गलाती 5:1 - जिरेल

¹ ख्रीष्‍टकी खाबाते कामगी खित्‍सादु ङुरूङगी परमेश्‍वर नियम अधीनला देता माफाबो। ङुरूङगी गोमाबा खिन ओताच्‍योक नोमुङ खिता माफाबो। बात थोक ईन्‍देकी था ख्‍योकोनगी खुरा मुथुप्‍च्‍येते खुर्बु खुरा छोलाच्‍योक खाला परमेश्‍वरगी यहूदीओनला बिन्‍दाते नियम ङेन्‍ला थेरू खि साबा साबा खिता माछोल।

गलाती 5:1 Iomraidhean Croise

मत्ती 23:4

थेबेकी ज्‍येनलाचेन स्‍यिच्‍या खाईन खुर्बु कुरा च्‍योकराङ खाला दि खि, थे खि सिन परी परी नियम ङेन्‍दा फाप्‍क्‍यो खिदुक। मिओनगी थोक खिता थुप्‍कीता मुथुप्‍ता सिन थेबेकी छ्याःङ विचार मिक्‍किदुक।

लूका 5:38

थोगी भर्खर लाबाते छ्याङचेन साम्‍बाते कोक्‍तेन गीउला लुक्‍ला ज्‍य्‌वाक्‍यो।

शक्ति काम 15:10

था परमेश्‍वरगीराङ दोक खानामेकी ख्‍योकोनचेन च्‍यिला परमेश्‍वर भन्‍दाङ छ्ये ओङला थेबाला मोशेकी टिबाते परमेश्‍वर नियम ङेन्‍दा फाप्‍क्‍यो सिते? दोक खाला ख्‍योकोन च्‍यिला खुरा मुथुप्‍च्‍येते खुर्बु कुराच्‍योक खाला ङुरूङ ज्‍युज्‍यु पुर्खाताङ ङुरूङगी ङेन्‍दा माथुपाते नियम थेबाला ङेन ज्‍युता छोल्‍गीते?

रोमी 6:14

ख्‍योकोनगी था पाप खिन देता माफाबो। च्‍यिला सासीन था ख्‍योकोन परमेश्‍वर नियम अधीनला मेत। परमेश्‍वरगी दया खाबेकी थानी ख्‍योकोन थे अधीनलाका ओत।

रोमी 6:18

थोक खाईन परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबा साबा ङेन्‍दा फाप्‍क्‍यो।

रोमी 7:3

थोगी ख्‍योबो ओत्‍केलाराङ ज्‍येनताङ गाल्‍सुङ सासीन थोक्‍ते फेम्‍मे मिला रन्‍डी सिओ। ख्‍योबो स्‍यिनामेकी थे ज्‍येनताङ गाल्‍सीनचेन थेला रन्‍डी मिसिरो। ख्‍योबो स्‍यिइन सिन्‍देकी थेकी थोक खासीनोङ परमेश्‍वर नियमला साबाते फाङमे बात माङेन्‍दाते मेन।

रोमी 7:6

तर थाचेन दोक खि, थोक माकेत, दोक माक्‍यासीन सजाय ङेत्‍ला स्‍यिइओ सिरच्‍येते परमेश्‍वर नियम लाईदु ङुरूङ स्‍याप छेतराङ ओङा ओतेकी था ङुरूङ थे नियम अधीनला मेत। परमेश्‍वरला माने खित्‍च्‍या सिन गोमाबा ङुरूङगी थे नियमला खि सिन टिबा च्‍योकराङ खिता चालाप। परमेश्‍वर आत्‍मा ङेता ओतेकी थानी ङुरूङगी परमेश्‍वरला चुक खाला माने खिता फाप्‍कीते होथोकराङ खाला माने खिता थुप्‍क्‍यो।

रोमी 8:15

योक्‍पो योङमुकी मालिकतेकी दुङगीता सिन ज्‍यीबा खुराच्‍योक खाला था लोक्‍ला ख्‍योकोनगीचेन परमेश्‍वरगी सजाय तेरगीता सिन थेत्ताङ छ्याःङ ज्‍यीबा खिता माफाबो। च्‍यिला सासीन परमेश्‍वरगी थे खोरोङ आत्‍मा बिन्‍गीन ख्‍योकोनला थे खोरोङ धर्म-पुत्र जोबा ओत। थेमे परमेश्‍वर आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

१ कोरिन्‍थी 15:58

थोगी ङिङज्‍येते आज्‍यो न्‍वावे, जस्‍तो ओङसीनोङ प्रभु येशूला विश्‍वास खिन देत, मि बात ङेन्‍ला शंका माकेत। प्रभु येशूकी खेराङला जिम्‍मा बिन्‍दाते काम थुपासम्‍म स्‍येत खाला खि। च्‍यिला सासीन थेकी खेराङला खि साबाच्‍योक खाबाते थाराङ खेरोला डोच्‍येते मेन सिन ख्‍योकोनला छ्याराङ ओत।

