गलाती 3:5 - जिरेल

⁵ थेमे परमेश्‍वरगी ख्‍योकोनला थे खोरोङ आत्‍मा तेरगीन देत्‍च्‍येते थेमे ख्‍योकोन नाङ अचम्‍ब अचम्‍बते काम खित्‍च्‍येते ख्‍योकोनगी परमेश्‍वर नियमला खि साबाते ङेन्‍देकी खित्‍सादु ईन्‍दाना खेराङला लापाते बात ङेन्‍गीन येशू ख्रीष्‍टला विश्‍वास खिन ओतेकी ईन्‍दे?

गलाती 3:5 Iomraidhean Croise

शक्ति काम 14:3

ईन्‍सीनोङ पावलताङ बारनाबासचेन मिओनला प्रभु येशूकी दया खाला पापकी सजायदुकी डेल्‍ग्‍यो सिन थे बातओन ज्‍यीबाराङ मिक्‍किता खाला लोप्‍कीन काल्‍बासाकराङ थे सारदु देत्‍सुङ। थेबेकी लापाते बात सत्‍यते बात ईन सिन मिओनगी छ्या स्‍येस्‍यीत सिन प्रभु येशूकी थेबाला छ्ये छ्येताङ अचम्‍बतेन्‍दे काम खित च्‍युत्‍सुङ।

रोमी 10:17

बात चुक ईन्‍दे सासीन सुइँदेकी ख्रीष्‍टकी बात लाप्‍कीन बिन्‍नामेई थे थोला मिओनगी येशू ख्रीष्‍टला विश्‍वास खित्‍च्‍येते ईन।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

१ कोरिन्‍थी 12:10

लोक्‍ला कोईला अचम्‍ब अचम्‍बतेन्‍दे काम खित्‍च्‍येते शक्ति बिन्‍दा ओङगो सासीन कोईला परमेश्‍वरगी सिर च्‍युताते बात खित्‍च्‍येते शक्ति बिन्‍दा ओङगो। थोकराङ खाला कोईला सुइँदेकी खाबाते बात परमेश्‍वर आत्‍मेकी सिर च्‍युताते ईन्‍दाना मेन्‍दे सिन डेल्‍च्‍येते शक्ति बिन्‍दा ओङगो। थेमे कोईला खोपरोङगी छ्या मास्‍येबाते खुदुक खुदुकते भाषाला बात खित्‍च्‍येते शक्ति बिन्‍दा ओङगो सासीन ज्‍येनज्‍यीकलाचेन होथोक्‍ते भाषाला बात खित्‍कान्‍ते मिकी खाबाते बातकी अर्थ खोले खित्‍च्‍येते शक्ति बिन्‍दा ओङगो।

२ कोरिन्‍थी 10:4

ङेराङ काम खित्‍जीन ङ्योकोन नोमुङ दि सा लुङबे मिओनगी च्‍योक खाला दाक्‍पोन फाइदा ताला मिक्‍किओ। ङेराङ काम लेमु ओङस्‍यीत सिन परमेश्‍वरगी तेरच्‍येते शक्तिकी ङ्योकोन दि काम खिओ। थे शक्ति छ्य्‌वापेकीराङ ङ्योकोन ङेराङ विरोध खित्‍कानताङ ङेराङ काम ङ्ये ज्‍युता छोल्‍कान गाङेला ग्‍याल्‍ग्‍यो।

२ कोरिन्‍थी 12:12

ङे ख्‍योकोनताङ ओत्‍जीन जस्‍तो दुक्‍पा ओङजीनोङ नोमुङ ङाराङ काम खिता माताङ। थेमे ङे खाईन तेन्‍दाते छ्ये छ्येताङ अचम्‍बतेन्‍दे काम थोङगीन ङा येशू ख्रीष्‍टकी खटे खाबाते मि ईन सिन ख्‍योकोनगी छ्या स्‍येबा ओतान।

२ कोरिन्‍थी 13:3

ख्‍योकोनगी ङे थाराङ बात खित्‍च्‍या ईन्‍दाकाना ख्रीष्‍टकी खित च्‍युताते बात खित्‍च्‍या ईन्‍दाका सिन था थेजीनराङ लेमु खाला छ्या स्‍येक्‍यो। ङे थोक खित्‍जीन ख्रीष्‍ट छ्याःङ खिता मुथुप्‍कान्‍ते मेन्‍दाक्‍वा बरू थेत्ताङ छ्येज्‍यीक शक्ति ओताक्‍वा सिनोङ ख्‍योकोनगी छ्या स्‍येक्‍यो।

२ कोरिन्‍थी 3:8

मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा बिन्‍नामेईनी थेत्ताङ झन चुक छ्येज्‍यीक शक्ति ओता ईन्‍दाका सिन लेमु खाला छ्या स्‍येबा थुप्‍क्‍यो।

२ कोरिन्‍थी 9:10

थेमे परमेश्‍वरगीराङ बालीनाली लै खिताला सोन बिन्‍ला मिओनला साच्‍या थुङच्‍येते तेरच्‍येते ईन। दोक खाला थेकी गोच्‍येते जति बिन्‍ला ख्‍योकोनते जे कुरोङ फेल ज्‍युत्‍क्‍यो। थोक ओङनामेई ख्‍योकोनगी झन झन ज्‍येनला मद्धत बिन्‍ला लेमु खिता थुप्‍क्‍यो।

गलाती 3:2

लो ख्‍योकोनगी ङाला दि बातज्‍यीककामा सिते ओना। ख्‍योकोनगी परमेश्‍वर आत्‍मा ङेताते चुक खाईन ईन्‍दे? परमेश्‍वर नियमला खि साबाते ङेन्‍गीन ईन्‍दाना ख्‍योकोनला लापाते बात ङेन्‍गीन येशू ख्रीष्‍टला विश्‍वास खाईन ईन्‍दे?

फिलिप्‍पी 1:19

च्‍यिला सासीन ख्‍योकोनगी ङे लाईदु परमेश्‍वरला खिन ओताते प्रार्थना थेमे येशू ख्रीष्‍ट आत्‍मेकी ङाला मद्धत बिन्‍देकी था ङेते दि मुद्धा जे ओङसीनोङ ङाला लेमुराङ ओङगो।