गलाती 4:26 - जिरेल

²⁶ तर ज्‍येनज्‍यीक यरूशलेमोङ ओत। थेचेन दुरू यरूशलेम च्‍योक मेन्‍देकी स्‍वर्गनेते ईन। थेरूचेन योक्‍पो योङमु च्‍योक खाला परमेश्‍वर नियम अधीनला देत्‍च्‍येते बात छ्याःङ मेत। ङुरूङचेन दुरू यरूशलेम सारगी मि मेन्‍देकी स्‍वर्गने यरूशलेम सारगी मि ईन।

गलाती 4:26 Iomraidhean Croise

यूहन्‍ना 8:36

परमेश्‍वर फुज्‍युङगी ख्‍योकोनला पापदुकी टाल्‍सुङ सासीन ख्‍योकोन पूरो खाला पापदुकी ठाल्‍ग्‍यो।

रोमी 6:14

ख्‍योकोनगी था पाप खिन देता माफाबो। च्‍यिला सासीन था ख्‍योकोन परमेश्‍वर नियम अधीनला मेत। परमेश्‍वरगी दया खाबेकी थानी ख्‍योकोन थे अधीनलाका ओत।

रोमी 6:18

थोक खाईन परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबा साबा ङेन्‍दा फाप्‍क्‍यो।

गलाती 4:22

थे नियमला बातज्‍यीक दोक सिन टिबा ओत। च्‍यि सासीन अब्राहामते फुज्‍युङ ङि ओतान। दोक्‍पोईचेन योङमुते हागार छ्य्‌वापेकी केबा ओतान। ज्‍येनतेचेन फेम्‍मेते सारे छ्य्‌वापेकी केबा ओतान।

गलाती 4:25

दि हागार साबातेचेन थरिङोला अरबदु ओताते सीनै बोम ईन। थरिङोले बातराङ खिइ सासीनचेन हागार बातताङ यहूदीओन छ्येते सार यरूशलेम बात डिगो। च्‍यिला सासीन परमेश्‍वर नियम ङेन्‍दा फाप्‍क्‍यो सिन थे नियम अधीनला देतेकी यरूशलेम मिओन छ्ये टेक्‍टे गाङेराङ योक्‍पो योङमु च्‍योकराङ ईन।

गलाती 5:1

ख्रीष्‍टकी खाबाते कामगी खित्‍सादु ङुरूङगी परमेश्‍वर नियम अधीनला देता माफाबो। ङुरूङगी गोमाबा खिन ओताच्‍योक नोमुङ खिता माफाबो। बात थोक ईन्‍देकी था ख्‍योकोनगी खुरा मुथुप्‍च्‍येते खुर्बु खुरा छोलाच्‍योक खाला परमेश्‍वरगी यहूदीओनला बिन्‍दाते नियम ङेन्‍ला थेरू खि साबा साबा खिता माछोल।

फिलिप्‍पी 3:20

ङुरूङचेन स्‍वर्गने देता ङेत्‍कान्‍ते मि ईन। ङुरूङला पापदुकी डेल्‍कान्‍ते प्रभु येशू ख्रीष्‍ट था नामराङ थेनेकी ग्‍युरला वाओङा सिन ङुरूङ गुकीन देता ओत।

हिब्रू 12:22

तर ख्‍योकोननी सीनै बोमदु मेन्‍देकी सियोन बोमदुका लेपा ओत। सोम्‍बोते परमेश्‍वर देत्‍च्‍येते स्‍वर्गने ओताते यरूशलेम सारोङ ख्‍योकोन लेप्‍सादुराङ ईन। थेरू गा खिन परमेश्‍वरते जय जय खिन देत्‍कान्‍ते ङोला ङ्वा मुथुप्‍च्‍या परमेश्‍वर दूतओन ओत।

१ पत्रुस 2:16

थेमे सुङगीङ अधीनला मेताच्‍योक खाला काम खि। दोक साबाते खेराङला जे खिता सेम लाङगीदुक थेराङ खिता ङेत्‍क्‍यो साबाते मेन। जे खित्‍जीनोङ ख्‍योकोनगी परमेश्‍वर काम खित्‍कान्‍ते मिओनगी चुक खिता फाप्‍कीते थोकराङ खि।

छ्या स्‍ये च्‍युताते बात 12:1

थेमे ङे नामने खइँदा अचम्‍बे जाज्‍यीक थेन्‍दा थोङसुङ। थेचेन फेम्‍मे मिज्‍यीक ओतान। थे फेम्‍मे मि ङीमे नाङ ओतान। थेते काम्‍बे चावादु दागार ओतान। थेमे थेकी गोःकी लाक कार्मा च्‍युन्‍ङी खाबाई श्रीपेज खोन्‍दा ओतान।

छ्या स्‍ये च्‍युताते बात 17:5

थे फेम्‍मे मि टाले लाक्‍तु सजिलो खाला खोबा मुथुप्‍च्‍याज्‍यीक अर्थ ओताते मिनज्‍यीक दोक सिन टिबा ओतान। च्‍यि सासीन “दि जोदाते सार बेबिलोन ईन। दि सा लुङबा खाङ रन्‍डीबाजीताङ होदि च्‍योक्‍ते खिता मेङच्‍येते काम खित्‍कान्‍ते थेमे आउदी मेलेबा मेलेबा काम खित्‍कान्‍तेबे आमा दिराङ ईन” सिन टिबा ओतान।

छ्या स्‍ये च्‍युताते बात 21:2

थेमे परमेश्‍वर सार सिरच्‍येते साम्‍बाते यरूशलेम परमेश्‍वर देत्‍सादुई स्‍वर्गनेकी थुल्‍लाला फाप्‍कीन ओताते ङे थोङसुङ। थे सारचेन लेमु लेमु खोलाकताङ गहनातेबा कोन्‍गीन बेउले लाईदु ठीक खाईन ज्‍याक्‍पाते बेउली च्‍योकराङ थोङगीन ओतान।

छ्या स्‍ये च्‍युताते बात 3:12

शैतान शक्तिला ग्‍याल्‍कान्‍ते मिला ङा ङे परमेश्‍वर मन्‍दिरदु थाम जोला ज्‍य्‌वाक्‍यो। थेमे थे सधैँ थेरूराङ देत्‍क्‍यो। थे मि लाक्‍तु ङा ङे परमेश्‍वर मिन टिइओ। थोकराङ खाला ङा स्‍वर्गनेकी ङे परमेश्‍वर छ्य्‌वापेई ओङच्‍येते परमेश्‍वर सार साम्‍बाते यरूशलेम मिनताङ ङाराङ साम्‍बाते मिनोङ थे मि लाक्‍तु टिइओ।