गलाती 3:1 - जिरेल1 गलातिये मिवे, ख्योकोन च्यिला लेम्बे काम खिता छोल्गीते? ख्योकोनला सुई च्यि कुल्गीन लै खाईन दोक गाल्सुङा? येशू ख्रीष्टला स्यिङगी थामला टाँए खाईन सेताते बात ङे ख्योकोनला लेमु खाईन खोबा खाईन बिन्दा ओतान मेन? Faic an caibideil |
गलाती 3:1
38 Iomraidhean Croise
दोक खाला परमेश्वर सु ईन्दे, चुक्ते ईन्दे सिन मिओनला छ्या स्ये ज्युता फाप्च्येते बातताङ मिडिक्च्येते बात खित्कानताङ जे बादोङ छ्या स्येक्यो सिराच्योक खिन छ्ये खित्कान्ते मिओन बात मेन्दे बात ईन सिन ङ्योकोन थेबे विरोध खिओ। खालि मि विचारकामा ईन्दाते परमेश्वर सु ईन्दे, चुक्ते ईन्दे सिन होथोक्ते मिओनगी सिरच्येते थोक्ते बात गाङे ठीक मेन सिन तेन्ला बिन्ला होथोक्ते बात खित्कानला ख्रीष्टकी खि साबाते बात ङेन सिन सिओ।
ख्योकोन बात थोकीन ङा छकदाङ परे खासुङ। ख्योकोनगी चुक खाईन दोक खिता थुप्सुङा? च्यि परमेश्वरगी ख्योकोनला थे खोरोङ दोन्दु स्योक सिन काताङाते ख्रीष्टकी खाबाते कामगी खित्सादु दया खिन लेमु खिताप सिन मेनरो? ख्योकोननी होथोक खित्कान्ते परमेश्वर छ्य्वापेई ठाला ठाला खाईन सिन्दुक। थेमे ख्योकोननी ख्रीष्टते गा लाङच्येते बात ङेन्दे साटोला गा लाङच्येते बात ईन सिन ज्येनज्यीक बातका ङेन्दाला स्यूदुक।
थेबेकी थोक खाबाते काम गा लाङच्येते बातताङ डिकराङ मिडिक्च्येते ईन्देकी थेरू गाङे ङोन्दुराङ ङे पत्रुसला चुक साबे सासीन “खोरोङ यहूदी ईन्सीनोङ परमेश्वरगी ङुरूङ यहूदीओनला बिन्दाते नियम ङेन्दा ताङगीन ज्येन ज्येन जातकी मित्ताङ डिक्पा ओतान सासीन था खो याङराङ चुक खाला ज्येन ज्येन जातकी मिकीङ होथे नियम ङेन्दा फाप्क्यो सिराच्योक खिते?
थाचेन ख्योकोनगी परमेश्वर सु ईन्दे, चुक्ते ईन्दे सिन लेमु खाईन छ्या स्येबा ओत। ख्योकोनगी थेला छ्या स्येबाते ईन सिरा भन्दाङ बरू परमेश्वर थे खोरोङगीराङका ख्योकोनला थे खोरोङ सु ईन्दे, चुक्ते ईन्दे सिन छ्या स्ये च्युत्कीन बिन्दाते ईन सिरा डिगीतासीन। बात दोक ईन्गीन ईन्गीनोङ परमेश्वरला माने खिता ताङगीन ख्योकोनगी चुक खाईन थाङबोमेई चले खिन वाबाते रीतिथिति लोक्ला माने खिताला स्यूबे? थोक खाला छ्याःङ फाइदा मेत्सीनोङ ख्योकोन च्यिला याङराङ स्याप स्याप खाला थे रीतिथिति माने खिता छोल्गीते?
