गलाती 5:25 - जिरेल

²⁵ परमेश्‍वर आत्‍मेकी ङुरूङला लेमु खिता थुप्‍कान जोबा ओतेकी ङुरूङगी काम बात जेङ थेकी खित ज्‍युता चाला च्‍योकराङ खिता फाप्‍क्‍यो।

गलाती 5:25 Iomraidhean Croise

यूहन्‍ना 6:63

मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा ईन। मिकीचेन दोक खिताराङ मुथुबो। ङे ख्‍योकोनताङ खाबाते बाततेबा परमेश्‍वर आत्‍मेते थेमे नोमुङ मिसिन्‍च्‍येते जुनी बात ईन।

रोमी 8:10

ख्रीष्‍ट ख्‍योकोन सेमदु ओत्‍सीनोङ पाप खाबेकी खित्‍सादु स्‍यिला ख्‍योकोन जीउचेन रूल्‍ला डुइओ। ईन्‍सीनोङ परमेश्‍वरगी ख्‍योकोनला दोषी मेन साबा ओतेकी ख्‍योकोन आत्‍माचेन नोमुङ मिस्‍यिओ।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

१ कोरिन्‍थी 15:45

परमेश्‍वर बातला चुक साला दुका सासीन “परमेश्‍वरगी गाङे भन्‍दा गोमा जोबाते मि आदमला नोउनामेई ङेपाक लुगीन बिन्‍सुङ। दोक खानामेई थे सोन्‍सुङ,” सिन टिला दुक। तिरी आदम सिन साबाते ख्रीष्‍टचेन नोमुङ मिसिन्‍च्‍येते जुनी तेरकान्‍ते आत्‍मा ईन।

२ कोरिन्‍थी 3:6

थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्‍येनला लोप सिन जिम्‍मा बिन्‍सुङ। ङ्योकोनगी लोप्‍च्‍येते होदि जमान बातचेन थाङबो मोशे पालोला दोई पाटीला टिबाते परमेश्‍वर नियम च्‍योक्‍ते मेन, परमेश्‍वर आत्‍मे बात ईन। होथे दोई पाटीला टिबाते नियमला खि साबाच्‍योक मिक्‍किकान्‍ते मिओनचेन पापकी सजाय ङेत्‍ला स्‍यिइओ। परमेश्‍वर आत्‍मेकीचेन मिओनला नोमुङ मिसिन्‍च्‍येते जुनी तेरग्‍यो।

गलाती 5:16

था ङा ख्‍योकोनला च्‍यि खि सिते सासीन परमेश्‍वर आत्‍मेकी खित ज्‍युता चाला च्‍योकराङ खि। दोक खासीन ख्‍योकोनगी खेराङ सेमला जे जे खिता सेम लाङगीदुक थे थेराङ खिता माफाबो।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

१ पत्रुस 4:6

ङीमाई परमेश्‍वरगी दोक खाला न्‍याय खित्‍च्‍येते ईन्‍देकीराङ स्‍यिइन सिन्‍दाते मिओनलाङ गा लाङच्‍येते बात लापाते ईन। थोक खाबातेचेन थेबेकी सोन सोनसाक चुक खाला दुका थे ताला थेबे न्‍याय खिता थुप्‍स्‍यीत थेमे परमेश्‍वरगी तेरा चालाते नोमुङ मिसिन्‍च्‍येते जुनी ङेत्‍स्‍यीत सिन ईन।

छ्या स्‍ये च्‍युताते बात 11:11

थेमे ङीमा सुमताङ फेस्‍याक तिरी परमेश्‍वरगी ङेपाक लुगीन थेबाला सोन च्‍युत्‍सुङ। थेमे थेबा ठाङे ठाङे लासुङ। थोक खाईन थेबा लाबा थोङकान्‍ते मि गाङे ज्‍यीबेकी थरावरी गाल्‍सुङ।