गलाती 2:21 - जिरेल

²¹ परमेश्‍वरगी ख्रीष्‍टकी छ्य्‌वापेकी मिओनला दया खाबाते काम ङा छ्याःङ काम लै मिक्‍किओ सिराच्‍योक मिक्‍किओ। परमेश्‍वर नियमला खि साबाते ङेन्‍देकी परमेश्‍वरगी ङाला दोषी मेन सिरच्‍येते ईन्‍दा ईन्‍सीन ख्रीष्‍ट बिनसित्तिला स्‍यापच्‍योक ओङच्‍या ओतान,” सिन साबाप।

गलाती 2:21 Iomraidhean Croise

मर्कूस 7:9

थोरूमोङ बात खिन थेकी “खेराङ रीतिथिति माने खिताला ख्‍योकोनगी च्‍याङबो खाईन परमेश्‍वरगी खि साबाते नियमओन ङेन्‍दा ताङला दुक।

रोमी 10:3

च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

रोमी 11:6

थेबाला थेकी खोपरोङगी खाबाते धर्म कर्मे काम ताकीन छाने खाबाते मेन। थे खोरोङ दयेकी खित्‍सादुकामा थेकी थेबाला दोक खाबाते ईन। मिकी खाबाते धर्म कर्मे काम ताकीन छाने खाबाते ईन्‍सीन थेकी थे खोरोङ दयेकी खित्‍सादुकामा मिओनला छाने खित्‍च्‍येते ईन सिन सिरा थुप्‍च्‍या मेतान।

रोमी 4:25

ङुरूङगी पाप खाबेकी खित्‍सादु ङुरूङला पापदुकी डेलाला परमेश्‍वरगी थेला ङुरूङ लाईदु स्‍याप्‍ला ताङसुङ। थेमे ङुरूङला दोषी मेन सिराला थेकी थेला स्‍यिसादुकी सोम्‍बो लोक्‍सुङ।

रोमी 8:31

बात दोक दोक ईन्‍देकी था ङुरूङला दि बात लेमु खाला छ्या ओत। च्‍यि सासीन परमेश्‍वर ङुरूङ छ्य्‌वापा ओतेकी खित्‍सादु ङुरूङला मेलेबा खिता छोल्‍कान्‍तेबा सुङगीङ छ्याःङ खिता मुथुबो।

१ कोरिन्‍थी 15:14

थेकी ख्रीष्‍टला सोम्‍बो लोक्‍पाते मेन्‍दा ईन्‍सुङ सासीनका ङ्योकोनगी लोप्‍कीन ओताते बाततेबा छ्याःङ काम लै मिक्‍किच्‍या ओङसुङ, ख्‍योकोनगी थेला विश्‍वास खाबातेङ छ्याःङ काम लै माक्‍यासुङ।

१ कोरिन्‍थी 15:17

थेकी ख्रीष्‍टला सोम्‍बो लोक्‍पाते मेन्‍सीनका ख्‍योकोनगी थेला विश्‍वास खाबाते छ्याःङ फाइदा मेत। ख्‍योकोन थोरूमोङ पापलाराङ नुपा ओत।

१ कोरिन्‍थी 15:2

ङे ख्‍योकोनला लापाते थे गा लाङच्‍येते बातला खि साबा च्‍योकराङ खिन देत्‍सुङ सासीन ख्‍योकोनगी पापकी सजाय भोगे खिता माफाबो। थोक खिन मादेत्‍सीन थे बात ङेन्‍दाते ख्‍योकोनला छ्याःङ काम लै मिक्‍किओ।

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

गलाती 2:18

बात च्‍यि सासीन होथे नियम था नोमुङ ङेन्‍दा माफाबो सिन ङेन्‍दा ताङनामेकीङ ङे याङराङ थे नियमराङ ङेन्‍दाला स्‍यूसीन ङानी थे नियम ङ्ये ज्‍युत्‍कान्‍ते मिका ओङगो।

गलाती 3:21

दोक ईन्‍सीन च्‍यि थे नियमचेन परमेश्‍वरगी आशी तेरग्‍यो सिन खाबाते जमान बातताङ बान्‍दा मिडिक्‍च्‍येते ईन ओना? मेन मेन, दोक पक्‍काराङ मेन। मिओनगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे नियम बिन्‍दा मेतान। थोक ईन्‍दा ईन्‍सीन थे नियमला खि साबाते ङेन्‍कान्‍तेबाला थेकी दोषी मेन सिरच्‍या ओतान।

हिब्रू 7:11

लेवी थरगी पूजारीओनगी ङेन्‍ला काम खिता फाप्‍च्‍येते नियम विचार खाईन परमेश्‍वरगी इस्राएलीओनला थे खोरोङ नियम बिन्‍दा ओतान। पूजारीओनगी थे नियमला साबाच्‍योक खाईन काम खासीनोङ थेबेकी थोक खाबेकी मिओन पूरो खाला पापदुकी ठाला थुप्‍च्‍या ईन्‍सीन पूजारी हारून च्‍योकराङ मेन्‍देकी मल्‍कीसेदेक च्‍योकराङ ओङला लोक्‍ला ज्‍येनज्‍यीक पूजारी ओङा फाप्‍च्‍येते छ्याःङ खाँचो मेतान।