गलाती 4:25 - जिरेल

²⁵ दि हागार साबातेचेन थरिङोला अरबदु ओताते सीनै बोम ईन। थरिङोले बातराङ खिइ सासीनचेन हागार बातताङ यहूदीओन छ्येते सार यरूशलेम बात डिगो। च्‍यिला सासीन परमेश्‍वर नियम ङेन्‍दा फाप्‍क्‍यो सिन थे नियम अधीनला देतेकी यरूशलेम मिओन छ्ये टेक्‍टे गाङेराङ योक्‍पो योङमु च्‍योकराङ ईन।

गलाती 4:25 Iomraidhean Croise

मत्ती 23:37

थेमे यरूशलेम मिओन लाईदु ङे चुक दुक्‍पा लाङच्‍ये बात खिता फाप्‍कीका। ख्‍योकोनला लेमु खिताला ताङाते परमेश्‍वर बात खित्‍कान्‍ते मिओनला ख्‍योकोनगी सेत्‍कीदुक। परमेश्‍वरगी ताङाते ज्‍येन ज्‍येन मिलाङ ख्‍योकोनगी दोई ग्‍याप्‍ला सेत्‍कीदुक। थेमे दुरू वाकीन ङेङ ख्‍योकोनला छ्योमुकी छ्यिर्बुकला स्‍योक्‍पे चावादु उप्‍ला ज्‍य्‌वाबा च्‍योकराङ खाईन पालोताङ पालो लेमु खिता चालाप। ईन्‍सीनोङ ख्‍योकोनगी माङेन्‍देईराङ ङे ख्‍योकोनला छ्याःङ खिता माथुप्‍सुङ।

लूका 13:34

यरूशलेम मिओन लाईदु ङे चुक दुक्‍पा लाङच्‍ये बात खिता फाप्‍कीका। ख्‍योकोनला लेमु खिताला ताङाते परमेश्‍वर बात खित्‍कान्‍ते मिओनला ख्‍योकोनगी सेत्‍कीदुक। परमेश्‍वरगी ताङाते ज्‍येन ज्‍येन मिलाङ ख्‍योकोनगी दोई ग्‍याप्‍ला सेत्‍कीदुक। थेमे दुरू वाकीन ङेङ ख्‍योकोनला छ्योमुकी छ्यिर्बुकला स्‍योक्‍पे चावादु उप्‍ला ज्‍य्‌वाबा च्‍योकराङ खाईन पालोताङ पालो लेमु खिता चालाप। ईन्‍सीनोङ ख्‍योकोनगी माङेन्‍देईराङ ङे ख्‍योकोनला छ्याःङ खिता माथुप्‍सुङ।

लूका 19:44

थेमे थेबेकी ख्‍योकोन छ्ये टेक्‍टे गाङेला सोतोर जोइओ। थेमे सारोङ बराङ बुरूङ रोम्‍ग्‍यो। परमेश्‍वरगी खेराङला सजाय छ्य्‌वापेई थारच्‍येते मौका तेरजीन ख्‍योकोनगी टेरे माक्‍याबेकीराङ था होथोक ओङगो,” सिन सिदुक।

शक्ति काम 1:11

“ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

गलाती 1:17

ङाला भन्‍दा गोमाका येशू ख्रीष्‍टकी खटे खाबाते मिओनताङ ठेत्‍ला बात खिताप सिन यरूशलेमनेङ मागाल। दोक छ्याःङ मिक्‍किता खाईन च्‍यिकराङ देताप सिन बरू ङा अरब लुङबापा गालाप। थेमे तिरी थेपेकीङ याङराङ दमस्‍कस सारनापाराङ ग्‍युरगीन वाबाप।

गलाती 4:24

दि बातकीते खुदुक खुदुक अर्थ ओत। थे फेम्‍मे मि मेरा ङिकी बातकी छ्य्‌वापेई ङुरूङगी परमेश्‍वरताङ मिओन फारगी नाङ थरी ङि बात ओत सिन छ्या स्‍येबा थुप्‍क्‍यो। च्‍यि सासीन योङमु हागार बातताङ डिक्‍च्‍येते थरीज्‍यीक बातचेन सीनै बोमदुकी शुरू ओङाते ईन। होथे बोमदुराङ परमेश्‍वरगी यहूदीओनला थे खोरोङ नियम बिन्‍दा ओतान। दोक खाईन थेबा थे नियम अधीनला देता फाप्‍कीन योक्‍पो योङमु च्‍योकराङ ओङसुङ।

गलाती 4:26

तर ज्‍येनज्‍यीक यरूशलेमोङ ओत। थेचेन दुरू यरूशलेम च्‍योक मेन्‍देकी स्‍वर्गनेते ईन। थेरूचेन योक्‍पो योङमु च्‍योक खाला परमेश्‍वर नियम अधीनला देत्‍च्‍येते बात छ्याःङ मेत। ङुरूङचेन दुरू यरूशलेम सारगी मि मेन्‍देकी स्‍वर्गने यरूशलेम सारगी मि ईन।

हिब्रू 12:18

थेमे ख्‍योकोन परमेश्‍वर दोन्‍दु ड्वा ङेत्‍च्‍येतेचेन थाङबो इस्राएलीओन सीनै बोमदु ख्‍योला च्‍योक्‍ते मेन। सीनै बोमचेन थेबा ख्‍याम्‍बा थुप्‍च्‍या थेमे लाक्‍पेकी दोला ता थुप्‍च्‍येते ईन। थेजीन थेबेकी थे बोमदु आउदी जोदाज्‍यीक मे बाराते थेमे मुन्‍दाक जिङी गालाते थोङा ओतान। थेरू छ्येज्‍यीक हुन्‍डी चले खाबातेङ थेबेकी थाहा छ्येता ओतान।