गलाती 3:19 - जिरेल

¹⁹ थोक ईन्‍सीन परमेश्‍वरगी थे खोरोङ नियम च्‍यिला बिन्‍ताका ओना सिरच्‍येते बादोङ थेन्‍ग्‍यो। थे नियमचेन पाप खित्‍च्‍या सिराते च्‍यि ईन्‍दे थेमे चुक खिता मेङते सिन छ्या स्‍येस्‍यीत सिन टिक्‍पी दिनगी लाईदुकामा बिन्‍दा ओतान। थे खोरोङगी आशी तेरग्‍यो सिन अब्राहामताङ जमान खाबाते अब्राहाम सन्‍तान ओङ ओङसाकलाकामा सिन थे नियम बिन्‍दा ओतान। यहूदीओनला ङेन सि सिन थे नियमचेन परमेश्‍वरगी थे खोरोङ दूतओन लाःकनापेकी मिज्‍यीकला बिन्‍दा ओतान।

गलाती 3:19 Iomraidhean Croise

लूका 16:31

थेमे अब्राहामगी थेला ‘थेबेकी मोशा थेमे परमेश्‍वर बात खित्‍कान्‍ते मिओनगी साबाते बात माङेन्‍सीन सुइँदा स्‍याप्‍ते मि सोम्‍बो लोगीन गाल्‍गीन साबाते बातओनोङ मेङेनो,’ सिन सादुक्‍लो,” सिन सिदुक।

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

यूहन्‍ना 15:22

ङा दुरू माबा ईन्‍सीनताङ थेबाला छ्याःङ मालापा ईन्‍सीन थेबेकी पाप खाबाते ईन सिन सिरा ओङच्‍या मेतान। थानी थेबेकी ङ्योकोनगी छ्याःङ पाप खाबा मेत सिन सिराराङ मेङेदो।

शक्ति काम 7:38

थेमे ङुरूङ पुर्खाओन थोक खाला ठाःकताङ बालुवा बाई छ्याःङ मेत्‍सादु सीनै बोमगी चावादु जम्‍मा ओङला देते बेलाला मोशाङ थेरू ओतान। थेमे मोशा सीनै बोमने गाल्‍नामेकी परमेश्‍वर दूतज्‍यीगी थेत्ताङ ठेत्‍कीन बात खाबा ओतान। थेजीनराङ परमेश्‍वर दूतकी थेला नोमुङ फरक परे मिक्‍किच्‍येते बात ओताते नियम बिन्‍दा ओतान। थे नियम ङुरूङ पुर्खाओन लाईदुकामा मेन्‍देकी ङुरूङ लाईदुङ बिन्‍दा ओतान।

शक्ति काम 7:53

परमेश्‍वरगी ख्‍योकोनला थे खोरोङ दूतकी छ्य्‌वापेई थे खोरोङ नियम बिन्‍दा ओतान। नियम ङेत्‍सीनोङ ख्‍योकोनगी थे नियमतेबा ङेनराङ माङेन्‍सुङ,” सिन सिदुक।

रोमी 2:13

च्‍यिला सासीन परमेश्‍वर नियम छ्या ओत्‍जीनमेईराङ सुङलाङ परमेश्‍वरगी दोषी मेन मिसिरो। जसकी परमेश्‍वर नियमला साबा च्‍योकराङ खाईन काम खाला दुक होथोक्‍ते मिओनलाराङ थेकी दोषी मेन सिओ।

रोमी 4:15

च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

गलाती 3:16

परमेश्‍वरगी जमान खाबाते बादोङ होदोजोराङ ईन। परमेश्‍वरगी थेत्ताङ थे सन्‍तानला आशी तेरग्‍यो सिन अब्राहामताङ जमान खाबाते बात परमेश्‍वर बातला तासुङ सासीन थेरू थेकी अब्राहाम सन्‍तान काल्‍बेईकी बात खाबाच्‍योक खाईन खोत्ताङ खुई सन्‍तानओनला सिन साबा मिन्‍दुक। बरू मिज्‍यीगी बात खिन खुई सन्‍तानला सिन टिला दुक। अब्राहाम सन्‍तान सिन मेराज्‍यीगी बातकामा खाबाते थे सन्‍तानचेन ख्रीष्‍टराङ ईन।

हिब्रू 2:2

परमेश्‍वरगी थे खोरोङ दूतओन छ्य्‌वापेकी ङुरूङ ज्‍युज्‍यु पुर्खेकी ङेन्‍दा फाप्‍च्‍येते नियम बिन्‍दा ओतान। थेमे थे नियम मेङेन्‍कानगी सजाय ङेत्‍क्‍यो सिन साबा ओतान। थे नियमला माकेत साबाते कामज्‍यीककामा खासीनोङ थेमे थेरू खि साबाते बातज्‍यीककामा माङेन्‍सीनोङ थोक खित्‍कान्‍ते मिओनगी परमेश्‍वरगी साबा च्‍योकराङ खाईन सजाय ङेता ओतान।

हिब्रू 2:5

थाल्‍लासाक बात खिन वाबाते था तिरी ओङच्‍येते परमेश्‍वर राज्‍यदुचेन परमेश्‍वर दूतओनगी राज्‍य खित्‍च्‍येते मेन।