गलाती 2:2 - जिरेल

² परमेश्‍वरगीराङ ङाला थेने ग्‍युक सिन साबेकी ङे थेने गाल्‍गीन येशू ख्रीष्‍ट मिओनगी छ्येते मि ईन साबाते मिओनताङ ठेता खाबाप। थेबाताङकामा ठेत्‍कीन ङाराङगी ज्‍येन ज्‍येन जातकी मिला गा लाङच्‍येते बात लोप्‍जीन चुक चुक सिन लोप्‍कीते सिन ङे थेबाला गाङे साबाप। ङाराङगी लोप्‍कीन ओताते बातला खइँदा बात ठाल्‍दुक सिता ना खइँदा बात मायाङसुङ साला ङाराङगी दुक्‍पा खाईन खाईन खाबाते थेमे खिन ओताते काम थाराङ खेरोला मोन्‍डोस्‍यीत सिनराङ ङे थेबाताङ थोक खाईन बात खाबाप।

गलाती 2:2 Iomraidhean Croise

मत्ती 10:16

थेमे ज्‍येन बात च्‍यि सासीन फारे हूलगी लुई बगालला थेप्‍सुङ सासीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुकला खिता च्‍योकराङ मिओनगी ख्‍योकोनला मेलेबा खिओ। थोगी ख्‍योकोन रूल च्‍योकराङ च्‍याङबो खाला देत। थेमे थेबा सुङलाङ छ्याःङ मेलेबा मिक्‍किता खाला गन्‍दीमा च्‍योकराङ सुधो ओङला काम खि।

शक्ति काम 15:12

थेकी थोक सानामेकी थेरू मि गाङेराङ खाराक्‍पा देत्‍सुङ। थेमे पावलताङ बारनाबासकी ज्‍येन ज्‍येन जातकी मिला गा लाङच्‍येते बात लोप्‍जीन परमेश्‍वरगी खोपरोङ ङिबोला चुक छ्ये छ्येताङ अचम्‍बतेन्‍दे काम खित च्‍युत्‍सुङा सिन लाःप्‍जीन थेरू थेबाबरी गाङेकी लेमु खाईन ङेन्‍सुङ।

शक्ति काम 15:2

थेबेकी ज्‍येन ज्‍येन जातकी मिकीङ खतकी चिनु ज्‍वापराङ फाप्‍क्‍यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्‍वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्‍पेकी थेरू येशू ख्रीष्‍ट मिओनगी “लो था ङुरूङगी दोक खिइ। च्‍यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्‍ला येशू ख्रीष्‍टकी खटे खाबाते मिओन थेमे थेरू येशू ख्रीष्‍ट मिओनला ताकान्‍तेबाला ठेत्‍ला दि बात खित्‍स्‍यीत। थेमे थेबेकी चुक खि सिका थोकराङ खिताप,” सिन सल्‍लाह खासुङ।

शक्ति काम 15:4

थेमे यरूशलेमपा लेप्‍कीन थेबेकी येशू ख्रीष्‍टकी खटे खाबाते मिओन, येशू ख्रीष्‍ट मिओन थेमे थेबाला ताकान्‍तेबाताङ ठेता खासुङ। यरूशलेमदु ओताते थेबा गाङेकी थोक खाईन वाबातेबा गाङेला लेमु खाईन खोपरोङताङ ज्‍याक्‍सुङ। थेमे पावलताङ बारनाबासबेकी ज्‍येन ज्‍येन जातकी मिला गा लाङच्‍येते बात लोप्‍जीन परमेश्‍वरगी खोपरोङला चुक चुक खित च्‍युत्‍सुङा सिन गाङे थेबाला लाःप्‍सुङ।

शक्ति काम 18:9

थेमे ग्‍वामाई पावलला मिलाम खित ज्‍युताच्‍योक खित च्‍युत्‍कीन प्रभु येशूकी थेत्ताङ बात खासुङ। थेकी थेला “खो बान्‍दा ज्‍यीबा माकेत। दुरू मिओनला ङे बात लोप्‍कीनराङ देत। थोक खिता मातोङ।

