गलाती 4:5 - जिरेल

⁵ परमेश्‍वर नियम अधीनला देत्‍कान्‍ते तर थेरू खि साबा साबाच्‍योक खिता मुथुप्‍कान्‍ते मिओन था थे नियम अधीनला देता माफाप्‍स्‍यीत सिन परमेश्‍वरगी थे खोरोङ फुज्‍युङला देमा ताङा ओतान। दोक खाईन थेकी ङुरूङला थे खोरोङ धर्म-पुत्र जोकीन थे फुज्‍युङ फुमुकी ङेत्‍च्‍येते जति गाङे ङेत्‍च्‍येते अधिकार बिन्‍सुङ।

गलाती 4:5 Iomraidhean Croise

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

लूका 1:68

“था ङुरूङ इस्राएली गाङेराङ प्रभु परमेश्‍वरते जय जय खिइ। थेचेन थे खोरोङगी छाने खाबाते मि ङुरूङला दुक्‍पादुकी टाल्‍ला लेमु खित्‍कान्‍ते ईन।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

रोमी 10:4

तर ख्रीष्‍ट दुरू वाबेकी परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो सिरच्‍येते बात छ्या स्‍येकीदुक। ख्रीष्‍टकी खाबाते कामगी खित्‍सादुकामा परमेश्‍वरगी मिओनला दोषी मेन सिओ। दि बात पत्ते खाला परमेश्‍वरला विश्‍वास खित्‍कान गाङेला थेकी होथोक्‍ते मि ईन सिओ।

रोमी 8:14

दोक खाला परमेश्‍वर आत्‍मेकी खित ज्‍युता चाला च्‍योकराङ खित्‍कान्‍ते मिचेन गाङेराङ परमेश्‍वर फुज्‍युङओन ईन।

रोमी 8:15

योक्‍पो योङमुकी मालिकतेकी दुङगीता सिन ज्‍यीबा खुराच्‍योक खाला था लोक्‍ला ख्‍योकोनगीचेन परमेश्‍वरगी सजाय तेरगीता सिन थेत्ताङ छ्याःङ ज्‍यीबा खिता माफाबो। च्‍यिला सासीन परमेश्‍वरगी थे खोरोङ आत्‍मा बिन्‍गीन ख्‍योकोनला थे खोरोङ धर्म-पुत्र जोबा ओत। थेमे परमेश्‍वर आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

रोमी 8:19

दोक खाला था ङीमाई परमेश्‍वरगी गाङेकी थोङच्‍या खाला थे खोरोङ फुज्‍युङ फुमुला थे खोरोङगी ज्‍वा चाला च्‍योकराङ लेमु जोच्‍येते दिन ओङगो। मि ईन्‍स्‍यीत, जीव जन्‍तु ईन्‍स्‍यीत परमेश्‍वरगी जोबातेबरी जेसुकै थे दिन नाम लेबोङा सिन गुकीनराङ देता ओत।

रोमी 8:23

ईन्‍दाका ङुरूङोङ थोरूमसाक दुक्‍पालाराङ देता फापा ओतेकी ङुरूङ सेमलाङ ढुक्‍क मेत। परमेश्‍वरगी ङुरूङला थे खोरोङ आत्‍मा बिन्‍दा ओतेकी थेकी खिओ साबाते ज्‍येनोङ था गाङे साबा च्‍योकराङ खिओ। परमेश्‍वर आत्‍मा ङेता ओत्‍सीनोङ परमेश्‍वरगी ङुरूङला स्‍या फाप्‍सादुकी टाल्‍ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्‍य्‌वाच्‍येते दिन नामराङ लेबोङा सिन ङुरूङ गुकीन देता ओत।

रोमी 9:4

थेबानी परमेश्‍वरगी थे खोरोङ मि सिन साबाते इस्राएलीओनराङ ईन। थेबाचेन परमेश्‍वरगी थे खोरोङ धर्म-पुत्र जोबाते मि ईन। थेबेकी परमेश्‍वरला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थे खोरोङगी च्‍यि च्‍यि खिते सिन परमेश्‍वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्‍कीते सिन नियमओनोङ बिन्‍दा ओतान। थे खोरोङला चुक खाला माने खिता फाप्‍कीते सिन लाप्‍कीन बिन्‍गीन थेकी थेबाला आशी बिन्‍ला लेमु खिओ सिनोङ याङ याङराङ साबा ओतान।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 4:21

ख्‍योकोनला परमेश्‍वर नियमला खि साबा साबा ङेन्‍ला थे नियम अधीनला देता सेम लाङगीदुक मेन ओना? थोक ईन्‍सीन ख्‍योकोनगी ङाला दि बातज्‍यीक सिते ओना। च्‍यि ख्‍योकोनगी थे नियमला साबाते बात गाङे लेमु खाईन खोबा ओत?

