गलाती 5:16 - जिरेल

¹⁶ था ङा ख्‍योकोनला च्‍यि खि सिते सासीन परमेश्‍वर आत्‍मेकी खित ज्‍युता चाला च्‍योकराङ खि। दोक खासीन ख्‍योकोनगी खेराङ सेमला जे जे खिता सेम लाङगीदुक थे थेराङ खिता माफाबो।

गलाती 5:16 Iomraidhean Croise

रोमी 6:12

थोगी दाक्‍पोन खुशी खाला मेलेबा कामताङ बात खिन देता माफाप्‍स्‍यीत सिन था पालोई स्‍यिला दि जीउ रूल्‍ला डुइओ सिन सम्‍झे खाला पाप खिता थोङ।

रोमी 8:1

जो जो येशू ख्रीष्‍टताङ जीउज्‍यीकराङ ओङला दुक था थेबेकी परमेश्‍वर सजाय ङेतराङ मेङेदो।

१ कोरिन्‍थी 7:29

आज्‍यो न्‍वावे, दि जुग सिन्‍च्‍येते समय था काल्‍बेई मेत। थोगी फाङमा खाबाते मिकी फेम्‍मेते विचारकामा मिक्‍किता खाला बरू फाङमाराङ खाबा मेताते मि च्‍योक ओङला परमेश्‍वरगी दाक्‍पोनला कोताते काम खि।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

गलाती 3:17

बात च्‍यि सासीन परमेश्‍वरगी अब्राहामताङ जमान खानामेई लो सय स्‍यीताङ खालज्‍यीकताङ च्‍युताम्‍बा तिरीकामा यहूदीओनला थे खोरोङ नियम बिन्‍दा ओतान। थे नियम बिन्‍दा ईन्‍सीनोङ थेकी गोमाका जस्‍तो खिओ सिन जमान खाबा ओतान थोकराङ खिओ। थेकी जमान खाबा च्‍योकराङ मिक्‍किच्‍या ईन्‍दा ईन्‍सीन थेकी आशी तेरग्‍यो सिन साबाते बात बातकामा ओङच्‍या ओतान।

गलाती 6:8

होदोकराङ खाला दाक्‍पोन खुशीला ख्‍याम्‍गीनराङ देत्‍कान्‍ते मिचेन थोक खाबेकी खित्‍सादु ङ्येला स्‍यिला नरककुण्‍डमा डुइओ। परमेश्‍वर आत्‍मेकी खित ज्‍युता च्‍योकराङ खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

कलस्‍सी 2:11

ख्रीष्‍टताङ जीउज्‍यीकराङ ओङगीन ख्‍योकोन खतकी चिनु जोबाते मि ओङा ओत। दोक साबाते ख्‍योकोनला सुइँदेकी जीउला खतकी चिनु जोकीन बिन्‍दाते मेन, बरू ख्रीष्‍टकी खेराङ मेलेबा सेम खुदुक जोबा ओतेकी था ख्‍योकोन खुदुक मि ओङा ओत साबाते ईन।

१ पत्रुस 1:14

लाःपा कोताते ङेन्‍कान्‍ते फिजा च्‍योकराङ ओङला परमेश्‍वरगी कोताते ङेन। गोमाबा ख्‍योकोन छ्याःङ छ्या मेस्‍येकान्‍ते मि च्‍योक दाक्‍पोन सेमला लाबा लाबा खिन ओतान, था थोक माकेत।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 2:11

ङिङज्‍येते आज्‍यो न्‍वावे, ख्‍योकोन दुरू टिक्‍पी दिनकामा देत्‍च्‍येते ईन्‍देकी मि लुङबे मि च्‍योकराङ ईन। थोगी ओर्च्‍ये, ख्‍योकोन ङे दोक्‍ते कामताङ बात खिता मेङगो सिन छ्या ओत्‍कीन ओत्‍कीनोङ ङे दोक माक्‍याबाला ओङराङ मेङगो सिराच्‍योक खाला खेराङ सेमला लाबा लाबा खित्‍च्‍येते नोमुङ छ्याःङ माकेत।

१ पत्रुस 4:6

ङीमाई परमेश्‍वरगी दोक खाला न्‍याय खित्‍च्‍येते ईन्‍देकीराङ स्‍यिइन सिन्‍दाते मिओनलाङ गा लाङच्‍येते बात लापाते ईन। थोक खाबातेचेन थेबेकी सोन सोनसाक चुक खाला दुका थे ताला थेबे न्‍याय खिता थुप्‍स्‍यीत थेमे परमेश्‍वरगी तेरा चालाते नोमुङ मिसिन्‍च्‍येते जुनी ङेत्‍स्‍यीत सिन ईन।