गलाती 1:8 - जिरेल

⁸ सुइँदेकी ङ्योकोनगी ख्‍योकोनला लाप्‍कीन बिन्‍दा ओताते गा लाङच्‍येते बातताङ डिकराङ मिडिक्‍च्‍येते बात लोप्‍कीदुक सासीन ङ्योकोन ईन्‍सीनोङ स्‍वर्गनेई वाबाते परमेश्‍वर दूत ईन्‍सीनोङ जोराङ ईन्‍सीनोङ थोक खित्‍कान्‍तेलाचेन परमेश्‍वरगी सजाय बिन्‍ला नरककुण्‍डमा लुस्‍यीत।

गलाती 1:8 Iomraidhean Croise

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मर्कूस 14:71

थोक सिरजीनोङ थेकीचेन “ख्‍योकोनगी साबाते मिलानी ङे ङोराङ मेस्‍येओ साबाप,” सिन ना केल्‍गीन “ङे ढाँर खाबाते ईन्‍सीन परमेश्‍वरगी ङाला भस्‍म तोङस्‍यीत,” सिन सिदुक।

शक्ति काम 23:14

ठो खाईन सिन्‍नामेई थेबेकी छ्ये छ्ये पूजारी थेमे यहूदीओनते ज्‍येनोङ छ्ये छ्ये मि ओत्‍सादु गाल्‍गीन “हजूरवे, पावलला मासेतथुप छ्यु समेदोङ खाला मुलुओ सिन ङ्योकोनबरीकी ना क्‍याला ओत।

रोमी 16:17

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

१ कोरिन्‍थी 12:3

ख्‍योकोनगी दि बात छ्या स्‍येबा खि। च्‍यि सासीन परमेश्‍वर आत्‍मे छ्य्‌वापेई बात खित्‍कान्‍ते मि सुङगीङ येशूला मोता सराप मिक्‍किओ। थोकराङ खाला परमेश्‍वर आत्‍मे छ्य्‌वापेई बाई सुङगीङ येशूराङ छ्ये ईन, थेराङ प्रभु ईन सिन सिरा मुथुबो।

१ कोरिन्‍थी 16:22

सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

गलाती 1:9

गोमाका साबा च्‍योकराङ ङ्योकोन लोक्‍लाङ ख्‍योकोनला च्‍यि सिते सासीन ख्‍योकोनगी ङेन्‍दाते गा लाङच्‍येते बातताङ डिकराङ मिडिक्‍च्‍येते बात लोप्‍कान्‍ते जोराङ ईन्‍सीनोङ थोक्‍तेलाचेन परमेश्‍वरगी सजाय बिन्‍ला नरककुण्‍डमाराङ लुस्‍यीत।

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

तीतस 3:10

सत्‍यते बातताङ डिकराङ मिडिक्‍च्‍येते होथोक्‍ते बात खाला परमेश्‍वरला विश्‍वास खित्‍कान्‍तेबे नाङ फाटो स्‍योर ज्‍युत्‍कान्‍ते मिला थोक्‍ते बात मालोप सिन सि। थेकी थोकराङ खिन देत्‍सीन थोक माकेत सिन खुई याङराङ पालोई सि। थोक खित्‍जीनोङ नामज्‍योक मासेत्‍सीन थोक्‍ते मित्ताङ साङराङ माकेत।

२ पत्रुस 2:14

थेबाचेन थोङाते जति फेम्‍मे मित्ताङ ङ्यालाकामा छोल्‍ग्‍यो। थोक्‍ते काम खाला थेबा नोमुङ माडाओ। सेम ङि ओताते मिओनला खोपरोङ छ्य्‌वापा लै खित ज्‍युताला थेबा च्‍योक सिपालु ज्‍येन सुङ मेङगो। जहिलेङ सम्‍पत्ति लोभकामा खिन खापेकी चुक खाला सम्‍पत्ति ज्‍वा थुप्‍कीते सिन थेबेकी लेमु खाईन छ्या स्‍येबा ओङगो। थेबाला परमेश्‍वर सराप फाप्‍क्‍यो।