थेमे आज्यो न्वावे, गा लाङच्येते बात लोप्जीन ङेङ यहूदीओनगी जीउला ज्वा फाप्च्येते खतकी चिनु ज्वापराङ फाप्क्यो सिन थोरूमसाक लोप्कीन ओता ईन्सीन थरिङसाकराङ यहूदीओनगी च्यिला ङाला खेदा खाला खाला दुक्पा तेरगीका ओना? ङेङ थेबेकी साबा च्योकराङ खित्च्येते ईन्दा ईन्सीन येशू ख्रीष्ट स्यिङगी थामला टाँए खाईन स्याप्की खित्सादुकामा परमेश्वरगी मिला दोषी मेन सिओ सिन ङे लोप्कीन ओताते बातकीते थेबा सुङगीङ दोक खाला विरोध खित्च्याराङ मेतान।
दोक ओङनामेकीचेन ङुरूङ पाको गाला मेताते मिकी च्योक मिक्किओ। पाको गाला मेताते मिकीचेन परमेश्वर बात ईन सिन सुइँदेकी मेन्दे बात लाप्सीन थे ङेन्ग्यो। लोक्ला ज्येनज्यीगी होथोक्ते ज्येनराङ बात लाप्सीन थेङ ङेन्ग्यो। होथोक्ते बात लोप्कान्ते मिओन ज्येनला छक्के खिताला आउदी च्याङबो ओङगो। थेबेकी चुक खाला ओङगीका पाको गाला मेताते मिओन मिकला छारो ग्याप्ला खोपरोङ लाःक्तु लिन्ग्यो।
थोक्ते मिओनगी गाङे बात छ्या ओताच्योक खाईन छ्ये खासीनोङ थेबेकीनी च्यि बात चुक ईन्दे सिन छ्याःङ खोबा मेङगो। थेबेकीचेन टेकाटेउरी स्योरच्येते छ्याःङ काम लै मिक्किच्येते बातकामा देन्दा चाल्ला होथोक्ते बातकामा छोल्गीन ख्याम्ग्यो। थोक्ते बात खित्जीन खालि स्येदाङ लाङच्येते, डिक्ला थुन्ला देता मुथुप्च्येते, मि मोत्च्येते, शंका खाला ईनराङ मेन्दे दोष लै खित्च्येते
च्यिला सासीन थेबेकी काम लै खित्च्येते बात सिराते छ्याःङ मोलोबो। खोपरोङ जे बादोङ छ्या स्येकान ईन सिराच्योक खाला आउदी छ्ये छ्ये बात खिओ। दाक्पोन खुशी खिन दि सा लुङबे मिओनगी खित्च्येते च्योक्ते खिता मेङच्या ङोचा लाङच्येते काम खिता ताङगीन भर्खर भर्खर परमेश्वरला विश्वास खिताला स्यूबाते मिओनला दिबेकी होथोक्ते काम खासीन छ्याःङ मेङगो साला लोक्ला गोमा खाबाते होथोक्ते कामराङ खित ज्युत्कीदुक।
च्यिला सासीन गाङे लुङबा लुङबे मि बेबिलोनगी खि साबा च्योकराङ खाईन खिता मेङच्येते ङोचा लाङच्येते काम खाईन आउदी खाईन अंगूर छ्याङगी जाप च्योकराङ गाला ओतान। दि सा लुङबे गेल्बोओनगी थेत्ताङ डिगीन थेकी खिन ओता च्योकराङ खिता मेङच्येते ङोचा लाङच्येते काम खाबा ओतान। दि सा लुङबे बेपारीओन थेरू मोज मज्जा खिताला गोच्येते सामानओन च्वाकीनराङ आउदी छ्युक्पु गालाते ईन,” सिन ओतान।
दोक ईन्सीनोङ ङे ख्योकोनला सिरा फाप्च्येते बातज्यीक ओत। चुक सासीन ख्योकोनगी जिजेबेलगी साबाते बात ङेन्गीदुक। थेकी थे मोरोङला परमेश्वर बात खित्कान्ते फेम्मे मि ईन साला ङे काम खित्कान ख्योकोनला मेन्दा मेन्दा बात लाप्ला रन्डीबाजी थेमे होदि च्योक्ते खिता मेङच्येते काम खित च्युत्ला थेमे ल्हाला पूजा खाबाते सार च्युत्ला लुइदुक।
Sanasan