गलाती 4:21 - जिरेल

²¹ ख्‍योकोनला परमेश्‍वर नियमला खि साबा साबा ङेन्‍ला थे नियम अधीनला देता सेम लाङगीदुक मेन ओना? थोक ईन्‍सीन ख्‍योकोनगी ङाला दि बातज्‍यीक सिते ओना। च्‍यि ख्‍योकोनगी थे नियमला साबाते बात गाङे लेमु खाईन खोबा ओत?

गलाती 4:21 Iomraidhean Croise

मर्कूस 10:3

थोक सिरजीन थेकी “मोशेकी परमेश्‍वर नियमला चुक खिता फाप्‍क्‍यो सिन साबा ओते?” सिन सिदुक।

लूका 16:29

थोक सिरजीन अब्राहामगी ‘लाजरसला च्‍यिला तोङच्‍येरो? मोशा थेमे परमेश्‍वर बात खित्‍कान्‍ते मिओनगी टिबाते बातओन खुई न्‍वाओनला छ्याराङ ओत। थे बातओन ङेन्‍सीन थेबाला खोल्‍ला च्‍योक मेङगो,’ सिन सादुक्‍लो।

यूहन्‍ना 10:34

थोक सिरजीन थेकी “च्‍यि ख्‍योकोन नियमला ‘ख्‍योकोन खेराङराङ परमेश्‍वर फुज्‍युङ फुमु ईन,’ सिन परमेश्‍वरगी साबाते बात टिबा मेत?

यूहन्‍ना 12:34

दि बात थोकीन थेरू ओताते मिओनगी “परमेश्‍वरगी तोङगो साबाते ख्रीष्‍ट नोमुङ मिस्‍यिओ सिन परमेश्‍वर नियमला साबा ओताते बात ङ्योकोनगी थोबा ओत। परमेश्‍वर ओत्‍सादुई वाबाते मिला स्‍यिङगी थामला टाँए खिओ सिन खो चुक खाला सिते? थोक ईन्‍सीन परमेश्‍वर ओत्‍सादुई वाबाते मि सु ईन्‍दे ओना?” सिन सासुङ।

यूहन्‍ना 15:25

थेबेकी थोक खाबातेचेन परमेश्‍वरगी खोपरोङला बिन्‍दाते नियमला ‘छ्याःङ गल्‍तीराङ मेताला थेबेकी ङाला मिगी थोङसार्मु खासुङ,’ सिन टिबाते बात साबा च्‍योकराङ ओङाला ईन।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।

रोमी 6:14

ख्‍योकोनगी था पाप खिन देता माफाबो। च्‍यिला सासीन था ख्‍योकोन परमेश्‍वर नियम अधीनला मेत। परमेश्‍वरगी दया खाबेकी थानी ख्‍योकोन थे अधीनलाका ओत।

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

गलाती 4:9

थाचेन ख्‍योकोनगी परमेश्‍वर सु ईन्‍दे, चुक्‍ते ईन्‍दे सिन लेमु खाईन छ्या स्‍येबा ओत। ख्‍योकोनगी थेला छ्या स्‍येबाते ईन सिरा भन्‍दाङ बरू परमेश्‍वर थे खोरोङगीराङका ख्‍योकोनला थे खोरोङ सु ईन्‍दे, चुक्‍ते ईन्‍दे सिन छ्या स्‍ये च्‍युत्‍कीन बिन्‍दाते ईन सिरा डिगीतासीन। बात दोक ईन्‍गीन ईन्‍गीनोङ परमेश्‍वरला माने खिता ताङगीन ख्‍योकोनगी चुक खाईन थाङबोमेई चले खिन वाबाते रीतिथिति लोक्‍ला माने खिताला स्‍यूबे? थोक खाला छ्याःङ फाइदा मेत्‍सीनोङ ख्‍योकोन च्‍यिला याङराङ स्‍याप स्‍याप खाला थे रीतिथिति माने खिता छोल्‍गीते?