गलाती 3:10 - जिरेल

¹⁰ परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

गलाती 3:10 Iomraidhean Croise

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

रोमी 4:15

च्‍यिला सासीन मिओन परमेश्‍वर नियम मेङेन्‍कान्‍ते ईन्‍देकी परमेश्‍वरगीनी थेबाला थे नियमला साबा च्‍योकराङ खाला स्‍येदाङगी चूर गाल्‍ला सजायका तेरग्‍यो। दोक खि, थोक माकेत सिरच्‍येते परमेश्‍वर नियम मेता ईन्‍सीनचेन गल्‍ती खासुङ सिन सुङलाङ सिरा ङेत्‍च्‍या मेतान।

रोमी 6:23

बातचेन दिराङ ईन। च्‍यि सासीन पाप खाबेकी खित्‍सादु मिकी पापकी सजाय ङेत्‍ला स्‍या फाप्‍क्‍यो। ङुरूङ प्रभु येशू ख्रीष्‍टताङ जीउज्‍यीकराङ ओङाते मिओनलाचेन परमेश्‍वरगी दया खाला नोमुङ मिसिन्‍च्‍येते जुनी तेरग्‍यो।

रोमी 8:7

दाक्‍पोन खुशीला ख्‍याम्‍कान्‍ते मिचेन परमेश्‍वर विरोध खित्‍कान्‍ते ईन। थोक्‍तेबेकी परमेश्‍वर नियम मेङेनो। थेबेकी थेरू खि साबाच्‍योक खिताराङ मुथुबो।

२ कोरिन्‍थी 3:7

दोई पाटीला खोपे खाईन टिबाते होथे नियम पाटीओन परमेश्‍वरगी थे खोरोङला तेरजीन थेत्ताङ बात खाबेकी परमेश्‍वर झिलिमिली नाम्‍दाककी खित्‍सादु मोशे छ्येत आउदी खाला टल्‍के खित्‍च्‍या गाला ओतान। थेते थोक खाला टल्‍के खित्‍च्‍येते छ्येतकी टाक घटे खाला डुइन ओत्‍सीनोङ ज्‍यीबेकी इस्राएलीओनगी मोशे छ्येत ता थुप्‍कीन मेतान। थेरू साबा च्‍योकराङ माक्‍यासीन पापकी सजाय ङेत्‍ला स्‍यिइओ सिन टिबा ओताते थे नियम तेरजीननी परमेश्‍वरते थोक आउदी झिलिमिली मिओनगी थोङा थुपा ओतान सासीन

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।