गलाती 4:7

दोक ओङनामेकी गोमा सुइँदे खाम्‍बादु काम खित्‍कान्‍ते दाक्‍पोनते छ्याःङ हक मेताते मि छेतराङ ईन्‍दाते ख्‍योकोन गाङेराङ थाचेन परमेश्‍वर फुज्‍युङ फुमु ओङा ओत। थेमे परमेश्‍वरगी थे खोरोङ फुज्‍युङ फुमुला तेरच्‍येतेबरी ख्‍योकोनगी ङेत्‍च्‍या ओङा ओत।

एफिसी 1:5

थेजीनराङ थेकी येशू ख्रीष्‍टकी खित्‍च्‍येते कामगी खित्‍सादु ङुरूङला थे खोरोङ धर्म-पुत्र जोइओ सिन साबा ओतान। थे खोरोङगी थोक खिता सेम खाबेकीराङ परमेश्‍वरगी दोक दोक खाबा ओतान।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 1:3

परमेश्‍वर फुज्‍युङला ताला परमेश्‍वरताङ चुक छ्येज्‍यीक शक्ति ओता ईन्‍दा सिन छ्या स्‍येक्‍यो। परमेश्‍वरताङ थेला छ्याःङ फरक मेत, परमेश्‍वर जस्‍तो दुक थेङ उस्‍तोराङ ओत। दि सा नाम थेमे सा नाम खाङ ओताते जति गाङेला तेइन दि दोक ओङस्‍यीत, थे थोक ओङस्‍यीत साला ओताते जति गाङे चुक चुक ओङा फाप्‍च्‍येते ईन्‍दे थोकराङ ओङ ज्‍युत्‍कान्‍ते थेराङ ईन। मि पापदुकी ठाल्‍च्‍येते लाम जोकीन थे स्‍वर्गने छ्येज्‍यीक शक्ति ओताते परमेश्‍वर सामे छ्य्‌वापा देता ओत।

हिब्रू 9:12

थे ठाउँदु स्‍यूक्‍जीन थेचेन ज्‍येन पूजारी च्‍योक रोबोताङ फौकी ठाक खुरगीन स्‍यूबाते मेन। था नोमुङ थोक खिता माफाप्‍च्‍या खाईन थेनी थे खोरोङ स्‍यिजीन थे खोरोङ जीउदुकी थेन्‍दाते ठागी खित्‍सादु मि पूरो खाला पापदुकी ठाल्‍च्‍येते लाम जोकीन परमेश्‍वर देत्‍सादु स्‍यूबा ओत।

हिब्रू 9:15

थोक खाईन स्‍यिइन ख्रीष्‍टचेन परमेश्‍वरगी तिरी खाबाते जमान पूरो खाला तेरकान्‍ते ओङा ओत। थे थोक खित्‍कान्‍ते ओङेकी खित्‍सादु परमेश्‍वरगी थे खोरोङ दोन्‍दु स्‍योक सिन काताङाते मिओनला नोमुङ मोतोरच्‍या खाला तेरग्‍यो सिन साबाते जति था थेबेकी गाङे ङेत्‍च्‍या ओङा ओत। परमेश्‍वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्‍टकी भोगे खाईन स्‍याप्‍की खित्‍सादु थेबेकी ङेत्‍च्‍येते जति ङेत्‍च्‍या ओङाते ईन।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

छ्या स्‍ये च्‍युताते बात 14:3

थेमे थे मिओनचेन परमेश्‍वर सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे दोन्‍दु देत्‍ला गोमा नोमुङ मालाबाते साम्‍बाते लुज्‍यीक लिन्‍गीन ओतान। दि सा लुङबे मिओन नाङदुकी परमेश्‍वरगी पापकी सजायदुकी टालाते होथेबेकी बाई दि लु ज्‍येन सुङगीङ लिन्‍दा थुप्‍कीन मेतान।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,