गलाती 4:4 - जिरेल

⁴ तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।

गलाती 4:4 Iomraidhean Croise

मत्ती 1:23

थेकी चुक साबा ओताने सासीन “कर्नेते फेम्‍मे फिजाज्‍यीगी फुज्‍यीमा खुरला फुज्‍युङज्‍यीक केइओ। थे फिजाला इम्‍मानुएल सिन सिओ,” सिन साबा ओतान। इम्‍मानुएल साबाते परमेश्‍वर ङुरूङताङराङ देत्‍ला लेमु खिओ साबाते ईन।

मत्ती 3:15

थेकी थोक खित्‍जीन येशूकी “मेन, जे ईन्‍सीनोङ खुई ङाला बप्‍तिस्‍मा नाङ। च्‍यिला सासीन परमेश्‍वरगी खि साबातेबरी ङेन्‍दाला ङुरूङगी दोकराङ खाला काम खिता फाप्‍क्‍यो,” सिन सिदुक। थेमे यूहन्‍नेकी थेला छ्युला लुगीन बप्‍तिस्‍मा बिन्‍सुङ।

मत्ती 5:17

थेमे मोशेकी टिबाते परमेश्‍वर नियमताङ परमेश्‍वर बात खित्‍कान्‍ते मिओनगी साबाते बात था माङेन्‍सीनोङ ओङगो सिन लोपाला ङा दुरू वाबाते ईन्‍दासीन सिन ख्‍योकोन विचार माकेत। ङानी होथे नियम गाङे ङेन्‍दाला थेमे थेरू खि साबाच्‍योक खित्‍च्‍या सिराते च्‍यि ईन्‍दे सिन लोपालाका वाबाते ईन।

मर्कूस 1:15

थेकी थेबाला “मिवे, थाचेन बेला लेप्‍कीन सिन्‍सुङ। था परमेश्‍वर राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे गा लाङच्‍येते बात ङेन,” सिन लाप्‍सुङ।

लूका 1:31

था खोल्‍ला च्‍यि ओङगीते सासीन खुई फुज्‍यीमा खुरला फुज्‍युङज्‍यीक केइओ। थे मिन येशू सिन स्‍योक।

लूका 1:35

थे दूतकी “था खुई परमेश्‍वर आत्‍मा ङेत्‍ला गाङे भन्‍दा छ्येते परमेश्‍वर शक्तिकी खित्‍सादु फुज्‍यीमा खुरग्‍यो। थोगी खुई केबाते थे फिजाला सेमला पाप सिराते छ्याःङ मेताते थेमे परमेश्‍वर फुज्‍युङ ईन सिन सिओ।

लूका 2:7

थेमे थेकी थेरूराङ फुज्‍युङज्‍यीक केसुङ। थेते छ्येते फिजाराङ थेराङ ओतान। थेकी थे फिजाला खोलाककी तुम्‍गीन च्‍याकीन ठोन्‍डोला सो तेरच्‍येते डूँरगी नाङराङ ङ्याल्‍सुङ। च्‍यिला सासीन हुटेलदु स्‍यासा देत्‍च्‍येते ठाउँ माङेतेई थेबा गोटेज्‍यीक्‍तु स्‍यासा देता फापा ओतान।

लूका 20:44

थोक खाईन गेल्‍बो दाऊद खोरोङगीराङ ख्रीष्‍टला मान खिन प्रभु सानामेकी चुक खाईन ख्रीष्‍ट थे सन्‍तान ओङसुङा? विचार खिते,” सिन सिदुक।

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

यूहन्‍ना 6:38

ङा ङाराङ खुशीकी च्‍यि खिता सेम लाङगीका थोकराङ खिताला स्‍वर्गनेकी दुरू वाबाते मेन। ङानी ङाराङला देमा तोङकान्‍तेकी खिता चाला चाला खितालाका वाबाते ईन।

यूहन्‍ना 8:42

याङराङ येशूकी थेबाला “ख्‍योकोन आबा परमेश्‍वर ईन्‍दा ईन्‍सीन ख्‍योकोनगी ङाला ङिङज्‍ये खित्‍च्‍या ओतान। च्‍यिला सासीन थे ओत्‍सादुकीराङ ङा दुरू वाबाते ईन। ङा दुरू ङाराङ खुशीकी वाबाते मेन, ङालाचेन थेकीराङ ताङाते ईन।

शक्ति काम 1:7

थोक सिरजीन थेकी थेबाला “दोक खित्‍च्‍येते नाम च्‍यि छोमु खित ज्‍युत्‍च्‍ये सिरच्‍येते बात आबा थे खोरोङगीराङ खित्‍च्‍येते काम ईन। दि बात ख्‍योकोनला छ्या स्‍येबा माफाबो।

रोमी 1:3

परमेश्‍वरगी छ्या स्‍ये ज्‍युत्‍क्‍यो साबाते दि गा लाङच्‍येते बातचेन थे खोरोङ फुज्‍युङ बातराङ ईन। परमेश्‍वर फुज्‍युङ मि जुनी लाला दुरू ओङजीन गेल्‍बो दाऊद सन्‍तान नाङ केबा ओतान।

