लोक्ला चाङगी बुटे नाङला फाप्कीन केकीनोङ चाङगी बुटेकीराङ सोबाते सोन साबातेचेन थोरूमोङ ज्येन थरीज्यीक मिला साबाते ईन। थोक्ते मिओनगी स्वर्गे राज्य बातनी ङेन्ग्यो। ईन्सीनोङ साच्या थुङच्याताङ खोन्च्ये पीर थेमे सम्पत्ति लोभकी खित्सादु थेबेकी थोबाते बात दाक टोक ज्येत्ला छ्याःङ काम लै मिक्किओ।
गलाती 1:4 - जिरेल4 दि कलि जुग मिओनगी च्योक मेलेबा कामताङ बात खित्च्ये छ्य्वापेई ङुरूङ ठाल्स्यीत सिन प्रभु येशू ख्रीष्टचेन ङुरूङला पापदुकी डेलाला थे खोरोङ ज्यान बिन्गीन स्या ओतान। दि गाङे बात ङुरूङ आबा परमेश्वरगी खिता चाला च्योकराङ खाईन ओङा ओतान। Faic an caibideil |
गलाती 1:4
56 Iomraidhean Croise
थोकराङ खाईन थेकी स्योबेनज्यीक लाःक्तु लासुङ। थेमे थे स्योबेन लाईदु परमेश्वरला धन्यवाद बिन्गीन सिन्नामेई थे च्याक्ला थेबाला तेरगीनकामा “दि ङे जीउ ईन। ङा ख्योकोन लाईदु ङाराङ ज्यानराङ बिन्ला स्यिइओ। ङा ख्योकोन लाईदु स्याप्ते बात सम्झे खिताला ख्योकोनगीङ बेला बेलाला दोक खाला स्योबेन च्याक्ला साच्येते खि,” सिन सिदुक।
था ख्योकोनगी परमेश्वरला माने मिक्किकान्ते दि सा लुङबे मिओनते च्योक्ते चालचलनताङ बानी बिवारा गाङे थोङ। खेराङ सेम परमेश्वरला खुदुक जोला नाङ साला ख्योकोन सेम लेमु ओताते मि ओङा फाप्क्यो। दोक ओङनामेई परमेश्वरगी खेराङला च्यि च्यि खि सिरच्या ईन्दाका सिन ख्योकोनगी लेमु खाला छ्या स्येबा थुप्क्यो। दोक खाला ख्योकोनगी परमेश्वरला मन परे खित्च्येतेताङ लेमुते काम च्यि ईन्दाका सिन डेला थुप्क्यो।
ङुरूङ परमेश्वरगी खि साबाच्योक खिता मुथुप्कान्ते मि ईन्देकी ङुरूङला पापदुकी डेल्च्येते थेमे स्यिसादुकी जोए खित्च्येते काम परमेश्वर नियम छ्य्वापेकी ओङा थुपा मेतान। थोगी दि काम खिताला मि जुनीराङ लाला केला च्याला स्याप्ला परमेश्वरगी थे खोरोङ फुज्युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्वरगी थेलाराङ भोगे खित च्युत्सुङ। थे थोक खाईन स्याप्की खित्सादु परमेश्वरगी मिओनला पाप खित्च्येते बानीदुकी टाल्गीन बिन्सुङ।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
ङे नोमुङ होथेबेकी च्योक खाला दाक्पोनगी खाबाते खइँदा कामगी छ्य्वापेई छ्ये खिता माफाप्स्यीत। ङेनी स्यिङगी थामला टाँए खाईन सेताते ङुरूङ प्रभु येशू ख्रीष्टलाकामा छ्ये जोइओ सिन टुङ्गो खाईन सिन्दा ओत। प्रभु येशू ख्रीष्ट थोक खाईन स्याप्की खित्सादु ङाङ स्यिङगी थामला टाँए खाईन स्याप्ते च्योक ओङगीन दि सा लुङबे मिओनगी ङेन्दा फाप्क्यो सिरच्येते नियम थेमे थेबेकी माने खित्च्येते रीतिथितिओन ङे लाईदु छ्याःङ काम लै मिक्किच्या गाला ओत। थेमे ङाराङचेन होथोक्ते नियमताङ रीतिथिति लाईदु स्याप छेतराङ ओङा ओत।
थेमे ख्रीष्टकी ङुरूङला चुक ङिङज्ये खाईन थे खोरोङ ज्यानराङ बिन्गीन स्या ओताने सिन सम्झे खाला काम बात जे खासीनोङ ख्योकोनगीङ ज्येनला ङिङज्ये खाला खि। परमेश्वरला भोग बिन्दाते स्येक्जीन खाच्येते ठीमा थेला मन परे खिन ओतान। ख्रीष्टकी ङुरूङ लाईदु ज्यान बिन्गीन स्याप्तेचेन परमेश्वरला मन परे खित्च्येते होथे ठीमा च्योक्ते ईन।
धन्यवाद सिरजीनराङ ख्योकोनगी येशू ख्रीष्टला विश्वास खाईन लेमु काम खिताला स्यूबाते थेमे ज्येनला ङिङज्ये खिन झन झन लेमु खाबाते बातकी लाईदु ङुरूङ आबा परमेश्वरला धन्यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्ट ग्युरला ओङगो सिन आश खाईन गुकीन देता ओतेकी जस्तो दुक्पा ओङसीनोङ ख्योकोन सेम मेसेता खाईन देता ओताते बातकी लाईदुङ ङ्योकोन थेला धन्यवाद सिओ।
ङुरूङ आबा परमेश्वरगी ङुरूङला ङिङज्ये खाईन थे खोरोङ दयेकी जहिलेङ आँट तेरगीन देत्ला तिरी तेरग्यो सिन साबातेबा गाङे पक्काराङ ङेत्क्यो सिन आश खाला देत ज्युत्क्यो। दोक खित्कान्ते परमेश्वरताङ ङुरूङ प्रभु येशू ख्रीष्ट थे खोरोङगीराङ ख्योकोनला आँट बिन्ला ख्योकोनगी खिन ओताते लेमुते कामताङ बात गाङे खिनराङ देत ज्युत्स्यीत सिन ङ्योकोन प्रार्थना खिओ।
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
ख्योकोनचेन परमेश्वरला माने खिता ताङाते मि ईन। दि सा लुङबे मि च्योकराङ सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मि परमेश्वरताङ डिक्पा मुथुबो सिन च्यि ख्योकोनला छ्या मेत? सम्पत्ति छ्य्वापा सेम लै खित्कानताङ दाक्पोन विचारकामा खित्कान्ते मिनी परमेश्वरताङ डिक्पाराङ मुथुबो।
मिओनला पापदुकी डेलाला ख्रीष्ट पापकी सजाय भोगे खाईन थे खोरोङ ज्यान बिन्गीन स्या ओतान। दोक खाईन छ्याःङ गल्ती मेताते ख्रीष्ट परमेश्वरगी माकेत साबा साबा खित्कान्ते मिओन लाईदु स्या ओतान। थे थोक खाईन बाजिई मि गाङे लाईदु स्यिइन सिन्दा ओतेकी था लोक्ला नोमुङ दोक खिता माफाबो। थे थोक खाईन स्याप्की खित्सादु ख्योकोन परमेश्वर दोन्दु ड्वा थुपा ओत। मिओनगी थेला सेता ओतान। ईन्सीनोङ परमेश्वरगी थेला थे खोरोङ आत्मे छ्य्वापेकी सोम्बो लोक्पा ओत।
Sanasan