गलाती 1:2 - जिरेल

² गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मि ख्‍योकोन गाङेला ङा दि चिट्ठी टिगीन ओत। दुरू ङात्ताङ ओताते आज्‍यो न्‍वाओनतेङ ख्‍योकोनला नमस्‍ते ओत्‍लो।

गलाती 1:2 Iomraidhean Croise

शक्ति काम 15:41

दोक खाईन पावलचेन सिरियाताङ सिलिसिये नाङपा गाल्‍सुङ। थेमे थेङला सार सारला जम्‍मा ओङकान्‍ते येशू ख्रीष्‍ट मिओनला जस्‍तोराङ ओङसीनोङ ख्‍योकोनगी येशूला विश्‍वास खिन देता मातोङ सिन आँट तेरगीन ख्‍याम्‍सुङ।

शक्ति काम 18:23

टिक्‍पी दिन एन्‍टिओखियादु देत्‍नामेकी याङराङ थे गलातियाताङ फ्रिगिये अञ्‍चल नाङपा गाल्‍सुङ। थेमे थेङला ओताते येशू चेलाओनला ठेता खाईन थेकी गाङेला जस्‍तोराङ ओङसीनोङ येशूला विश्‍वास खिता मातोङ सिन आँट बिन्‍सुङ।

शक्ति काम 9:31

थे तिरी यहूदिया, गालील थेमे सामरिये अञ्‍चल नाङला ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लेमु ओङसुङ। था थेबाला सुङगीङ दुक्‍पा तेरगीन मेतान। प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेबेकी झन झन लेमु खाईन थेला विश्‍वास खिताला स्‍यूसुङ। परमेश्‍वर आत्‍मेकी थेबाला आँट बिन्‍सुङ। दोक खाईन थेबा झन झन फेल्‍गीन ड्वाप्‍ला स्‍यूसुङ।

१ कोरिन्‍थी 16:1

थेमे ज्‍येन बात यरूशलेमदु परमेश्‍वर मिओनला तेराला पैसा जम्‍मा खित्‍जीन ख्‍योकोनगीङ ङे गलातिये अञ्‍चलदु ठाउँ ठाउँला जम्‍मा ओङकान्‍ते येशू ख्रीष्‍ट मिओनला साबा च्‍योकराङ खाला जम्‍मा खि।

गलाती 3:1

गलातिये मिवे, ख्‍योकोन च्‍यिला लेम्‍बे काम खिता छोल्‍गीते? ख्‍योकोनला सुई च्‍यि कुल्‍गीन लै खाईन दोक गाल्‍सुङा? येशू ख्रीष्‍टला स्‍यिङगी थामला टाँए खाईन सेताते बात ङे ख्‍योकोनला लेमु खाईन खोबा खाईन बिन्‍दा ओतान मेन?

फिलिप्‍पी 2:22

तिमोथी थे खोरोङगी खिता फाप्‍च्‍येते काम चुक लेमु खाला खित्‍कान्‍ते मि ईन्‍दे सिन ङे ख्‍योकोनला सिरा माफाप्‍तासीन। फुज्‍युङतेकी आबातेताङ डिगीन काम खाबा च्‍योकराङ खाईन दिकी ङात्ताङ डिगीन ज्‍येनला गा लाङच्‍येते बात लापा ओत।

फिलिप्‍पी 4:21

येशू ख्रीष्‍टताङ जीउज्‍यीकराङ ओङाते परमेश्‍वर सन्‍तान ख्‍योकोन गाङेला ङेते नमस्‍ते ओत। दुरू ङात्ताङ ओताते न्‍वाओनते ख्‍योकोनला नमस्‍ते ओत्‍लो।