गलाती 5:18 - जिरेल

¹⁸ ख्‍योकोनगी परमेश्‍वर आत्‍मेकी खित ज्‍युता चालाच्‍योक खासीन परमेश्‍वर नियम अधीनला देता माफाबो।

गलाती 5:18 Iomraidhean Croise

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

रोमी 7:4

आज्‍यो न्‍वावे, ख्‍योकोन बादोङ होदोकराङ ईन। च्‍यि सासीन ख्रीष्‍ट स्‍यिजीन ख्‍योकोनोङ थेत्ताङराङ स्‍याप्‍ते ईन्‍देकी परमेश्‍वर नियम लाईदु ख्‍योकोन स्‍याप्‍ते छेतराङ ओङसुङ। थोक ओङनामेईचेन ख्‍योकोन स्‍यिसादुकी सोम्‍बो लोक्‍पाते ख्रीष्‍टकीतेराङ ओङा ओत। दोक ओङा ओतेकी ङुरूङ परमेश्‍वरगी खि साबाते लेमु काम खिता थुप्‍च्‍या गाला ओत।

रोमी 8:12

बात दोक ईन्‍देकी आज्‍यो न्‍वावे, ङुरूङगी परमेश्‍वर आत्‍मेकी खित ज्‍युता चाला च्‍योकराङ खिता फाप्‍क्‍यो, गोमाबा च्‍योक दाक्‍पोनला जे खिता सेम लाङगीदुक थेराङ खिन देता मेङगो।

रोमी 8:14

दोक खाला परमेश्‍वर आत्‍मेकी खित ज्‍युता चाला च्‍योकराङ खित्‍कान्‍ते मिचेन गाङेराङ परमेश्‍वर फुज्‍युङओन ईन।

गलाती 5:16

था ङा ख्‍योकोनला च्‍यि खि सिते सासीन परमेश्‍वर आत्‍मेकी खित ज्‍युता चाला च्‍योकराङ खि। दोक खासीन ख्‍योकोनगी खेराङ सेमला जे जे खिता सेम लाङगीदुक थे थेराङ खिता माफाबो।

गलाती 5:23

थे गाङेताङ खा छ्येत लेमु खाला देत्‍क्‍यो थेमे थेकी दाक्‍पोन सेम काबूला ज्‍य्‌वाबा थुप्‍क्‍यो। होदोक दोक खिता मेङगो सिनचेन परमेश्‍वर नियमला खापाङ साबा मेत।

गलाती 5:25

परमेश्‍वर आत्‍मेकी ङुरूङला लेमु खिता थुप्‍कान जोबा ओतेकी ङुरूङगी काम बात जेङ थेकी खित ज्‍युता चाला च्‍योकराङ खिता फाप्‍क्‍यो।

१ तिमोथी 1:9

परमेश्‍वर नियमचेन थे नियमला खि साबा साबाच्‍योक खित्‍कान्‍ते मिओन लाईदु जोबाते मेन सिनोङ ङुरूङला छ्या ओत। थे नियम चुक्‍ते मिओन लाईदु जोबाते ईन्‍दे सासीन नियम कानून मेङेन्‍कान्‍तेताङ मनपरी खाला ख्‍याम्‍कान्‍ते मिओन, परमेश्‍वरला मान मिक्‍किकान्‍तेताङ पापीओन, परमेश्‍वरला मन परे मिक्‍किच्‍येते काम खित्‍कानताङ परमेश्‍वर ओतराङ मेत सिन थे विरोध खित्‍कान्‍ते मिओन लाईदु जोबाते ईन। थोक्‍ते मिओन लाईदुकामा मेन, दाक्‍पोन आबा आमाला थेमे ज्‍येन मिओनला सेत्‍कान्‍ते मिओन,

२ तिमोथी 1:7

च्‍यिला सासीन परमेश्‍वरगी ङुरूङला थे खोरोङ आत्‍मा बिन्‍दाते ज्‍यीबा खित्‍स्‍यीत सिन मेन बरू थे आत्‍मे छ्य्‌वापेकी शक्ति ङेत्‍स्‍यीत, ज्‍येनला ङिङज्‍ये खिता थुप्‍स्‍यीत थेमे दाक्‍पोन सेम काबूला ज्‍य्‌वाबा थुप्‍स्‍यीत सिन ईन।