रोमी 15:8

ख्रीष्‍टकी चुक खासुङा सिन विचार खि। थेचेन परमेश्‍वरगी यहूदीओन ज्‍युज्‍यु पुर्खाताङ गोमा खाबाते जमान पूरो खाला थेबाला लेमु खिताला थेबे नाङ केबा ओतान। दोक खाईन थेकी परमेश्‍वर थे खोरोङगी खिओ साबा च्‍योकराङ खित्‍कान्‍ते ईन सिन छ्या स्‍ये च्‍युत्‍कीन बिन्‍सुङ।

रोमी 5:6

चुक सासीन ङुरूङगी परमेश्‍वरगी खि साबाते ङेन्‍गीन लेमु काम खिता थुपा मेतान। दोक खाईन ङुरूङ परमेश्‍वरगी माकेत साबा साबा खिन देता ओते बेलालाराङ ख्रीष्‍ट ङुरूङ लाईदु थे खोरोङ ज्‍यान बिन्‍गीन स्‍यिसुङ। परमेश्‍वरगी तोके खाबाते ठीक बेलाला थे दोक खाईन स्‍या ओतान।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

रोमी 9:5

दोस्‍यिककामा मेन, थेबाचेन अब्राहाम, इसहाक थेमे याकूब सन्‍तानराङ ईन। थेमे परमेश्‍वरगी तोङगो साबाते ख्रीष्‍टोङ मि जुनी लाला दुरू ओङजीन थेबे जातकी नाङराङ केबा ओतान। थेचेन सा नाम खाङ गाङेपा गाङेला राज्‍य खित्‍कान्‍ते परमेश्‍वर ईन। थेते सधैँभरि जय जय ओङस्‍यीत। आमेन।

एफिसी 1:10

थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्‍ट छ्य्‌वापेकी खिओ सिन थे खोरोङगी खिता चालाते काम थेकी खासुङ। दि काम च्‍यि ईन्‍दे सासीन स्‍वर्गने ओताते ईन्‍स्‍यीत, पृथ्‍वीदु ओताते ईन्‍स्‍यीत, जो ईन्‍सीनोङ जे ईन्‍सीनोङ गाङेला येशू ख्रीष्‍ट छ्य्‌वापेकी डिक्‍पा खाला थे अधीनलाराङ ज्‍य्‌वाच्‍येते ईन।

कलस्‍सी 2:14

चुक सासीन ङुरूङगी खाबाते पापबरी थेकी गाङे टिकीन ज्‍याक्‍पा ओतान। थोक खाईन टिबाते स्‍यिउला ङुरूङ दोषी ईन, सजाय तेरा फाप्‍क्‍यो सिनोङ टिबा ओतान। थेकी थे स्‍यिउ स्‍यिङगी थामला काँटी ग्‍याप्‍कीन टाँए खाईन ङुरूङ पापी ईन, ङुरूङगी सजाय ङेता फाप्‍क्‍यो सिन थेरू टिबा ओताते बातबरी गाङे मेटे खासुङ।

१ तिमोथी 2:6

मि गाङे पापकी सजाय थे खोरोङगीराङ भोगे खाईन थेचेन मि गाङे लाईदु ज्‍यान बिन्‍गीन स्‍यिसुङ। थेकी थोक खाबाते काम तालाराङ परमेश्‍वरगी मि गाङेला पापकी सजायदुकी टाल्‍ला थे खोरोङताङ डिक ज्‍युता छोल्‍ग्‍यो सिन परमेश्‍वरगी थे खोरोङगी तोके खाबे बेलाला मिओनला छ्या स्‍ये च्‍युत्‍सुङ।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

हिब्रू 9:10

च्‍यिला सासीन थे नियमलाचेन खालि दि सो थे मासा, दि थुङ थे माथुङ सिरच्‍येते बातताङ ठु खाला चोके खित्‍च्‍येते बातओनकामा ओतान। थे खोरोङगी खिता चालाच्‍योक खित्‍च्‍येते समय मालेपथुपकामा परमेश्‍वरगी थे नियम चले खित्‍च्‍या खाबा ओतान।

१ यूहन्‍ना 4:14

आबा परमेश्‍वरगी दि सा लुङबे मिओनला पापदुकी डेलाला थे खोरोङ फुज्‍युङला देमा ताङा ओतान। थेकी थेला देमा ताङाते ईन सिन ङ्योकोनगी ङेराङ मिगीराङ थोङाते थेमे लेमु खाईन छ्या स्‍येबाते ईन्‍देकी दि बाततेबा ङ्योकोन ज्‍येनलाङ लाःप्‍क्‍यो।

१ यूहन्‍ना 4:2

सुइँदेकी सिरच्‍येते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन येशू ख्रीष्‍ट मि जुनी लाकीन केबाते ईन सिन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते ईन।