१ कोरिन्‍थी 16:13

खेराङला छक्‍के खिता छोल्‍कानताङ च्‍याङबो खाला देत, प्रभु येशूला लेमु खाला विश्‍वास खिन देत, फिजा च्‍योक ज्‍यीबा माकेत बरू पाकोते मिकी च्‍योक खाला काम खि।

१ कोरिन्‍थी 7:22

बात चुक ईन्‍दे सासीन सुइँदा मि योक्‍पो योङमु ईन्‍सीनोङ प्रभु परमेश्‍वरगी थेला थे खोरोङ दोन्‍दु स्‍योक सिन काताङनामेकी थोक्‍ते मि योक्‍पो योङमु मेन्‍देकी प्रभु येशू मि ईन। थोकराङ खाला सुइँदा मि योक्‍पो योङमु मेन्‍सीनोङ प्रभु परमेश्‍वरगी थे खोरोङ दोन्‍दु स्‍योक सिन काताङनामेकी थोक्‍ते मिओनचेन ख्रीष्‍टकी योक्‍पो योङमु ईन।

२ कोरिन्‍थी 11:20

च्‍यि सासीन खेराङला योक्‍पो योङमु जोबाते ख्‍योकोनला लेमु लाङच्‍याक्‍वा। खेराङते ओताते जति नाङ खाईन खाम्‍बा तोङबा जोसीनोङ, ईनराङ मेन्‍दे बात लाप्‍ला छक्‍के खासीनोङ थेमे खेराङला काम्‍बे पुज्‍या छेदोङ गने माक्‍याबाते ख्‍योकोनला गा लाङच्‍याक्‍वा। थेबेकी ख्‍योकोनला छ्येतकी नाङपाराङ ग्‍याप्‍सीनोङ ख्‍योकोनला छ्याःङ च्‍योक मालाङच्‍याक्‍वा।

२ कोरिन्‍थी 3:17

प्रभु ख्रीष्‍टताङ परमेश्‍वर आत्‍मा दोक्‍पोईराङ ईन। सुइँदा मि सेमगी नाङ प्रभु ख्रीष्‍टकी आत्‍मा ओत्‍नामेकी थे मि गोमाका परमेश्‍वरगी मिओनला बिन्‍दाते नियम अधीनला देता माफाबो।

गलाती 2:4

ईन्‍दाका येशू ख्रीष्‍टला विश्‍वास खित्‍कान्‍ते ईन सिरकान तर थोक मेन्‍दाते कोई कोई मि ङ्योकोन बात खित्‍सादु माबा ईन्‍सीन थे खतकी चिनु जोच्‍येते बादोङ थेन्‍च्‍याराङ मेतान। येशू ख्रीष्‍टताङ जीउज्‍यीकराङ ओङगीन ङ्योकोनगी परमेश्‍वरगी ङेराङ यहूदीओनला बिन्‍दाते होथे नियम ङेन्‍दा ताङा ओताते बात छ्या स्‍येबा ओत्‍कीन ङ्योकोनगी चुक चुक खित्‍च्‍या ईन्‍दाका सिन चिवा खिताला होथेबाचेन सुङगीङ स्‍योक मासाबाला थाराङ थेरू वाबा ओतान। थेरू खइँदा बात जिन्‍दा थुप्‍सीन लोक्‍ला ङ्योकोनला होथे नियमतेबा गाङे ङेन्‍दाराङ फाप्‍क्‍यो सिराला थेबा थोक खाईन थेरू वाबा ओतान।

गलाती 3:25

दोक खाईन ङुरूङगी ख्रीष्‍टला विश्‍वास खित्‍च्‍येते मौका ङेता ओतेकी था ङुरूङ परमेश्‍वर नियम अधीनला मेत।

गलाती 4:26

तर ज्‍येनज्‍यीक यरूशलेमोङ ओत। थेचेन दुरू यरूशलेम च्‍योक मेन्‍देकी स्‍वर्गनेते ईन। थेरूचेन योक्‍पो योङमु च्‍योक खाला परमेश्‍वर नियम अधीनला देत्‍च्‍येते बात छ्याःङ मेत। ङुरूङचेन दुरू यरूशलेम सारगी मि मेन्‍देकी स्‍वर्गने यरूशलेम सारगी मि ईन।

गलाती 4:31

बात दोक दोक ईन्‍देकी आज्‍यो न्‍वावे, ङुरूङचेन सारे फुज्‍युङ च्‍योक्‍ते ईन, योङमु फुज्‍युङ च्‍योक्‍ते मेन सिन लेमु खाला छ्या स्‍येबा फाप्‍क्‍यो।

गलाती 4:9

थाचेन ख्‍योकोनगी परमेश्‍वर सु ईन्‍दे, चुक्‍ते ईन्‍दे सिन लेमु खाईन छ्या स्‍येबा ओत। ख्‍योकोनगी थेला छ्या स्‍येबाते ईन सिरा भन्‍दाङ बरू परमेश्‍वर थे खोरोङगीराङका ख्‍योकोनला थे खोरोङ सु ईन्‍दे, चुक्‍ते ईन्‍दे सिन छ्या स्‍ये च्‍युत्‍कीन बिन्‍दाते ईन सिरा डिगीतासीन। बात दोक ईन्‍गीन ईन्‍गीनोङ परमेश्‍वरला माने खिता ताङगीन ख्‍योकोनगी चुक खाईन थाङबोमेई चले खिन वाबाते रीतिथिति लोक्‍ला माने खिताला स्‍यूबे? थोक खाला छ्याःङ फाइदा मेत्‍सीनोङ ख्‍योकोन च्‍यिला याङराङ स्‍याप स्‍याप खाला थे रीतिथिति माने खिता छोल्‍गीते?

