गलाती 3:8 - जिरेल

⁸ ज्‍येन ज्‍येन जातकी मिलाङ तिरी थेबेकी थे खोरोङला विश्‍वास खितेकी खित्‍सादु परमेश्‍वरगी थेबाला दोषी मेन सिओ सिन गोमाकाराङ परमेश्‍वर बातला टिबा ओतान। दोक ओङगो सिरच्‍येते गा लाङच्‍येते बात खाईन परमेश्‍वरगी अब्राहामला “खुई छ्य्‌वापेकीराङ लुङबा लुङबे मिकी आशी ङेत्‍क्‍यो,” सिन साबा ओतान।

गलाती 3:8 Iomraidhean Croise

यूहन्‍ना 19:37

थेमे परमेश्‍वर बातला ज्‍येनज्‍यीक ठाउँदु “थेबेकी खोपरोङगी बार्सा रोपे खाबाते मिलाराङ तेइओ,” सिनोङ टिबा ओत।

यूहन्‍ना 7:38

ङाला विश्‍वास खित्‍कान्‍ते मि सेमगी नाङचेन परमेश्‍वर बातला साबा ओता च्‍योकराङ ‘जुनी ङेत्‍च्‍येते छ्यु दोल्‍गीनराङ देत्‍क्‍यो’,” सिन सिदुक।

यूहन्‍ना 7:42

च्‍यि परमेश्‍वर बातला ख्रीष्‍ट दाऊद गेल्‍बो सन्‍तान नाङ केइओ। थेमे थाङबो दाऊद गेल्‍बो केकीन हुर्के खाबाते बेथलेहेम युलदुराङ केइओ सिन साबा मेतरो?” सिन सिदुक।

रोमी 9:17

थे खोरोङला जस्‍तो खिता सेम लाङगीदुक थोकराङ खिओ सिन परमेश्‍वरगी मिश्रे गेल्‍बो फारोला साबाते बात परमेश्‍वर बातला दोक सिन टिला दुक। चुक सासीन “ङे खुई लुङबादु खाबाते काम थोङला सा लुङबा खाङगी मि गाङेकी ङात्ताङ चुक छ्येज्‍यीक शक्ति ओता ईन्‍दाका थेमे ङा चुक्‍ते परमेश्‍वर ईन्‍दाका सिन छ्या स्‍येस्‍यीत सिनराङ ङे खोल्‍ला दि लुङबे गेल्‍बो जोबाते ईन,” सिन साला दुक।

रोमी 9:30

थोगी बातचेन दोकराङ ईन। च्‍यि सासीन ज्‍येन ज्‍येन जातकी मिकी परमेश्‍वरगी खोपरोङला दोषी मेन सिरस्‍यीत सिन छ्याःङ माक्‍यासीनोङ परमेश्‍वरगीराङ थेबाला दोषी मेन सिदुक। परमेश्‍वरगी खोपरोङला दोषी मेन सिओ सिन थेबेकी थेला विश्‍वास खाबेकी खित्‍सादुराङ थेकी थेबाला थोक्‍ते मि ईन सिन साबाते ईन।

गलाती 3:16

परमेश्‍वरगी जमान खाबाते बादोङ होदोजोराङ ईन। परमेश्‍वरगी थेत्ताङ थे सन्‍तानला आशी तेरग्‍यो सिन अब्राहामताङ जमान खाबाते बात परमेश्‍वर बातला तासुङ सासीन थेरू थेकी अब्राहाम सन्‍तान काल्‍बेईकी बात खाबाच्‍योक खाईन खोत्ताङ खुई सन्‍तानओनला सिन साबा मिन्‍दुक। बरू मिज्‍यीगी बात खिन खुई सन्‍तानला सिन टिला दुक। अब्राहाम सन्‍तान सिन मेराज्‍यीगी बातकामा खाबाते थे सन्‍तानचेन ख्रीष्‍टराङ ईन।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

गलाती 4:30

इसहाकला थोक खानामेई च्‍यि ओङा ओताने सिन परमेश्‍वर बातला चुक साला दुका सासीन “योङमुताङ थे फुज्‍युङला तेन्‍ला थोङ। थेकी सारे फुज्‍युङगी ङेत्‍च्‍येते आबाते सम्‍पत्ति छ्याःङ मेङेदो,” सिन टिला दुक।

हिब्रू 4:2

मोशे पालो मिओनला च्‍योकराङ ङुरूङलाङ गा लाङच्‍येते बात लापा ओत। थे बात थोसीनोङ थेबाला थे नोमुङ माथोबा छेतराङ ओङसुङ। च्‍यिला सासीन थेबेकी परमेश्‍वरगी जमान खाबा च्‍योकराङ खाला खोपरोङला ढुक्‍क खाला देत ज्‍युत्‍क्‍यो सिन पत्ते माक्‍यासुङ।

छ्या स्‍ये च्‍युताते बात 11:15

थेमे पालो दुईनगी बाजि परमेश्‍वर दूतकीङ थे खोरोङ बिकुल फुसुङ। थेमे ङे स्‍वर्गने आउदी कस्‍स्‍ये खाईन “थानामेई दि सा लुङबा गाङे ङुरूङ प्रभु परमेश्‍वर थेमे थेकी छाने खाबाते ख्रीष्‍टकी राज्‍य ओङा ओत। था थेबेकी सधैँभरि राज्‍य खिनराङ देत्‍क्‍यो,” सिन साबाते ङोरो काल्‍बेई थोसुङ।