गलाती 2:14 - जिरेल

¹⁴ थेबेकी थोक खाबाते काम गा लाङच्‍येते बातताङ डिकराङ मिडिक्‍च्‍येते ईन्‍देकी थेरू गाङे ङोन्‍दुराङ ङे पत्रुसला चुक साबे सासीन “खोरोङ यहूदी ईन्‍सीनोङ परमेश्‍वरगी ङुरूङ यहूदीओनला बिन्‍दाते नियम ङेन्‍दा ताङगीन ज्‍येन ज्‍येन जातकी मित्ताङ डिक्‍पा ओतान सासीन था खो याङराङ चुक खाला ज्‍येन ज्‍येन जातकी मिकीङ होथे नियम ङेन्‍दा फाप्‍क्‍यो सिराच्‍योक खिते?

गलाती 2:14 Iomraidhean Croise

शक्ति काम 10:28

थेमे थेकी थेबाबरीला “ङ्योकोन यहूदीओन ज्‍येन जातकी मित्ताङ दोक खाला साङ खिता मेङगो। थेमे थेबे खाम्‍बादु गाल्‍ला थेबाताङ सा मेङगो। दोक खासीन ङ्योकोनगी परमेश्‍वर नियमताङ मिडिक्‍च्‍येते काम खाबाते ईन सिरच्‍येते बात ख्‍योकोनला छ्याराङ ओत। दोक ईन्‍सीनोङ ङाला परमेश्‍वर थे खोरोङगीराङ था ख्‍योकोन च्‍योक्‍ते ज्‍येन ज्‍येन जातकी मिलाङ सुङलाङ सानु जाति ईन सिरा मेङगो सिन छ्या स्‍ये च्‍युत्‍सुङ।

शक्ति काम 15:1

थेमे यहूदिये अञ्‍चलपेकी कोई कोई मि एन्‍टिओखियादु लेप्‍सुङ। थेरू लेप्‍कीन थेबेकी थेरू आज्‍यो न्‍वाओनला “ख्‍योकोनगीङ मोशेकी ङ्योकोन यहूदीओनला जीउला जो साबाते खतकी चिनु ज्‍वा फाप्‍क्‍यो। थे चिनु माजोसीनचेन परमेश्‍वरगी ख्‍योकोनला पापदुकी मेडेलो,” सिन लोपाला स्‍यूसुङ।

शक्ति काम 15:24

बात च्‍यि सासीन ङ्योकोन नाङदुई कोई कोई मि ख्‍योकोन ओत्‍सादु गाल्‍गीन दोक खिता फाप्‍क्‍यो, थोक खिता फाप्‍क्‍यो सिन साकीन ख्‍योकोनला अलमल्‍ल लाङगीन आउदी खाईन दुक्‍पा बिन्‍दुक्‍लो सिन ङ्योकोनगी थोसुङ। थेबाला ङ्योकोनगी ताङाते मेन।

शक्ति काम 15:5

थेबेकी थे बाततेबा सानामेकी थेरू येशूला विश्‍वास खित्‍कान्‍ते फरिसी पाटी मि कोई कोईकीचेन “ज्‍येन ज्‍येन जातकी मिकीङ ङुरूङगी च्‍योक खाला खतकी चिनु ज्‍वा फाप्‍क्‍यो, मोशेकी टिबाते परमेश्‍वर नियमोङ ङेन्‍दाराङ फाप्‍क्‍यो,” सिन सासुङ।

रोमी 14:14

प्रभु येशूताङ जीउज्‍यीकराङ ओङाते मि ईन्‍देकी दि बात ङे लेमु खाईन छ्या स्‍येबा ओत। च्‍यि सासीन स्‍या ईन्‍सीनोङ ज्‍येनतोक ईन्‍सीनोङ सा मेङच्‍येते सिराते छ्याःङ ओतराङ मेत। मिकी जे सोसीनोङ पा फोक्‍च्‍येते मेन। दोक ईन्‍सीनोङ सुइँदाला दिनी सा मेङगो, दि सोसुङ सासीन पा फोइओ सिराच्‍योक लाङगीन लाङगीन थोक्‍ते साप सोसुङ सासीन थेबालाचेन दाक पा फोइओ।

गलाती 1:18

लो सुम तिरीकामा ङा पत्रुसला ठेत्‍ला बात खिताप सिन यरूशलेमने गाल्‍गीन हप्‍ता ङि थेत्ताङराङ देताप।

