गलाती 5:6 - जिरेल

⁶ च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

गलाती 5:6 Iomraidhean Croise

लूका 7:5

च्‍यिला सासीन थे क्‍याप्‍टेनगी ङुरूङ यहूदीओनला आउदी लेमु खिदुक। थेमे ङ्योकोनते मिटिङ खित्‍च्‍येते खाम्‍बाङ थेकीराङ जोकीन बिन्‍दाते ईन,” सिन सिदुक।

१ कोरिन्‍थी 13:13

ज्‍येनतोक गाङे ङीमा लेनज्‍यीक छ्याःङ काम लै मिक्‍किच्‍या गाल्‍सीनोङ परमेश्‍वरला विश्‍वास खित्‍च्‍येते, थेकी ङुरूङला तेरग्‍यो साबाते ङेत्‍क्‍यो सिन खित्‍च्‍येते आश थेमे ज्‍येनला ङिङज्‍ये खित्‍च्‍येते दि बात सुमचेन नोमुङ छ्याःङ काम लै मिक्‍किच्‍या मोन्‍डोओ। दि बात सुमगी नाङदुङ छ्येते बातचेन ज्‍येनला ङिङज्‍ये खित्‍च्‍येतेराङ ईन।

१ कोरिन्‍थी 7:19

जीउला खतकी चिनु जोच्‍येतेताङ मोजोच्‍येते छ्येते बात छ्याःङ मेन। छ्येते बातनी परमेश्‍वरगी खि साबा साबा खित्‍च्‍येतेराङ ईन।

२ कोरिन्‍थी 5:14

ङ्योकोनगी थरिङोला जे खिदुक थे खालि ख्रीष्‍टकी ङेराङला ङिङज्‍ये खाबेकी खित्‍सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्‍ट स्‍याप्‍ते ईन्‍देकी मि गाङे थेत्ताङराङ स्‍याप्‍ते च्‍योक ओङा ओत सिन ङ्योकोनगी लेमु खाईन छ्या स्‍येबा ओत।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

गलाती 6:15

च्‍यिला सासीन खतकी चिनु जोला फाइदा ओङच्‍येतेताङ थे चिनु माजोला घटी ओङच्‍येते बात छ्याःङ मेत। साम्‍बाते जुनी ङेत्‍कीन थोक्‍ते मिकी खित्‍च्‍येते च्‍योक्‍ते काम खिकाना मिक्‍किका सिरच्‍येते बातकामा छ्येते बात ईन।

एफिसी 6:23

थेमे आबा परमेश्‍वरताङ प्रभु येशू ख्रीष्‍टकी आज्‍यो न्‍वाबा ख्‍योकोनला डिक ज्‍युत्‍कीनराङ देत्‍स्‍यीत, दोक्‍पोईकी ज्‍येनज्‍यीकला ङिङज्‍ये खिन देत ज्‍युत्‍स्‍यीत थेमे विश्‍वास खिनराङ देत ज्‍युत्‍स्‍यीत।

कलस्‍सी 1:4

च्‍यिला सासीन ख्‍योकोनगी येशू ख्रीष्‍टला विश्‍वास खिदुक्‍लो थेमे परमेश्‍वर सन्‍तान गाङेला लेमु खिदुक्‍लो सिन ङ्योकोनगी थोसुङ।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

हिब्रू 11:8

अब्राहामोङ परमेश्‍वरगी थे खोरोङला ज्‍येनज्‍यीक लुङबा तेरग्‍यो, थेपा ग्‍युक सिन सानामेई थेला विश्‍वास खाईन थे खोरोङ लुङबा ताङगीन ख्‍याम्‍सुङ। थोक खाला ख्‍याम्‍जीन ङा दि ठाउँदुराङ डुइन ओत सिन थेला छ्याःङ छ्या मेतान।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।