गलाती 4:13 - जिरेल

¹³ चुक सासीन ङाराङ नाबा ओतेकी खित्‍सादु ङे गोमे पालोला ख्‍योकोन ओत्‍सापा वाकीन गा लाङच्‍येते बात लाप्‍कीन बिन्‍दा ओतान सिन ख्‍योकोनगी टोक ज्‍येता मेतासीन।

गलाती 4:13 Iomraidhean Croise

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

शक्ति काम 16:6

थोक खाला युगीन डोजीन पावलबा एशिये अञ्‍चल नाङपा गा लाङच्‍येते बात लोप ड्वा चाल्‍सुङ। तर परमेश्‍वर आत्‍मेकी थेबाला थेङपा डोर माच्‍युत्‍सुङ। थोगी थेबा फ्रिगियाताङ गलातिये अञ्‍चल नाङपा खाईन गाल्‍सुङ।

१ कोरिन्‍थी 2:3

थेजीन ङा चुक खाला थे बातओन लेमु खाला लोपा थुप्‍कीका सिन थेतेकामा सुर्ता खिन ज्‍यीबा खिन देताप।

२ कोरिन्‍थी 10:10

ख्‍योकोन कोई कोईकी “पावलगी खालि थारीला गाल्‍नामेईकामा स्‍येदाङ खिन दोक खिताङ थोक खि सिन कोत्‍ला चिट्ठी टिइदुक। ङुरूङताङ ङ्योम्‍बु ओत्‍जीनचेन थेकी ङेन्‍गीन देत्‍की सिराच्‍योक खाला बादोङ खिता मुथुबो, थे चुकस्‍यिक ओते सिन ङुरूङला छ्या ओत,” सिन बात खिदुक्‍लो।

२ कोरिन्‍थी 11:30

ङा दोक्‍ते मि ईन, ङे दोक खिता थुप्‍क्‍यो सिन ङे छ्ये खित्‍च्‍येते बात छ्याःङ मेत। ङाराङ छ्ये खिता फाप्‍सीन ङानी ङाराङ चुक छ्याःङ खिता मुथुप्‍कान्‍ते ईन्‍दे सिरच्‍येते बातकामा खिओ।

२ कोरिन्‍थी 11:6

ईन ईन, ङे ङेन्‍गीन देत्‍की सिराच्‍योक खाला बात खिता मेस्‍येतासीन। ईन्‍सीनोङ परमेश्‍वरगी छ्या स्‍ये ज्‍युत्‍च्‍येते बात ङाला लेमु खाला छ्या ओत। ङा थे बात लेमु खाला छ्या ओताते मि ईन सिन ङे ख्‍योकोनला गाङे बात लेमु खाईन लाप्‍कीन बिन्‍दा ओताते बातकी छ्य्‌वापेकीङ छ्या स्‍येक्‍यो।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

गलाती 1:6

ख्‍योकोन बात थोकीन ङा छकदाङ परे खासुङ। ख्‍योकोनगी चुक खाईन दोक खिता थुप्‍सुङा? च्‍यि परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ख्रीष्‍टकी खाबाते कामगी खित्‍सादु दया खिन लेमु खिताप सिन मेनरो? ख्‍योकोननी होथोक खित्‍कान्‍ते परमेश्‍वर छ्य्‌वापेई ठाला ठाला खाईन सिन्‍दुक। थेमे ख्‍योकोननी ख्रीष्‍टते गा लाङच्‍येते बात ङेन्‍दे साटोला गा लाङच्‍येते बात ईन सिन ज्‍येनज्‍यीक बातका ङेन्‍दाला स्‍यूदुक।

गलाती 4:12

ओर्च्‍ये आज्‍यो न्‍वावे, ख्‍योकोनगीङ ङे च्‍योकराङ खि। ख्‍योकोनताङ ङ्योम्‍बु देत्‍जीन यहूदी ईन्‍गीनोङ ङे चुक खाबा ओताने सिन ठेम्‍बा खि। थातासाक ख्‍योकोनगी ङे सेमला फोक्‍च्‍येते काम छ्याःङ खाबा मेत।

गलाती 4:14

थेजीन ङा थोक खाईन नाबा ओत्‍सीनोङ ख्‍योकोनगी ङाला छ्यि चुक मेलेबा खाईन नाला दुका सिराच्‍योक माक्‍यासुङ, ङिङमारोङ माक्‍यासुङ। बरू ख्‍योकोनगीनी खेराङ दोन्‍दु परमेश्‍वर दूत वाबा च्‍योकराङ खाईन ङाला लेमु खाबा ओतान। दूत छेतकामा मेन, येशू ख्रीष्‍ट थे खोरोङराङ ख्‍योकोन ओत्‍सादु वाबा छेत खाईन ङाला मान खाबा ओतान।

गलाती 4:18

ईन्‍दाका बात लेमु ईन्‍सीन ख्‍योकोनगी ज्‍येनगी बात ङेन्‍ला थेबालाङ ङा ख्‍योकोनताङ ङ्योम्‍बु ओत्‍जीन ङाला च्‍योकराङ खाला मान खिता लेमु ईन। ङा ङ्योम्‍बु ओत्‍सीनोङ मेत्‍सीनोङ दोक खिता जहिलेङ लेमु ईन।