गलाती 1:16 - जिरेल

¹⁶ थे खोरोङ फुज्‍युङ सु ईन्‍दे सिन ठेत च्‍युत्‍कीन बिन्‍सुङ। थे फुज्‍युङ सु ईन्‍दे, चुक्‍ते ईन्‍दे सिरच्‍येते बात ज्‍येन ज्‍येन जातकी मिला लोप सिन परमेश्‍वरगी ङाला थोक खाबा ओतान। थोक ओङनामेई था च्‍यि खित्‍च्‍ये, चुक खित्‍च्‍ये सिन ङे सुङ मित्ताङ सल्‍लाह माला।

गलाती 1:16 Iomraidhean Croise

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मत्ती 26:41

ख्‍योकोन च्‍याङबो खाला देत। था दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि। ख्‍योकोन लेमु खिता छोल्‍गीदुक तर खेराङगी खिता चालाच्‍योक खिता मुथुप्‍तुक,” सिन सिदुक।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 5:42

थे तिरीङ थेबेकी गा लाङच्‍येते बात लोपा ताङराङ माताङसुङ। ङीमे ठाङमा परमेश्‍वर मन्‍दिरदु थेमे मि खाम्‍बा खाम्‍बाला गाल्‍ला येशू परमेश्‍वरगी तोङगो साबाते ख्रीष्‍टराङ ईन सिन दि बात मिओनला लोप्‍कीनराङ देत्‍सुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

रोमी 1:5

जात जातकी मि गाङेकी थे खोरोङला विश्‍वास खाला थे खोरोङगी साबाते ङेन्‍स्‍यीत थेमे थे खोरोङ चुक छ्ये ईन्‍दे सिन छ्या स्‍येस्‍यीत सिन थेबाला गा लाङच्‍येते बात लोपाला परमेश्‍वरगीराङ दया खाईन ङ्योकोनला खटे खाबाते ईन।

रोमी 11:13

था ङा ख्‍योकोन ज्‍येन ज्‍येन जातकी मिला दि बात सिओ। च्‍यि सासीन ङाचेन ज्‍येन ज्‍येन जातकी मिला गा लाङच्‍येते बात लोपाला येशू ख्रीष्‍टकी खटे खाबाते मि ईन। ङाराङला जिम्‍मा बिन्‍दाते काम खिताला ङा आउदी खुशीङ ओत।

१ कोरिन्‍थी 15:50

थोगी आज्‍यो न्‍वावे, बात दिराङ ईन। च्‍यि सासीन दि स्‍या ठाक ओताते जीउताङचेन ङुरूङ परमेश्‍वर राज्‍यने स्‍यूक्‍पाराङ मेङेदो। थोकराङ खाला दि स्‍यिला रूल्‍ला डोच्‍येते जीउओङ नोमुङ स्‍यिला रूल्‍ला मोन्‍डोच्‍येते ओङाराङ मुथुबो।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

२ कोरिन्‍थी 5:16

दोक ईन्‍देकी था ङ्योकोन ज्‍येन मिकी च्‍योक खाला दाक्‍पोनला सु मि चुक्‍ते ईन सिराच्‍योक लाङगीका थे थोक्‍तेराङ ईन सिराच्‍योक खाला बात मिक्‍किओ। गोमा गोमाबा ङेङ ख्रीष्‍टला थेनी दोक्‍तेताङ थोक्‍तेका ईन सिन साबा ओतान। थाचेन ङा नोमुङ थोक मिक्‍किओ।

गलाती 2:1

थेमे लो च्‍युप्‍स्‍यी तिरीकामा ङा लोक्‍ला यरूशलेमने गालाप। थेजीन ङात्ताङ बारनाबासोङ ओतान। थे बेलाला तीतसलाङ ङे ङ्योम्‍बु खेरा ओतान।

एफिसी 3:1

परमेश्‍वरगी ख्‍योकोनला होदोक लेमु खाबा ओतेकी ङा पावल ख्‍योकोन लाईदु परमेश्‍वरला प्रार्थना खिओ। येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ख्‍योकोन ज्‍येन ज्‍येन जातकी मिला लेमु ओङस्‍यीत सिन ङा दोक खाला दुक्‍पा भोगे खिओ।

एफिसी 6:12

च्‍यि सासीन ङुरूङ जीङा फाप्‍च्‍येते मित्ताङ मेन। ङुरूङनी दि सा नाम खाङ ओताते ल्‍हा लु, ल्‍हन्‍डीक स्‍यिन्‍डीप थेमे होदिबा च्‍योकराङ शैतानताङ डिक्‍ला दि कलि जुगला राज्‍य खित्‍कान गाङेताङ जीङच्‍येते ईन।

१ थिस्‍सलोनिकी 2:16

च्‍यिला सासीन परमेश्‍वरगी ज्‍येन ज्‍येन जातकी मिला पापदुकी डेल्‍स्‍यीत सिन ङ्योकोनगी थेबाला गा लाङच्‍येते बात लोप्‍जीन होथे यहूदीओनगी ङ्योकोनला थुपासम्‍म दुक्‍पा बिन्‍ला थे बात लोप मुज्‍युत्‍तुक। होदोक दोक्‍ते कामकामा खिन देत्‍कीन थानी थेबानी पापकीराङ नुप्‍कीन सिन्‍दा खाईन सिन्‍सुङ। था ईन्‍सीन परमेश्‍वरगी थेबाला स्‍येदाङगी चूर गाल्‍ला सजाय तेरच्‍येते बेला लेप्‍सुङ।

१ तिमोथी 2:7

परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।

२ तिमोथी 1:11

दि गा लाङच्‍येते बात ज्‍येनला लोप सिन परमेश्‍वरगी ङाला छाने खाबा ओतान। दोक खाईन ङा येशू ख्रीष्‍टकी खटे खाबाते मि ईन्‍देकी थेमे दि बात लोप्‍कान्‍ते मि ईन्‍देकी ङे दि काम खिता फाप्‍क्‍यो।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।