गलाती 5:21 - जिरेल

²¹ थेमे मि जाला लोभ खिओ। दोस्‍यिककामा मेन, थे छ्याङ रक्‍सीकी जिला ख्‍याम्‍ग्‍यो, ज्‍येनताङ रूला भक्‍कुचूर सोला थुला मोज मज्‍जा खिओ थेमे होदोक्‍ते ज्‍येन ज्‍येन कामोङ खिओ। होदोक दोक खिन देत्‍कान्‍ते मि सुङ तिरी परमेश्‍वर राज्‍यने स्‍यूक्‍पा मेङेदो सिन ङे ख्‍योकोनला गोमाकाङ लेमु खाईन साबा ओत, लोक्‍ला थरिङोङ थोकराङ सिओ।

गलाती 5:21 Iomraidhean Croise

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

लूका 21:34

थोगी ख्‍योकोनगी परमेश्‍वर ओत्‍सादुई वाबाते मि ङा ग्‍युरला ओङे छोमुसाक चुक खाला देता फाप्‍च्‍या ईन्‍दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्‍या थुङच्‍याताङ खोन्‍च्‍ये पीर माकेत। दोक खिन देत्‍सीन खरेउ तोर्बाकला थेप्‍लु खाला थे दिन लेपे छोमुकामा ख्‍योकोनगी छ्या स्‍येक्‍यो।

रोमी 13:13

चुक सासीन ङुरूङगी गाङे ङोन्‍दु खिता ओङच्‍येते कामताङ बातकामा खिता फाप्‍क्‍यो। ज्‍येनताङ रूला भक्‍कुचूर सोला थुला मोज मज्‍जा खित्‍च्‍येते, छ्याङ रक्‍सीकी जिला ख्‍याम्‍च्‍येते थेमे रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खिता मेङगो। ज्‍येनताङ थोम्‍मु जीङगा खित्‍च्‍येते थेमे मिला डार खित्‍च्‍येतेङ खिता मेङगो।

रोमी 8:13

च्‍यिला सासीन काम बात जे खित्‍जीनोङ दाक्‍पोन खुशीराङ खिन देत्‍सीनचेन ख्‍योकोन स्‍या फाप्‍क्‍यो। परमेश्‍वर आत्‍मे छ्य्‌वापेई दाक्‍पोन खुशी खिता ताङला होथोक्‍ते कामताङ बात खिता ताङसीनकामा ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

१ कोरिन्‍थी 15:50

थोगी आज्‍यो न्‍वावे, बात दिराङ ईन। च्‍यि सासीन दि स्‍या ठाक ओताते जीउताङचेन ङुरूङ परमेश्‍वर राज्‍यने स्‍यूक्‍पाराङ मेङेदो। थोकराङ खाला दि स्‍यिला रूल्‍ला डोच्‍येते जीउओङ नोमुङ स्‍यिला रूल्‍ला मोन्‍डोच्‍येते ओङाराङ मुथुबो।

१ कोरिन्‍थी 5:11

था दि चिट्ठीलाचेन ङा ख्‍योकोनला च्‍यि सिते सासीन सुइँदेकी ङाङ येशूला विश्‍वास खित्‍कान्‍ते मि ईन खिदुक तर रन्‍डीबाजी थेमे होदि च्‍योक्‍ते खिता मेङच्‍येते काम खित्‍च्‍येते, लोभ खित्‍च्‍येते, ल्‍हा लु माने खित्‍च्‍येते, ज्‍येनला मोत्‍च्‍येते, छ्याङ रक्‍सीकी जिलाकामा देत्‍च्‍येते थेमे ज्‍येनगीते लुटे खाला ख्‍याम्‍च्‍येते खिदुक सासीन थोक्‍ते मित्ताङचेन ख्‍योकोनगी साङ माकेत। थेत्ताङ ङ्योम्‍बुराङ देत्‍ला छ्यु मुठी खाङोङ माथुङ।

एफिसी 5:18

थेमे छ्याङ रक्‍सीकी जिला माख्‍याम। जा बेलाला मिकी छ्याःङ होस मोज्‍योबा खाला मेता मेता खिओ। बरू परमेश्‍वर आत्‍मेकी खाङाते मि ओङला काम खि।

कलस्‍सी 3:6

परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

१ थिस्‍सलोनिकी 5:7

थेमे मिओन नुपलाराङ ङ्याल्‍ग्‍यो, छ्याङ रक्‍सी थुला जिकान्‍तेबाङ नुपलाराङ जिइओ, मेनरो?

२ थिस्‍सलोनिकी 2:5

ख्‍योकोनताङ ङ्योम्‍बु ओत्‍जीन दि बाततेबा ङे ख्‍योकोनला गाङे साबा ओतान। ख्‍योकोनगी टोक ज्‍येत्‍सुङरो?

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

१ पत्रुस 4:3

ईन्‍दालाचेन गोमाबा ख्‍योकोनगीङ परमेश्‍वरला ङो मेस्‍येकान्‍ते मिओनगी च्‍योकराङ खिन तोङासम्‍म समय ताङा ओतान। च्‍यि सासीन थेजीन ख्‍योकोनगी ङोचा लाङच्‍येते कामओन खिन ओतान, दाक्‍पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्‍सीकी जिलाकामा देत्‍कीन ओतान, ज्‍येनताङ रूला भक्‍कुचूर सोला थुला मोज मज्‍जा खिन ओतान थेमे ल्‍हा लु माने खिन खिता ओङराङ मेङच्‍येते काम खिन ओतान।

छ्या स्‍ये च्‍युताते बात 21:27

परमेश्‍वरला मन परे मिक्‍किच्‍येते सिराते थे सारगी नाङ छ्याःङ मेङगो। खिता मेङच्‍येते ङोचा लाङच्‍येते काम खित्‍कान्‍ते थेमे ढाँर खित्‍कान्‍तेबाचेन बान्‍दा थे सारगी नाङ स्‍यूक्‍पा मेङेदो। खालि नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ खोपरोङ मिन ओताते मिओनकामा थे सारगी नाङ स्‍यूक्‍पा ङेत्‍क्‍यो। थे मिन टिबाते किताबचेन लुई रीउते ईन।

छ्या स्‍ये च्‍युताते बात 22:15

थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।