गलाती 1:6 - जिरेल6 ख्योकोन बात थोकीन ङा छकदाङ परे खासुङ। ख्योकोनगी चुक खाईन दोक खिता थुप्सुङा? च्यि परमेश्वरगी ख्योकोनला थे खोरोङ दोन्दु स्योक सिन काताङाते ख्रीष्टकी खाबाते कामगी खित्सादु दया खिन लेमु खिताप सिन मेनरो? ख्योकोननी होथोक खित्कान्ते परमेश्वर छ्य्वापेई ठाला ठाला खाईन सिन्दुक। थेमे ख्योकोननी ख्रीष्टते गा लाङच्येते बात ङेन्दे साटोला गा लाङच्येते बात ईन सिन ज्येनज्यीक बातका ङेन्दाला स्यूदुक। Faic an caibideil |
गलाती 1:6
33 Iomraidhean Croise
थेकी खित्सादुराङ परमेश्वरगी थे खोरोङला विश्वास खित्कान ङुरूङला दया खाईन थे खोरोङताङ डिक च्युताते ईन। था थेकी ङुरूङला दया खिता नोमुङ मोतोङो। दोक ईन्देकी थाचेन परमेश्वरगी ङुरूङला मान बिन्ला थे खोरोङगी ज्वा चाला च्योकराङ लेमु जोइओ साबाते बात ङुरूङगी आश खाईन गुकीन देता च्योकराङ खिओ सिन गा खिन देता थुप्क्यो।
च्यिला सासीन सुइँदेकी वाकीन ङ्योकोनगी लापाते च्योक्ते मेन्देकी ज्येनज्यीकराङ येशू बात लाप्सीनोङ ख्योकोनगी थे आउदी लेमु खाला ङेन्च्याक्वा। थेमे थेबेकी खेराङला ङेता फाप्क्यो साबाते आत्मा ख्योकोन ङेता छोल्च्याक्वा। थे आत्माचेन ख्योकोनगी ङेता ओताते परमेश्वर आत्मा मेन। थोकराङ खाला ङ्योकोनगी ख्योकोनला लाप्कीन बिन्दा ओताते च्योक्ते मेन्देकी खुदुकज्यीकराङ गा लाङच्येते बात लाप्सीन ख्योकोनगी होथोक्ते बातराङ ङेन्च्याक्वा।
थेबेकी थोक खाबाते काम गा लाङच्येते बातताङ डिकराङ मिडिक्च्येते ईन्देकी थेरू गाङे ङोन्दुराङ ङे पत्रुसला चुक साबे सासीन “खोरोङ यहूदी ईन्सीनोङ परमेश्वरगी ङुरूङ यहूदीओनला बिन्दाते नियम ङेन्दा ताङगीन ज्येन ज्येन जातकी मित्ताङ डिक्पा ओतान सासीन था खो याङराङ चुक खाला ज्येन ज्येन जातकी मिकीङ होथे नियम ङेन्दा फाप्क्यो सिराच्योक खिते?
परमेश्वरगीराङ ङाला थेने ग्युक सिन साबेकी ङे थेने गाल्गीन येशू ख्रीष्ट मिओनगी छ्येते मि ईन साबाते मिओनताङ ठेता खाबाप। थेबाताङकामा ठेत्कीन ङाराङगी ज्येन ज्येन जातकी मिला गा लाङच्येते बात लोप्जीन चुक चुक सिन लोप्कीते सिन ङे थेबाला गाङे साबाप। ङाराङगी लोप्कीन ओताते बातला खइँदा बात ठाल्दुक सिता ना खइँदा बात मायाङसुङ साला ङाराङगी दुक्पा खाईन खाईन खाबाते थेमे खिन ओताते काम थाराङ खेरोला मोन्डोस्यीत सिनराङ ङे थेबाताङ थोक खाईन बात खाबाप।
थेकीराङ ङुरूङला पापकी सजायदुकी टाल्गीन बिन्दा ओत। थेमे ङुरूङ सेम खुदुक गाल्ला मेलेबाते कामताङ बात सिराते छ्याःङ मिक्किस्यीत सिन थे खोरोङ दोन्दु स्योक सिन काताङा ओत। थेकी थोक खाबाते ङुरूङगी थेकी खि साबा साबाच्योक खाईन लेमु काम खाबेकी खित्सादु मेन, बरू थे खोरोङ दयेकी ङुरूङला थोक खिता चालेकी खित्सादुकामा ईन। येशू ख्रीष्ट छ्य्वापेकी ङुरूङ लाईदु दोक खिओ सिन थेकी दि सा नाम ज्वा भन्दा गोमाकाराङ टुङ्गो खाबा ओतान।
दाक्पोनगी ङेताते साम्बाते जुनीला खिता फापाच्योक खिताला थेमे थेला माने खिताला खिता फाप्च्येते कामताङ बात खिताला गोच्येते जति गाङे परमेश्वरगी थे खोरोङताङ ओताते छ्येज्यीक शक्ति छ्य्वापेकी ङुरूङला बिन्दा ओत। थे सु ईन्दे, चुक्ते ईन्दे सिन थेला छ्या स्येबेकी खित्सादु थेकी ङुरूङला दोक खाईन गोच्येते जति बिन्दाते ईन। थे खोरोङताङ छ्येज्यीक शक्ति ओतेकी थेमे जे खित्जीनोङ लेमु खित्कान्ते ईन्देकी थेकी ङुरूङला थे खोरोङ दोन्दु स्योक सिन काताङा ओत।
Sanasan