शक्ति काम 23:11

थे छोमु ग्‍वाका पावलगी प्रभु येशूला थे खोरोङ खादु वाबाते थोङसुङ। थेमे प्रभु येशूकी थेला “पावल, दुरू खोल्‍ला खइँदा मेलेबा ओङगीता सिन खो बान्‍दा ज्‍यीबा माकेत। खुई रोम सारदु गाल्‍ला दुरू च्‍योकराङ खाला थेरूङ ङे बात गाङे ज्‍येनला लोपा फाप्‍क्‍यो,” सिन बात खासुङ।

शक्ति काम 5:34

तर थे छ्ये छ्ये मि नाङ गमलिएल सिराज्‍यीक धर्मे गुरूङ ओतान। थेचेन फरिसी पाटी मि ओतान। यरूशलेम मि गाङेकी थेला आउदी मान खिन ओतान। थेमे थेकी देत्‍सादुई लाकीन येशू ख्रीष्‍टकी खटे खाबाते मिओनला “ख्‍योकोन रकस्‍यिक फिनामा ग्‍युक,” सिन फिनामा ताङसुङ।

रोमी 9:16

थोगी परमेश्‍वरगी मिला ङिङज्‍ये खित्‍च्‍येतेचेन सुइँदा मिकी परमेश्‍वरगी ङाला ङिङज्‍ये खिता फाप्‍क्‍यो सिराच्‍योक खाबेकी खित्‍सादुङ मेन, स्‍याप स्‍याप खाईन धर्म कर्म खाबेकीङ मेन। थे खोरोङगी ङिङज्‍ये खिता सेम खाबेकीकामा थेकी मिओनला थोक खित्‍च्‍येते ईन।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

१ कोरिन्‍थी 2:2

बरू ङेनी येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातकामा लोप्‍च्‍ये टुङ्गो खाईन थे बातकामा ख्‍योकोनला लापाप।

१ कोरिन्‍थी 9:24

थेमे दि बातनी ख्‍योकोनला छ्याराङ ओतासीन। बत्ते खित्‍जीन मेरा काल्‍बेई छ्य्‌वासीनोङ थेबे नाङ ग्‍याल्‍कान्‍तेकीकामा पुरूस्‍कार ङेत्‍क्‍यो मेन? थोगी ख्‍योकोनगीङ होथे बत्ते खित्‍जीन ग्‍याल्‍कान्‍तेकी पुरूस्‍कार ङेताच्‍योक खाला इनाम ङेत्‍स्‍यीत सिन थुपासम्‍म लेमु काम खि।

१ कोरिन्‍थी 9:26

थोगी ङा छ्याःङ आश मेताते मि च्‍योक खाला मेन्‍देकी ग्‍याल्‍ला पुरूस्‍कार लिन्‍कान्‍ते मिकी ख्‍योला फाप्‍च्‍येते ठाउँ ताला छ्योङाच्‍योक खाला काम खिओ। लेम्‍बेकी च्‍योक थाराङ गुस्‍सीकी देक्‍पाच्‍योक मिक्‍किओ।

२ कोरिन्‍थी 12:1

ईन्‍दाका ङा दोक्‍ते मि ईन, ङे दोक खाबाप सिन छ्ये खाला छ्याःङ फाइदा मेत। ईन्‍सीनोङ था ङा ख्‍योकोनला प्रभु ख्रीष्‍टकी मिलाम खित ज्‍युताच्‍योक खाईन खो च्‍युताते थेमे छ्या स्‍ये च्‍युताते बातओन खितामीन।

गलाती 1:12

दि बात ङे सुइँदेकी लोप्‍कीन ओते बेलाला थोबातेङ मेन, ङाला सुइँदा मिकी लाप्‍कीन बिन्‍दातेङ मेन। दि बातनी ङाला येशू ख्रीष्‍ट थे खोरोङगीराङ छ्या स्‍ये च्‍युत्‍कीन बिन्‍दाते ईन।

गलाती 1:16

थे खोरोङ फुज्‍युङ सु ईन्‍दे सिन ठेत च्‍युत्‍कीन बिन्‍सुङ। थे फुज्‍युङ सु ईन्‍दे, चुक्‍ते ईन्‍दे सिरच्‍येते बात ज्‍येन ज्‍येन जातकी मिला लोप सिन परमेश्‍वरगी ङाला थोक खाबा ओतान। थोक ओङनामेई था च्‍यि खित्‍च्‍ये, चुक खित्‍च्‍ये सिन ङे सुङ मित्ताङ सल्‍लाह माला।

