गलाती 4:7 - जिरेल

⁷ दोक ओङनामेकी गोमा सुइँदे खाम्‍बादु काम खित्‍कान्‍ते दाक्‍पोनते छ्याःङ हक मेताते मि छेतराङ ईन्‍दाते ख्‍योकोन गाङेराङ थाचेन परमेश्‍वर फुज्‍युङ फुमु ओङा ओत। थेमे परमेश्‍वरगी थे खोरोङ फुज्‍युङ फुमुला तेरच्‍येतेबरी ख्‍योकोनगी ङेत्‍च्‍या ओङा ओत।

गलाती 4:7 Iomraidhean Croise

मत्ती 6:24

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 3:29

दोस्‍यिककामा मेन, ख्‍योकोन ख्रीष्‍टताङ जीउज्‍यीकराङ ओङा ओतेकी ख्‍योकोनोङ अब्राहाम सन्‍तानराङ ओङगीन परमेश्‍वरगी थेत्ताङ थे सन्‍तानला तेरग्‍यो साबाते आशी ख्‍योकोनगीङ ङेत्‍क्‍यो।

गलाती 4:31

बात दोक दोक ईन्‍देकी आज्‍यो न्‍वावे, ङुरूङचेन सारे फुज्‍युङ च्‍योक्‍ते ईन, योङमु फुज्‍युङ च्‍योक्‍ते मेन सिन लेमु खाला छ्या स्‍येबा फाप्‍क्‍यो।

छ्या स्‍ये च्‍युताते बात 21:7

शैतान शक्तिला ग्‍याल्‍कान्‍ते मिकी ङे तेरच्‍येते होदिबा गाङे ङेत्‍क्‍यो। ङा थे मि परमेश्‍वर ओङगो थेमे थेचेन ङे फुज्‍युङ ओङगो।