गलाती 3:2 - जिरेल

² लो ख्‍योकोनगी ङाला दि बातज्‍यीककामा सिते ओना। ख्‍योकोनगी परमेश्‍वर आत्‍मा ङेताते चुक खाईन ईन्‍दे? परमेश्‍वर नियमला खि साबाते ङेन्‍गीन ईन्‍दाना ख्‍योकोनला लापाते बात ङेन्‍गीन येशू ख्रीष्‍टला विश्‍वास खाईन ईन्‍दे?

गलाती 3:2 Iomraidhean Croise

शक्ति काम 15:8

थेमे मि सेमगी बात छ्या स्‍येकान्‍ते परमेश्‍वरगी ज्‍येन ज्‍येन जातकी मिलाङ ङुरूङला च्‍योकराङ खाईन परमेश्‍वर आत्‍मा बिन्‍गीन थे खोरोङ मि जोसुङ।

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

शक्ति काम 8:15

थेमे पत्रुसताङ यूहन्‍नेकी थेपा लेप्‍कीन थेरू ओताते येशूला विश्‍वास खित्‍कान्‍ते मिओनगीङ परमेश्‍वर आत्‍मा ङेत्‍स्‍यीत सिन प्रार्थना खासुङ।

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

१ कोरिन्‍थी 9:21

लोक्‍ला परमेश्‍वरगी थे खोरोङ नियम बिन्‍दा मेताते मिओनताङ देत्‍जीनचेन होथेबेकीङ येशूला विश्‍वास खित्‍स्‍यीत सिन ङाङ होथेबा च्‍योकराङ खाईन देतान। दोक साबाते ङा परमेश्‍वर नियम मेङेनो साबाते मेन, ङानी ख्रीष्‍टकी कोताते ङेन्‍ग्‍यो।

२ कोरिन्‍थी 11:4

च्‍यिला सासीन सुइँदेकी वाकीन ङ्योकोनगी लापाते च्‍योक्‍ते मेन्‍देकी ज्‍येनज्‍यीकराङ येशू बात लाप्‍सीनोङ ख्‍योकोनगी थे आउदी लेमु खाला ङेन्‍च्‍याक्‍वा। थेमे थेबेकी खेराङला ङेता फाप्‍क्‍यो साबाते आत्‍मा ख्‍योकोन ङेता छोल्‍च्‍याक्‍वा। थे आत्‍माचेन ख्‍योकोनगी ङेता ओताते परमेश्‍वर आत्‍मा मेन। थोकराङ खाला ङ्योकोनगी ख्‍योकोनला लाप्‍कीन बिन्‍दा ओताते च्‍योक्‍ते मेन्‍देकी खुदुकज्‍यीकराङ गा लाङच्‍येते बात लाप्‍सीन ख्‍योकोनगी होथोक्‍ते बातराङ ङेन्‍च्‍याक्‍वा।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

गलाती 3:3

ख्‍योकोन दोक लेम्‍बा च्‍योक खित्‍च्‍या च्‍यि ख्‍योकोनगी गाङे बात टोक ज्‍येत्‍कीन सिन्‍सुङ? परमेश्‍वर आत्‍मेकी खेराङ नाङ शुरू खाबाते काम थाचेन ख्‍योकोन चुक खाला खेराङगीराङ खिता थुप्‍क्‍यो सिराच्‍योक खिते?

गलाती 3:5

थेमे परमेश्‍वरगी ख्‍योकोनला थे खोरोङ आत्‍मा तेरगीन देत्‍च्‍येते थेमे ख्‍योकोन नाङ अचम्‍ब अचम्‍बते काम खित्‍च्‍येते ख्‍योकोनगी परमेश्‍वर नियमला खि साबाते ङेन्‍देकी खित्‍सादु ईन्‍दाना खेराङला लापाते बात ङेन्‍गीन येशू ख्रीष्‍टला विश्‍वास खिन ओतेकी ईन्‍दे?

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।

हिब्रू 4:2

मोशे पालो मिओनला च्‍योकराङ ङुरूङलाङ गा लाङच्‍येते बात लापा ओत। थे बात थोसीनोङ थेबाला थे नोमुङ माथोबा छेतराङ ओङसुङ। च्‍यिला सासीन थेबेकी परमेश्‍वरगी जमान खाबा च्‍योकराङ खाला खोपरोङला ढुक्‍क खाला देत ज्‍युत्‍क्‍यो सिन पत्ते माक्‍यासुङ।

हिब्रू 6:4

थेमे दि बात टोक माज्‍येत। च्‍यि सासीन परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओताते, परमेश्‍वरगी खोपरोङला ताला जेसुकै लेमु ओङ ज्‍युत्‍क्‍यो सिरच्‍येते बात खोबा ओताते, परमेश्‍वर आत्‍मा ङेता ओताते,

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।