोङ ज्‍येनतेबेकीचेन लेमु सेमगीराङ दि काम खिदुक।

फिलिप्‍पी 2:4

खालि दाक्‍पोनला लेमु ओङच्‍ये कामकामा माकेत, ज्‍येनला लेमु ओङच्‍ये काम खि।

फिलिप्‍पी 3:18

बातज्‍यीक ङे ख्‍योकोनला पालोताङ पालो साबा ओत। थे बात सम्‍झे खित्‍जीन ङाला आउदी मेलेबा लाङगीदुक। दि बात ङा लोक्‍ला सिन ओत। च्‍यि सासीन ख्रीष्‍टला विश्‍वास खित्‍कान्‍ते मि ईन सालाङ मि काल्‍बेईकी ख्रीष्‍ट स्‍यिङगी थामला टाँए खाईन स्‍या फापाते बात छ्याःङ मेन सिराच्‍योक खाला खोपरोङ खुशी खिन ख्‍याम्‍गीदुक।

कलस्‍सी 2:23

परमेश्‍वरला माने खित्‍जीन खोपरोङगी खि साबा च्‍योकराङ खाला माने खिता फाप्‍क्‍यो, बर्त देत्‍च्‍येतेताङ दुक्‍पा खाला खाला होदोक्‍ते काम काल्‍बेई खाला दाक्‍पोन जीउला दुक्‍पा तेरा फाप्‍क्‍यो सिन मिओनगी लोप्‍च्‍येते रीतिथिति बात पक्‍काराङ ईन्‍दाते माने खिता फाप्‍च्‍येते च्‍योक थोङगो। लेमु खाईन तासुङ सासीनचेन थोक्‍ते रीतिथिति माने खाला मि खुदुक मोन्‍डोओ, खिता मेङच्‍येते काम खित्‍च्‍येते बानी तोङा मुथुबो बरू झन छ्ये खाला दाक्‍पोन खुशी खिन ख्‍याम्‍ग्‍यो।