गलाती 1:6

ख्‍योकोन बात थोकीन ङा छकदाङ परे खासुङ। ख्‍योकोनगी चुक खाईन दोक खिता थुप्‍सुङा? च्‍यि परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ख्रीष्‍टकी खाबाते कामगी खित्‍सादु दया खिन लेमु खिताप सिन मेनरो? ख्‍योकोननी होथोक खित्‍कान्‍ते परमेश्‍वर छ्य्‌वापेई ठाला ठाला खाईन सिन्‍दुक। थेमे ख्‍योकोननी ख्रीष्‍टते गा लाङच्‍येते बात ङेन्‍दे साटोला गा लाङच्‍येते बात ईन सिन ज्‍येनज्‍यीक बातका ङेन्‍दाला स्‍यूदुक।

गलाती 2:6

येशू ख्रीष्‍ट मिओनगी छ्येते मि ईन साबाते होथे मिओनगीचेन ङे लोप्‍कीन ओताते बातकी लाक्‍तु ज्‍येनोङ दोक दोक सिन लोप सिन सुङगीङ छ्याःङ मासासुङ। ईन्‍दानी थेबा गोमामेकी छ्ये टेक्‍टे जस्‍तो मि ईन्‍सीनोङ दोक्‍ते बात ङाला छ्याःङ मेन सिराच्‍योक लाङगीदुक। परमेश्‍वरगी मि छ्येत ताला काम मिक्‍किओ।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

गलाती 5:7

ख्‍योकोननी आउदी लेमु खालाका सत्‍यते बात ङेन्‍गीन ओतान। थोस्‍यिककामा खाला मेङगो सिन ख्‍योकोनला सुई ङ्ये च्‍युत्‍सुङा? थोक्‍ते मि बात ङेन्‍ला ख्‍योकोन च्‍यिला सत्‍यते बात ङेन्‍दा तोङा छोल्‍गीते?

फिलिप्‍पी 2:16

थेमे नोमुङ मिसिन्‍च्‍येते जुनी ङेत्‍च्‍येते बात ङेन्‍दा ख्‍योकोनगी बान्‍दा मातोङ। ख्‍योकोनगी ङे खि साबा च्‍योकराङ खिन देत्‍सीन था ख्रीष्‍ट ग्‍युरला ओङे छोमु ङे ख्‍योकोन नाङ स्‍याप स्‍याप खाईन दुक्‍पा खाईन खाबाते काम थाराङ खेरो मागाल्‍सुङ, ङे थोक खाबाते चुक लेमु ओङसुङा सिन गा खिता ङेत्‍क्‍यो।

फिलिप्‍पी 2:29

दि थेपा लेप्‍नामेई गा खिन ख्‍योकोनगी दिङ प्रभु येशूला विश्‍वास खित्‍कान्‍ते मि ईन सिन दिला लेमु खि। दि थेमे दि च्‍योक्‍ते मिओनला ख्‍योकोनगी मान खि।

१ थिस्‍सलोनिकी 3:5

थोक थोक दुक्‍पा ओङ च्‍युत्‍कीन मिला पाप खित ज्‍युता छोल्‍कान्‍ते शैतानगी ना ख्‍योकोनला प्रभु येशू छ्य्‌वापेकी टाला ईन्‍दा सिन ङाला आउदी ज्‍यीबा लाबा ओतान। शैतानगी थोक खाबा ईन्‍सीन ङ्योकोनगी ख्‍योकोन नाङ खाबाते काम थाराङ खेरोला डोच्‍या ओतान। थोगी ख्‍योकोन थोरूमोङ प्रभु येशूला विश्‍वास खिनराङ दुकाना मिन्‍दुका सिन ताप्‍ला तिमोथीला ख्‍योकोन ओत्‍सापा ताङाते ईन।

२ तिमोथी 4:7

दुक्‍पा किम्‍मु जस्‍तो ओङजीनोङ ङे ङाराङ काम लेमु खाईन खाबा ओत, बत्ते खित्‍कान्‍ते मि ख्‍योला फाप्‍सासाक लेपाच्‍योक खाईन ङेङ ङाराङगी खिता फाप्‍च्‍येते काम गाङे खाईन सिन्‍दा खाबा ओत। थेमे येशू ख्रीष्‍टला विश्‍वास खाईन ङेन्‍दाते बात ङे जुनी खाङ ङेन्‍गीनराङ देताप।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।