गलाती 4:19 - जिरेल

¹⁹ ङे ङिङज्‍येते फिजावे, सुत्‍केरी बेथा ग्‍यापाते फेम्‍मे मिला च्‍योकराङ ङाला आउदी दुक्‍पा ओङा ओत। च्‍यिला सासीन ख्रीष्‍टकीकामा ख्‍योकोनला थे खोरोङ च्‍योकराङ लेमु ज्‍वा थुप्‍क्‍यो सिन ख्‍योकोन थेला सेमदुकीराङ भर परे खित्‍कान मागालथुप ङा रकस्‍यिकोङ ढुक्‍क खाईन देता थुपा मेत।

गलाती 4:19 Iomraidhean Croise

लूका 22:44

था भोगे खिता फाप्‍च्‍येते दुक्‍पे पीरगी खित्‍सादु थे सेम छोकीन सिन्‍दा ओतान। थेमे थेकी झन झन परमेश्‍वरला प्रार्थना खासुङ। थोक खाला प्रार्थना खित्‍जीन थे जीउदुकी ठागी थोपो थिक्‍पा च्‍योकराङ खाला ठोतकी थोपो थिगीन ओतान।

रोमी 13:14

खेराङला जे जे खिता सेम लाङगीदुक थे थेराङ माकेत। दाक्‍पोन खुशीला ख्‍याम्‍बा लेमु मेन साला बरू ख्‍योकोनगी जे खासीनोङ प्रभु येशू ख्रीष्‍टकी खित ज्‍युता चाला च्‍योक्‍तेकामा खि।

रोमी 8:29

च्‍यि सासीन थेकी थेबाला थे खोरोङ फुज्‍युङ च्‍योकराङ लेमु ज्‍वाप सिन गोमामेई छाने खाबा ओतान। थे खोरोङ फुज्‍युङचेन छ्येते फुज्‍युङ च्‍योकराङ ओङला थेते न्‍वातेबा काल्‍बेई ओङस्‍यीत सिन परमेश्‍वरगी होथेबाला थोक खाईन छाने खाबा ओतान।

२ कोरिन्‍थी 12:14

थेमे ङा याङराङ ख्‍योकोन ओत्‍सापा ओङाला ठीक खाबा ओत। दि बाजिताङनी ङा थेपा वाबाते पालो सुम छाङगो। जेराङ ईन्‍सीनोङ गोमाबा च्‍योकराङ दि पालोलाङ ङा ख्‍योकोनताङ छ्याःङज्‍यीक खाङज्‍यीक नाङ मिसिरो। ङाला ख्‍योकोन सम्‍पत्ति चिमाईओङ गोबा मेत। ख्‍योकोनगी ङाला ङिङज्‍ये खासीन दाक दाङगो। दि बाई ङाला छ्याःङ मोगोओ। ईन्‍दाबोङ फिजाओनगी आबा आमातेबे स्‍याहार सुसार खित्‍च्‍येते मेन, आबा आमातेबेकीका फुज्‍युङ फुमुतेबाला च्‍यि च्‍यि गोकीका बिन्‍ला स्‍याहार सुसार खिओ।

एफिसी 4:13

ङुरूङ गाङेकी थोक खिन डोजीन थेला विश्‍वास खाईन ङेन्‍दाते बातला ङुरूङ झन डिगीन डुइओ थेमे परमेश्‍वर फुज्‍युङ चुक्‍ते ईन्‍दे, च्‍यि खिते सिन झन लेमु खाला छ्या स्‍येला ङुरूङ गाङेराङ सेमज्‍यीकराङ खाला काम खित्‍कान ओङगो। दोक खाला ख्रीष्‍टकी ङुरूङ नाङ खिता चालाते काम पूरो ओङला ङुरूङ थेकी ज्‍वा चाला च्‍योकराङ पाको ओङगो।

एफिसी 4:24

थेमे गोमे मेलेबा बानीतेबा ताङला लेमु कामताङ बात खि। ख्‍योकोन बानी थे खोरोङते च्‍योकराङ ओङस्‍यीत सिन ख्‍योकोन बानी लेमु जोकान्‍ते परमेश्‍वरराङ ईन। थेकी थोक खिन ओतेकी ख्‍योकोनगी थेकी खि साबा साबाच्‍योक खिता थुप्‍क्‍यो थेमे थेला मन परे खित्‍च्‍येते कामताङ बात खिता थुप्‍क्‍यो।

फिलिप्‍पी 1:8

येशू ख्रीष्‍टकी ङुरूङला खिता च्‍योकराङ ङाङ ख्‍योकोनला आउदी ङिङज्‍ये खिओ। ङाला ख्‍योकोनला नामराङ ठेदोङा सिराच्‍योक लाबा ओत। दि बात ङे खेकीकामा साबाते मेन सिन परमेश्‍वरला छ्या ओत।

फिलिप्‍पी 2:17

ख्रीष्‍टला विश्‍वास खाईन खेराङगी खिन ओताते कामओन ख्‍योकोनगी परमेश्‍वरला भोग बिन्‍दाते च्‍योकराङ ईन। भोग बिन्‍दाते लाक्‍तुराङ थुङच्‍येते पुङा फापाच्‍योक खाला ङा ङाराङ ज्‍यान बिन्‍ला स्‍या फाप्‍सीनोङ ङा खुशीराङ ओत। थेमे ख्‍योकोन गा खित्‍जीन ङाङ ख्‍योकोनताङराङ डिक्‍ला गा खिओ।

फिलिप्‍पी 2:5

दाक्‍पोन खुशी मिक्‍किता खाला येशू ख्रीष्‍टकी चुक सेमगी काम खाबा ओताने ख्‍योकोनगीङ होथोक सेमगीराङ काम खि।