गलाती 1:6

ख्‍योकोन बात थोकीन ङा छकदाङ परे खासुङ। ख्‍योकोनगी चुक खाईन दोक खिता थुप्‍सुङा? च्‍यि परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ख्रीष्‍टकी खाबाते कामगी खित्‍सादु दया खिन लेमु खिताप सिन मेनरो? ख्‍योकोननी होथोक खित्‍कान्‍ते परमेश्‍वर छ्य्‌वापेई ठाला ठाला खाईन सिन्‍दुक। थेमे ख्‍योकोननी ख्रीष्‍टते गा लाङच्‍येते बात ङेन्‍दे साटोला गा लाङच्‍येते बात ईन सिन ज्‍येनज्‍यीक बातका ङेन्‍दाला स्‍यूदुक।

गलाती 2:3

दि गाङे बात सानामेकीङ ङे ङ्योम्‍बुराङ खेराते तीतस ग्रीक ईन्‍सीनोङ परमेश्‍वरगी यहूदीओनला बिन्‍दाते नियमला साबाच्‍योक खाला तीतसकीङ जीउला खतकी चिनु ज्‍वा फाप्‍क्‍यो सिन थेबा सुङगीङ मासासुङ।

गलाती 2:5

थेबेकी थोक खिता चाल्‍सीनोङ ङ्योकोनगी थेबे बातला कि फेनजोङ माने माक्‍या। थेबे बात ङेन्‍दा ईन्‍सीन ख्‍योकोनगी ङेन्‍दाते गा लाङच्‍येते बात दाक खुदुक डोच्‍या ओतान।

गलाती 2:7

ङाला दोक दोक खि सिन छ्याःङ मिसिरा खाईन बरू थेबेकी यहूदीओन नाङ गा लाङच्‍येते बात लोप्‍च्‍येते जिम्‍मा पत्रुसला बिन्‍दा ओता च्‍योकराङ ज्‍येन ज्‍येन जातकी मि नाङ दि काम खित्‍च्‍येते जिम्‍माचेन परमेश्‍वरगी ङाला बिन्‍दा ओताक्‍वा सिन छ्या स्‍येसुङ।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

गलाती 6:12

बात च्‍यि सासीन ख्‍योकोनला कर लै खाला खाला जीउला खतकी चिनु ज्‍वा फाप्‍क्‍यो सिन सिरकान्‍ते मिओनगीनी खोपरोङ फाइदा ताला मिला खुशी ज्‍वाप्‍लाकामा थोक खि सिरच्‍येते ईन। येशू ख्रीष्‍टला स्‍यिङगी थामला टाँए खाईन सेताते बातकामा लाप्‍सीन ज्‍येन यहूदीओनगी खोपरोङ विरोध खाला खेदापानी खिओ सिनकामा थेबेकी थोक सिरच्‍येते ईन।

कलस्‍सी 1:5

परमेश्‍वरगी था तिरी खेराङला स्‍वर्गने तेरग्‍यो सिन साबातेबा ङेत्‍क्‍यो सिन खेराङगी आश खाईन देताते पक्‍काराङ ङेत्‍क्‍यो सिन छ्या स्‍येबेकीराङ ख्‍योकोनगी थोक लेमु खिन ओताते ईन। परमेश्‍वरगी खेराङला तेरग्‍यो साबाते ङेत्‍क्‍यो सिनचेन ख्‍योकोनगी सत्‍यते बात थोनामेई छ्या स्‍येबा ओत। सत्‍यते बातचेन गा लाङच्‍येते बात ईन।

१ तिमोथी 5:20

थेबेकी साबाते बात साँचो ईन्‍सीन थे गल्‍ती खित्‍कान्‍ते मिला थोक खिता मेङगो सिन ज्‍येनतेबा गाङे दोन्‍दु थोप। थोक खानामेकी थोक्‍ते काम खिता मेङच्‍याक्‍वा सिन ज्‍येनतेबा गाङे ज्‍यीबा खिओ।

हिब्रू 12:13

बत्ते खित्‍जीन गले खाबाते मि दाक्‍पोन मिरिल्‍स्‍यीत सिन सोझोते लामला छ्योङाच्‍योक खाला खेराङ लेपा फाप्‍सासाक लेपा थुप्‍स्‍यीत सिन ख्‍योकोनगीङ थे छ्य्‌वापाकामा स्‍येत खि।

हिब्रू 9:10

च्‍यिला सासीन थे नियमलाचेन खालि दि सो थे मासा, दि थुङ थे माथुङ सिरच्‍येते बातताङ ठु खाला चोके खित्‍च्‍येते बातओनकामा ओतान। थे खोरोङगी खिता चालाच्‍योक खित्‍च्‍येते समय मालेपथुपकामा परमेश्‍वरगी थे नियम चले खित्‍च्‍या खाबा ओतान।