गलाती 3:11 - जिरेल

¹¹ परमेश्‍वर नियमला खि साबाते ङेन्‍लाचेन सुङलाङ परमेश्‍वरगी दोषी मेन मिसिरो। च्‍यिला सासीन परमेश्‍वर बातला चुक सिन टिबा ओते सासीन “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

गलाती 3:11 Iomraidhean Croise

रोमी 1:17

च्‍यिला सासीन परमेश्‍वरगी चुक खाला मिओनला दोषी मेन सिते थेमे येशूला विश्‍वास खित्‍कान्‍ते मिलाचेन विश्‍वास खाबेकी खित्‍सादु परमेश्‍वरगी दोषी मेन सिओ सिन गा लाङच्‍येते बातलाराङ साबा ओत। बात दोकराङ ईन सिन परमेश्‍वर बातला “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

हिब्रू 10:38

ङे खि साबा च्‍योकराङ खिन ङाला विश्‍वास खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो। थोक खिता तोङकान्‍ते मिचेन ङाला गा मालाङो,” सिन टिला दुक।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।

याकूब 3:2

ङुरूङ गाङेकी थोकज्‍यीक मेन्‍सीनोङ थोकज्‍यीक दाक गल्‍ती खिओ। दाक्‍पोन खा थाताला ज्‍याक्‍ला बात खित्‍कान्‍ते मिकीचेन गल्‍ती मिक्‍किओ। थोक्‍ते मिकी दाक्‍पोनला पूरो खाला काबूला ज्‍य्‌वाबा थुप्‍क्‍यो।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,