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

कलस्‍सी 2:1

ङा ख्‍योकोन लाईदु दोक खाला स्‍याप स्‍याप खाला काम खिन ओताते बात ख्‍योकोनगी छ्या स्‍येबा फाप्‍क्‍यो। ईन्‍दाका ख्‍योकोन लाईदुकामा मेन, लाओडिसिये सारदु ओताते थेमे थातासाक नोमुङ माठेताते ज्‍येनोङ येशू ख्रीष्‍ट मि गाङे लाईदु ङा दोक खाला दुक्‍पा खिन ओत।

कलस्‍सी 3:10

खेराङ बानी खुदुक गाल्‍गीन लेमु कामताङ बात खिताला स्‍यूबा ओत। परमेश्‍वरगीराङ ख्‍योकोन बानी दोक लेमु जोबाते ईन। थे खोरोङ चुक्‍ते ईन्‍दाका सिन झन लेमु खाला छ्या स्‍येस्‍यीत थेमे थे खोरोङ च्‍योकराङ लेमु डुइन डोरस्‍यीत सिन परमेश्‍वरगी ख्‍योकोन बानी झन झन लेमु जोइन ओत।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

१ थिस्‍सलोनिकी 2:7

ईन्‍दाका ङ्योकोन ख्रीष्‍टकी खटे खाबाते मि ईन्‍देकी ङ्योकोनला ख्‍योकोनगीराङ ता फाप्‍क्‍यो सिरा थुप्‍च्‍या ओतान। थोक मिक्‍किता खाईन बरू ङ्योकोनगीनी थे मोरोङ नुमा थुङकान्‍ते बालकते फिजाला आमातेकी लेमु खिता च्‍योकराङ खाईन ख्‍योकोनला लेमुका खाबाप।

१ तिमोथी 1:2

ङा दि चिट्ठी तिमोथी खोल्‍ला टिगीन ओत। ङे खित्‍सादु येशू ख्रीष्‍टला विश्‍वास खाबेकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरताङ ङुरूङ प्रभु येशू ख्रीष्‍टकी खोल्‍ला दया खिन थेमे ङिङज्‍ये खाला लेमु खिनराङ देत्‍स्‍यीत।

तीतस 1:4

दि चिट्ठीचेन ङा तीतस खोल्‍ला टिगीन ओत। खोङ ङे च्‍योकराङ खाला प्रभु येशू ख्रीष्‍टला विश्‍वास खित्‍कान्‍ते ईन्‍देकी ङाला खो ङाराङ फुज्‍युङ च्‍योकराङ लाङगीदुक। आबा परमेश्‍वरगी थेमे ङुरूङला पापदुकी डेल्‍कान्‍ते येशू ख्रीष्‍टकी खोल्‍ला दया खाला लेमु खिनराङ देत्‍स्‍यीत।

फिलेमोन 1:10

ङेचेन खोल्‍ला मिज्‍यीक लाईदु बात खिता चालाते ईन। थे मिचेन ओनेसिमस ईन। ङा दुरू जेलदु ओत्‍जीनराङ ङे खित्‍सादु दिकी येशू ख्रीष्‍टला विश्‍वास खिताला स्‍यूबेकी दि ङेते ङाराङ फुज्‍युङ च्‍योकराङ ओङा ओत।

फिलेमोन 1:19

खुईते दिला खइँदा लिन्‍दा फाप्‍च्‍या ओत्‍सीन ङाराङ ज्‍येल्‍ग्‍यो सिन ङा पावल ङाराङराङ टिगीन ओत। ङे खित्‍सादुराङ खुई प्रभु येशूला विश्‍वास खाबाते ईन्‍देकी ङे खोल्‍ला थोई गुन खाबा ओते सिन ङा छ्याःङ मिसिरो।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।

याकूब 1:18

परमेश्‍वरगीराङ ङुरूङला सत्‍यते बात छ्या स्‍ये च्‍युत्‍कीन थे खोरोङ फुज्‍युङ फुमु जोसुङ। दोक खाईन थेकी थे खोरोङगी जोबाते गाङे नाङ ङुरूङलाचेन थेला चढे खाबाते साम्‍बाते बाली च्‍योक जोसुङ।

१ यूहन्‍ना 2:1

फिजावे, ख्‍योकोनगी पाप मिक्‍किस्‍यीत सिनराङ ङा दि बाततेबा टिगीन ओत। सुइँदेकी दाक पाप खासीनोङ थेला सजाय मातेर सिन ङुरूङ लाईदु आबा परमेश्‍वरताङ बात खाला तेरकान्‍ते मेराज्‍यीक ओत। थेचेन येशू ख्रीष्‍टराङ ईन। थे लेमुते कामताङ बातकामा खित्‍कान्‍ते ईन।

१ यूहन्‍ना 2:12

फिजावे, येशू ख्रीष्‍टकी खाबाते कामगी खित्‍सादु ख्‍योकोन पाप माफ ओङा ओतेकी ङा ख्‍योकोनला दि बात टिगीन ओत।

१ यूहन्‍ना 5:21

थोगी फिजावे, ख्‍योकोनगी ल्‍हा लु सिराते माने खिताराङ मेङगो।

३ यूहन्‍ना 1:4

ङाराङ फिजाओनगी सत्‍यते बात ङेन्‍ला थेरू खि साबा च्‍योकराङ खिदुक्‍लो सिन थोजीन ङाला आउदी गा लाङगीदुक, दि छेत गा लाङच्‍येते बात ङे लाईदु ज्‍येन छ्याःङ मेन।