गलाती 1:14 - जिरेल

¹⁴ दाक्‍पोन ज्‍युज्‍यु पुर्खे पालोमेकी चले खिन वाबाते रीतिथिति माने खिताराङ फाप्‍क्‍यो सिन ङे थेबा माने खिताला कम्‍ती दुक्‍पानी माक्‍या। ङेराङ जातकी बाला दौंतरी नाङ ङा छेत थोक लेमु खाला यहूदी धर्म माने खित्‍कान्‍ते मि ज्‍येन सुङ मेतान।

गलाती 1:14 Iomraidhean Croise

मत्ती 15:6

दोक खाला ख्‍योकोनगी मिओनला दाक्‍पोन आबा आमाला बुढेसकालला मातासीनोङ ओङगो सिराच्‍योक खिदुक। खेराङगी जोबाते रीतिथिति माने खित्‍सादु ख्‍योकोनगी होदोक खाईन परमेश्‍वर नियम ङेन्‍दा ताङला दुक।

शक्ति काम 21:20

दि बातओन थोकीन थेरू जम्‍मा ओङातेबा गाङेकी गा खिन परमेश्‍वरते जय जय खासुङ। थेमे थेबेकी पावलला “भाइ पावल, दुरू येशूला विश्‍वास खिताला स्‍यूबाते यहूदी आउदी काल्‍बेई ओत सिन खोल्‍ला छ्याराङ ओत। थेबा गाङेकी मोशेकी टिबाते नियमओन थोरूमोङ आउदी खाला ङेन्‍गीदुक।

शक्ति काम 22:3

थेकी थेबाला “ङाङ यहूदीराङ ईन। ङा सिलिसिये अञ्‍चलते टार्सस सारदु केबाते ईन्‍सीनोङ दुरू यरूशलेमदुराङ हुर्के खाबाते ईन। गमलिएलचेन ङे गुरू ओतान। ङुरूङ ज्‍युज्‍यु पुर्खाला बिन्‍दाते परमेश्‍वर नियम चुक खाला ङेन्‍दा फाप्‍कीते सिन थेकी ङाला गाङे आउदी लेमु खाईन लाप्‍कीन बिन्‍दा ओतान। थेमे थे नियम बातओन ङे गाङे लेमु खाईन ङेन्‍दाप। परमेश्‍वरला माने खिते लाईदु थरिङ ख्‍योकोनगी ङाला दुक्‍पा बिन्‍दा च्‍योकराङ ङेङ ज्‍येनला दुक्‍पा बिन्‍दा ओतान।

शक्ति काम 26:5

ङा फरिसी पाटी मि ईन सिन थेबाला गोमामेईराङ छ्या ओत। दि बात मेन सिन थेबा सुङगीङ सिरा मुथुबो। थेमे यहूदी नाङ फरिसी पाटी मिओन झन आउदी लेमु खाला खोपरोङ धर्मे नियम ङेन्‍कान्‍ते ईन सिनोङ गेल्‍बो खोल्‍ला छ्याराङ ओत।

शक्ति काम 26:9

ईन्‍दानी नासरतपे येशू बात ङेन्‍ला सुङ थे छ्य्‌वापा लै मिक्‍किस्‍यीत सिन गोमा ङेङ खितासम्‍म थे विरोध खाबाप।

कलस्‍सी 2:8

ख्‍योकोन च्‍याङबो खाला देत। सुइँदेकी दोक दोक खासीन लेमु ओङगो सिरजीन थेबे बात माङेन। थेबेकी लोप्‍च्‍येते बातनी छ्याःङ काम लै मिक्‍किच्‍येते ईनराङ मेन्‍दे बात ईन। थोक्‍ते बातनी दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति बातकामा ईन। थोक्‍ते बात ख्रीष्‍ट सु ईन्‍दे, चुक्‍ते ईन्‍दे सिरच्‍येते बातताङ बान्‍दा मिडिगो।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।