गलाती 2:5 - जिरेल

⁵ थेबेकी थोक खिता चाल्‍सीनोङ ङ्योकोनगी थेबे बातला कि फेनजोङ माने माक्‍या। थेबे बात ङेन्‍दा ईन्‍सीन ख्‍योकोनगी ङेन्‍दाते गा लाङच्‍येते बात दाक खुदुक डोच्‍या ओतान।

गलाती 2:5 Iomraidhean Croise

शक्ति काम 15:2

थेबेकी ज्‍येन ज्‍येन जातकी मिकीङ खतकी चिनु ज्‍वापराङ फाप्‍क्‍यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्‍वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्‍पेकी थेरू येशू ख्रीष्‍ट मिओनगी “लो था ङुरूङगी दोक खिइ। च्‍यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्‍ला येशू ख्रीष्‍टकी खटे खाबाते मिओन थेमे थेरू येशू ख्रीष्‍ट मिओनला ताकान्‍तेबाला ठेत्‍ला दि बात खित्‍स्‍यीत। थेमे थेबेकी चुक खि सिका थोकराङ खिताप,” सिन सल्‍लाह खासुङ।

गलाती 1:6

ख्‍योकोन बात थोकीन ङा छकदाङ परे खासुङ। ख्‍योकोनगी चुक खाईन दोक खिता थुप्‍सुङा? च्‍यि परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ख्रीष्‍टकी खाबाते कामगी खित्‍सादु दया खिन लेमु खिताप सिन मेनरो? ख्‍योकोननी होथोक खित्‍कान्‍ते परमेश्‍वर छ्य्‌वापेई ठाला ठाला खाईन सिन्‍दुक। थेमे ख्‍योकोननी ख्रीष्‍टते गा लाङच्‍येते बात ङेन्‍दे साटोला गा लाङच्‍येते बात ईन सिन ज्‍येनज्‍यीक बातका ङेन्‍दाला स्‍यूदुक।

गलाती 2:14

थेबेकी थोक खाबाते काम गा लाङच्‍येते बातताङ डिकराङ मिडिक्‍च्‍येते ईन्‍देकी थेरू गाङे ङोन्‍दुराङ ङे पत्रुसला चुक साबे सासीन “खोरोङ यहूदी ईन्‍सीनोङ परमेश्‍वरगी ङुरूङ यहूदीओनला बिन्‍दाते नियम ङेन्‍दा ताङगीन ज्‍येन ज्‍येन जातकी मित्ताङ डिक्‍पा ओतान सासीन था खो याङराङ चुक खाला ज्‍येन ज्‍येन जातकी मिकीङ होथे नियम ङेन्‍दा फाप्‍क्‍यो सिराच्‍योक खिते?

गलाती 4:16

च्‍यि ख्‍योकोनला था ङा ख्‍योकोनताङ मिडिक्‍कान्‍ते मि ईन सिराच्‍योक लाङगीदुक? थोक ईन्‍सीनका ङे ख्‍योकोनला सत्‍यते बात लापेकीराङ दोक ओङासीन।

एफिसी 1:13

थेमे सत्‍यते बात थोनामेई ख्‍योकोनोङ ख्रीष्‍टताङ जीउज्‍यीकराङ ओङसुङ। पापकी सजायदुकी थारच्‍येते होथे गा लाङच्‍येते बात ङेन्‍गीन ख्रीष्‍टला विश्‍वास खानामेकी गोमा थे खोरोङगी ख्रीष्‍टकी छ्य्‌वापेकी तेरग्‍यो साबाते परमेश्‍वर आत्‍मा परमेश्‍वरगी ख्‍योकोनलाङ बिन्‍सुङ। दोक खाईन थेकी थे खोरोङ आत्‍मा बिन्‍दातेचेन ख्‍योकोनोङ थे खोरोङ मिराङ ईन सिराला छाप ग्‍यापाते च्‍योकराङ ओङसुङ।

कलस्‍सी 1:5

परमेश्‍वरगी था तिरी खेराङला स्‍वर्गने तेरग्‍यो सिन साबातेबा ङेत्‍क्‍यो सिन खेराङगी आश खाईन देताते पक्‍काराङ ङेत्‍क्‍यो सिन छ्या स्‍येबेकीराङ ख्‍योकोनगी थोक लेमु खिन ओताते ईन। परमेश्‍वरगी खेराङला तेरग्‍यो साबाते ङेत्‍क्‍यो सिनचेन ख्‍योकोनगी सत्‍यते बात थोनामेई छ्या स्‍येबा ओत। सत्‍यते बातचेन गा लाङच्‍येते बात ईन।

१ थिस्‍सलोनिकी 2:13

थेमे ङ्योकोन जहिलेङ दि बातकी लाईदुङ परमेश्‍वरला धन्‍यवाद सिओ। च्‍यि सासीन ङ्योकोनगी परमेश्‍वर बात लोप्‍जीन थे बात मिकी जोबाते मेन्‍दाक्‍वा, परमेश्‍वर बातराङ दुका सिन ख्‍योकोनगी ङेन्‍सुङ। ईन्‍दाबोङ थे बातचेन परमेश्‍वर बातराङ ईन। येशूला विश्‍वास खित्‍कान ख्‍योकोन नाङ परमेश्‍वरगी होथे बातकी छ्य्‌वापेईराङ काम खिन ओत।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।