गलाती 3:12 - जिरेल

¹² थे खोरोङला विश्‍वास खाबेकी खित्‍सादुकामा परमेश्‍वरगी मिओनला दोषी मेन सिओ सिरच्‍येते बात परमेश्‍वर नियमला छ्याःङ टिबाराङ मेत। थेरूनी खालि “नियमला खि साबाते गाङे साबा साबा च्‍योकराङ खित्‍कान्‍ते मिकीकामा नोमुङ मिसिन्‍च्‍येते जुनी ङेत्‍क्‍यो,” सिन टिबा ओत।

गलाती 3:12 Iomraidhean Croise

मत्ती 19:17

थोक सिरजीन थेकी “लेमुते कामगी बात खुई ङात्ताङ माठिसीन ओङगो। लेमु सिरातेनी परमेश्‍वरकामा ईन। थोगी खोल्‍ला नोमुङ मिसिन्‍च्‍येते जुनी ङेता सेम ओत्‍सीन परमेश्‍वरगी बिन्‍दाते छ्ये छ्ये नियम ङेन्‍ला थेरू खि साबा च्‍योकराङ खि,” सिन सिदुक।

रोमी 11:6

थेबाला थेकी खोपरोङगी खाबाते धर्म कर्मे काम ताकीन छाने खाबाते मेन। थे खोरोङ दयेकी खित्‍सादुकामा थेकी थेबाला दोक खाबाते ईन। मिकी खाबाते धर्म कर्मे काम ताकीन छाने खाबाते ईन्‍सीन थेकी थे खोरोङ दयेकी खित्‍सादुकामा मिओनला छाने खित्‍च्‍येते ईन सिन सिरा थुप्‍च्‍या मेतान।

रोमी 4:14

परमेश्‍वरगी खि साबाच्‍योक खिता थुप्‍क्‍यो सिन परमेश्‍वर नियम ङेन्‍दा छोल्‍कान्‍ते मिओनलाराङ परमेश्‍वरगी दि सा लुङबे अधिकार तेरच्‍येते ईन्‍सीन बात चुक ओङच्‍या ओताने ओना? परमेश्‍वर नियम ङेन्‍देकी खित्‍सादुका परमेश्‍वरगी जमान खाबा च्‍योकराङ खित्‍च्‍येते ईन्‍सीनका थेला विश्‍वास खाबाते छ्याःङ काम लै खित्‍च्‍या मेतान, जमान खाबाते छ्याःङ ङेत्‍च्‍याराङ मेतान।

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

रोमी 7:10

परमेश्‍वर नियमला खि साबा च्‍योकराङ खित्‍कान्‍ते मिओनगी नोमुङ मिसिन्‍च्‍येते जुनी ङेत्‍च्‍येते ईन्‍सीनोङ थेरू खि साबाच्‍योक खिता माथुपेकी ङानी थे नियमगी तोके खाबाते सजाय ङेत्‍ला स्‍या फाप्‍च्‍या ओङा ओतान।