गलाती 2:12 - जिरेल

¹² बात चुक ओङा ओताने सासीन थेरू वानामेकी गोमा थेकी येशू ख्रीष्‍टला विश्‍वास खित्‍कान्‍ते ज्‍येन ज्‍येन जातकी मित्ताङ ङ्योम्‍बुराङ रूला साप सेइन ओतान। टिक्‍पी तिरी याकूब मिओन नाङ कोई कोई थेरू वादुक। जीउला खतकी चिनु माजोबाला ओङराङ मेङगो सिन सिरकान्‍ते होथे यहूदीओन वानामेकीचेन ज्‍येन ज्‍येन जातकी मित्ताङ साप सा थोङसीन होथेबेकी च्‍यि सिताना सिन ज्‍यीबा खाईन पत्रुस ठाल्‍गीन खुदुकराङ साप साप्‍ला स्‍यूसुङ।

गलाती 2:12 Iomraidhean Croise

लूका 15:2

थोक ओङा थोङगीन फरिसी पाटी मिओनताङ धर्मे गुरूओनगी “तोना, दि चुकस्‍यिक ईन्‍दाका। पापीओनताङका ङ्योम्‍बुराङ देत्‍ला बात खिदुक। थेमे थेबाताङराङ साङ खाला साप सेइदुक,” सिनकामा येशूला मोताला स्‍यूसुङ।

लूका 5:38

थोगी भर्खर लाबाते छ्याङचेन साम्‍बाते कोक्‍तेन गीउला लुक्‍ला ज्‍य्‌वाक्‍यो।

शक्ति काम 10:28

थेमे थेकी थेबाबरीला “ङ्योकोन यहूदीओन ज्‍येन जातकी मित्ताङ दोक खाला साङ खिता मेङगो। थेमे थेबे खाम्‍बादु गाल्‍ला थेबाताङ सा मेङगो। दोक खासीन ङ्योकोनगी परमेश्‍वर नियमताङ मिडिक्‍च्‍येते काम खाबाते ईन सिरच्‍येते बात ख्‍योकोनला छ्याराङ ओत। दोक ईन्‍सीनोङ ङाला परमेश्‍वर थे खोरोङगीराङ था ख्‍योकोन च्‍योक्‍ते ज्‍येन ज्‍येन जातकी मिलाङ सुङलाङ सानु जाति ईन सिरा मेङगो सिन छ्या स्‍ये च्‍युत्‍सुङ।

शक्ति काम 12:17

पत्रुसकी थेबाला थोक खाला छेरा माकेत सिन लाक्‍पेकी चाल खासुङ। थेमे प्रभु येशूकी थे खोरोङला चुक खाईन जेलदुकी तेन्‍गीन खुला लिच्‍युङा सिन गाङे बात लाःप्‍सुङ। थेमे थेकी थेबाला “दि बात याकूबला थेमे ज्‍येन ज्‍येन आज्‍यो न्‍वालाङ गाङेला लोबा,” सिन थे खोरोङचेन थेरूकी ज्‍येननापा गाल्‍सुङ।

गलाती 2:14

थेबेकी थोक खाबाते काम गा लाङच्‍येते बातताङ डिकराङ मिडिक्‍च्‍येते ईन्‍देकी थेरू गाङे ङोन्‍दुराङ ङे पत्रुसला चुक साबे सासीन “खोरोङ यहूदी ईन्‍सीनोङ परमेश्‍वरगी ङुरूङ यहूदीओनला बिन्‍दाते नियम ङेन्‍दा ताङगीन ज्‍येन ज्‍येन जातकी मित्ताङ डिक्‍पा ओतान सासीन था खो याङराङ चुक खाला ज्‍येन ज्‍येन जातकी मिकीङ होथे नियम ङेन्‍दा फाप्‍क्‍यो सिराच्‍योक खिते?

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

एफिसी 2:15

चुक खाईन सासीन ख्रीष्‍टकी थे खोरोङ ज्‍यान बिन्‍गीन स्‍यिइन ङ्योकोन इस्राएलीला दोक खि, थोक माकेत सिन बिन्‍दाते परमेश्‍वर नियम काम लै मिक्‍किच्‍या जोसुङ। थे नियमचेन ङुरूङ फारदु मिडिक्‍च्‍येते बात ओतान। दोक खाईन थेकी गोमा खुदुक खुदुक जात ओताते मि ङुरूङला थे खोरोङताङराङ डिक्‍पा खाईन जातज्‍यीगी मिराङ जोसुङ।

एफिसी 3:6

थे बातचेन दिराङ ईन। च्‍यि सासीन येशू ख्रीष्‍टकी खाबाते कामगी खित्‍सादु थाचेन परमेश्‍वरगी ज्‍येन ज्‍येन जातकी मिलाङ थे खोरोङगी छाने खाबाते इस्राएलीओनला तेरच्‍येते जति गाङे तेरच्‍या ओङा ओत, थेबालाङ ज्‍येन गाङेताङ डिक्‍पा खाईन जीउज्‍यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्‍या ओङा ओत। दि बाततेबा थेबाला लोप्‍च्‍येते गा लाङच्‍येते बातला साबा ओत।

१ थिस्‍सलोनिकी 5:22

मेलेबा सिराते छ्याःङ माकेत।