गलाती 3:24 - जिरेल

²⁴ ख्रीष्‍ट मावाथुप परमेश्‍वर नियमचेन ङुरूङ लाईदु दोक खि, थोक माकेत सिन फिजाओनला कोत्‍कान्‍ते मि च्‍योककामा ओतान। तर ख्रीष्‍ट वाकीन थेला विश्‍वास खानामेईचेन परमेश्‍वरगी ङुरूङला दोषी मेन सिन साबा ओत।

गलाती 3:24 Iomraidhean Croise

रोमी 10:4

तर ख्रीष्‍ट दुरू वाबेकी परमेश्‍वर नियम ङेन्‍ला मि सुङलाङ परमेश्‍वरगी दोषी मेन मिसिरो सिरच्‍येते बात छ्या स्‍येकीदुक। ख्रीष्‍टकी खाबाते कामगी खित्‍सादुकामा परमेश्‍वरगी मिओनला दोषी मेन सिओ। दि बात पत्ते खाला परमेश्‍वरला विश्‍वास खित्‍कान गाङेला थेकी होथोक्‍ते मि ईन सिओ।

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

कलस्‍सी 2:17

दोक्‍ते साच्‍या थुङच्‍याताङ चाड माने खित्‍च्‍येते बाततेबा गाङे परमेश्‍वरला माने खिताला ख्रीष्‍ट मावाथुप ङेन्‍दा फाप्‍च्‍येते बातकामा ओतान। थोगी दि बाततेबा खालि ख्रीष्‍ट वानामेई चुक चुक खिते सिन थेकी खित्‍च्‍येते कामगी नक्‍कलकामा ओतान। ख्रीष्‍ट वानामेई परमेश्‍वरला चुक खाला माने खिता फाप्‍कीते सिरच्‍येते गाङे बात पूरो ओङा ओत।

गलाती 2:19

परमेश्‍वर नियम मेङेन्‍कान्‍ते मि सजाय ङेत्‍ला स्‍यिइओ साबा ओतेकी थेरू तोके खाबाते सजाय ङेत्‍ला ङा स्‍या फाप्‍च्‍या ओङा ओतान। थोक खाईन ङा थे नियम लाईदु स्‍याप छेतराङ ओङा ओतान। थोगी थाचेन ङा परमेश्‍वरगी खि साबा साबाच्‍योक खिता थुप्‍क्‍यो।

गलाती 3:25

दोक खाईन ङुरूङगी ख्रीष्‍टला विश्‍वास खित्‍च्‍येते मौका ङेता ओतेकी था ङुरूङ परमेश्‍वर नियम अधीनला मेत।

१ कोरिन्‍थी 4:15

ख्‍योकोनला दोक खि, थोक माकेत सिन ख्रीष्‍टकी बात लोप्‍कान्‍ते हजार च्‍युताम्‍बा मि ओत्‍सीनोङ थेबा ख्‍योकोन आबा मेन। ङे ख्‍योकोनला गा लाङच्‍येते बात लाप्‍कीन बिन्‍गीन ख्‍योकोन येशू ख्रीष्‍टताङ जीउज्‍यीकराङ ओङाते ईन्‍देकी ङाराङ ख्‍योकोन आबा ईन।

रोमी 9:30

थोगी बातचेन दोकराङ ईन। च्‍यि सासीन ज्‍येन ज्‍येन जातकी मिकी परमेश्‍वरगी खोपरोङला दोषी मेन सिरस्‍यीत सिन छ्याःङ माक्‍यासीनोङ परमेश्‍वरगीराङ थेबाला दोषी मेन सिदुक। परमेश्‍वरगी खोपरोङला दोषी मेन सिओ सिन थेबेकी थेला विश्‍वास खाबेकी खित्‍सादुराङ थेकी थेबाला थोक्‍ते मि ईन सिन साबाते ईन।