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

एफिसी 6:14

दोक खाला थेबाताङ जीङाला ठीक ओङला देताला ख्‍योकोनगी दोक दोक खि। च्‍यि सासीन ख्‍योकोनगी परमेश्‍वर सत्‍यते बात ङेन्‍गीनराङ देत। दोक खित्‍च्‍येतेचेन केतापा पेटी छ्यिङच्‍येते ईन। थेमे परमेश्‍वरगी खि साबा साबाच्‍योक खि। दोक खित्‍च्‍येतेचेन मा मोथोत्‍स्‍यीत सिन ठाङनापा च्‍याकी पाता खोन्‍दाते ईन।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

१ थिस्‍सलोनिकी 3:8

ख्‍योकोनगी थोक खाईन प्रभु येशूला विश्‍वास खिनराङ दुक सिन छ्या स्‍येनामेईचेन ख्‍योकोनगी चुक खाबाना सिन गोमा थोक ज्‍यीबा लाबा ओत्‍सीनोङ था ङ्योकोनला ढुक्‍क लासुङ।

२ थिस्‍सलोनिकी 2:15

बात दोक दोक ईन्‍देकी आज्‍यो न्‍वावे, ख्‍योकोनगी ङेन्‍गीन वाबाते बात ङेन्‍गीनराङ देत। ख्‍योकोनताङ ङ्योम्‍बु ओत्‍जीन लापाते ईन्‍स्‍यीत थेमे चिट्ठीला टिकीन ताङाते ईन्‍स्‍यीत ङ्योकोनगी लापाते बात ङेन्‍दा मोतोङा खाला चुक खि सिन लापा ओताने थोकराङ खिन देत।

हिब्रू 10:23

ङुरूङचेन परमेश्‍वर खिओ साबा च्‍योकराङ खित्‍कान्‍ते ईन्‍देकी थेकी दाक्‍पोनला तेरग्‍यो साबाते जति गाङे ङेत्‍क्‍यो सिन सिओ। थोगी थेकी थोक खिओ सिन आश खाईन गुकीन देताते ङेत्‍क्‍योतराङ सिन ङुरूङ छ्याःङ शंका मिक्‍किता खाला देता फाप्‍क्‍यो।

हिब्रू 3:14

च्‍यिला सासीन स्‍याप छोमुसाकराङ ङुरूङगी परमेश्‍वरगी खिओ साबाच्‍योक पक्‍काराङ खिओ सिरच्‍येते बातला गोमा खाबा च्‍योकराङ छ्याःङ शंका मिक्‍किता खाला देता फाप्‍क्‍यो। दोक खाईन देत्‍सीन ख्रीष्‍टताङ डिक्‍ला ङुरूङगी थेकी ङेत्‍च्‍येते आशी ङेत्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

१ पत्रुस 2:16

थेमे सुङगीङ अधीनला मेताच्‍योक खाला काम खि। दोक साबाते खेराङला जे खिता सेम लाङगीदुक थेराङ खिता ङेत्‍क्‍यो साबाते मेन। जे खित्‍जीनोङ ख्‍योकोनगी परमेश्‍वर काम खित्‍कान्‍ते मिओनगी चुक खिता फाप्‍कीते थोकराङ खि।

२ पत्रुस 2:19

थेबेकी मिकी दाक्‍पोन खुशीकी जे खासीनोङ ओङगो, छ्याःङ मेलेबा मेङगो सिन ज्‍येनला लोप्‍कीदुक। तर खोपरोङला खिता सेम लाबाते काम मिक्‍किता खाला देताराङ माथुप्‍ला थेबेकी दाक थोक्‍ते मेलेबा काम खिदुक। दोक खाला थेबा पापकी योक्‍पो च्‍योकराङ ओङगीन देत्‍ला दुक। च्‍यिला सासीन जेकी मिला ग्‍याल्‍गीदुक मिचेन होथे योक्‍पोराङ ईन।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।

छ्या स्‍ये च्‍युताते बात 2:25

बातज्‍यीकचेन ङा ख्‍योकोनला सिओ। च्‍यि सासीन ङा ओङ ओङसाक ख्‍योकोनगी थोरूमसाक खिन ओता च्‍योकराङ खाला ङाला विश्‍वास खिन देत।

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।