गलाती 4:14 - जिरेल

¹⁴ थेजीन ङा थोक खाईन नाबा ओत्‍सीनोङ ख्‍योकोनगी ङाला छ्यि चुक मेलेबा खाईन नाला दुका सिराच्‍योक माक्‍यासुङ, ङिङमारोङ माक्‍यासुङ। बरू ख्‍योकोनगीनी खेराङ दोन्‍दु परमेश्‍वर दूत वाबा च्‍योकराङ खाईन ङाला लेमु खाबा ओतान। दूत छेतकामा मेन, येशू ख्रीष्‍ट थे खोरोङराङ ख्‍योकोन ओत्‍सादु वाबा छेत खाईन ङाला मान खाबा ओतान।

गलाती 4:14 Iomraidhean Croise

मत्ती 10:40

थेमे ख्‍योकोनला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकी ङाला दुरू तोङकान्‍तेलाङ मान खाबाते ईन।

मत्ती 18:5

खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन।

मत्ती 25:40

थोक सिरजीन थे गेल्‍बोकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु खाबाते ङालाराङ लेमु खाबाते ईन। होथोक्‍तेबा दोक्‍पोईलाकामा ईन्‍सीनोङ ख्‍योकोनगी लेमु खाबाते ङे लाईदुराङ खाबा ओतान,’ सिन सिओ।

लूका 10:16

था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

१ कोरिन्‍थी 1:28

परमेश्‍वरगीचेन ज्‍येनगी दिबाङ सु ईन्‍देरो, दिबा ङुरूङ छेतते मेन सिन साबाते मिओनलाराङ छाने खासुङ। दोक खाईन ज्‍येनगी दिबा छ्येते मि ईन सिन साबाते मिओनलाचेन थेकी छ्याःङ मेन्‍दाच्‍योक जोसुङ।

१ कोरिन्‍थी 4:10

ख्रीष्‍टकी मि ईन्‍देकी ङ्योकोनचेन छ्याःङ मेस्‍येकान्‍ते लेम्‍बाते मि च्‍योक ओङा ओत। तर ख्रीष्‍टकी खित्‍सादु ख्‍योकोननी आउदी च्‍याङबो गाल्‍दुक। थेमे ङ्योकोन छ्याःङ खिता मुथुप्‍कान्‍ते मि ईन। ख्‍योकोनचेन जेङ खिता थुप्‍कान्‍ते ईन। थोकराङ खाला मिओनगी ङ्योकोनला दिबाङ सु ईन्‍देरो सिराच्‍योक खिदुक। ख्‍योकोनलाचेन गाङेकी मान खिओ।

२ कोरिन्‍थी 5:20

थोगी ङेराङला जिम्‍मा बिन्‍दाते काम खिताला ङ्योकोन ख्रीष्‍टकी ताङाते मि ईन। मिओनला परमेश्‍वरताङ डिक्‍च्‍येते सेम खि सिन बात खित्‍कान्‍ते ङ्योकोन ईन्‍सीनोङ परमेश्‍वर थे खोरोङगीराङ ङ्योकोन छ्य्‌वापेकी मि गाङेताङ दि बात खित्‍च्‍येते ईन। ख्रीष्‍टकी छ्य्‌वापेई ङ्योकोन ख्‍योकोनला परमेश्‍वरताङ डिक्‍च्‍येते सेम खि सिन सिओ।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

गलाती 4:13

चुक सासीन ङाराङ नाबा ओतेकी खित्‍सादु ङे गोमे पालोला ख्‍योकोन ओत्‍सापा वाकीन गा लाङच्‍येते बात लाप्‍कीन बिन्‍दा ओतान सिन ख्‍योकोनगी टोक ज्‍येता मेतासीन।

गलाती 4:15

थे बेलाला ख्‍योकोन आउदी खुशी ओतान। थेमे थरिङोला ख्‍योकोनला च्‍यि ओङसुङा? खिता थुप्‍च्‍येते काम ईन्‍दा ईन्‍सीन ख्‍योकोनगी थेजीन ङे लाईदु खेराङ मिक समेदोङ थेन्‍ला तेरच्‍या ओतान।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।

हिब्रू 13:2

नोमुङ माठेताते ईन्‍सीनोङ खाम्‍बादु वाबाते मिला लेमु खि। दोक खित्‍जीन कोई कोईकी थाङबो परमेश्‍वर दूतओनलाका लेमु खाबा ओतान। थे मिओनला थेबा परमेश्‍वर दूत ईन सिन छ्याङ मेतान।