गलाती 1:1 - जिरेल

¹ दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङाला खटे खाबाते मिकीङ मेन थेमे येशू ख्रीष्‍टकी खटे खाबाते मिकी खित्‍च्‍येते काम खिताला मिकी ताङातेङ मेन। येशू ख्रीष्‍ट थेमे थेला स्‍यिसादुकी सोम्‍बो लोक्‍कान्‍ते आबा परमेश्‍वरगीराङ ङाला खटे खाबाते ईन।

गलाती 1:1 Iomraidhean Croise

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

यूहन्‍ना 5:19

थेबेकी थोक खिता चाल्‍नामेकी येशूकी थेबाला “ख्‍योकोन दि बात ङेन। च्‍यि सासीन आबेकी चुक खिका सिन माथोङथुप थे फुज्‍युङगी थे खोरोङगीकामा छ्याःङ मिक्‍किओ। आबेकी जे खिदुक थे फुज्‍युङगीङ थेराङ खिओ।

शक्ति काम 22:10

थेरूकी ङे ‘था ङा च्‍यि खिसे प्रभु?’ सिन साबाप। थोक सिरजीन प्रभु येशूकी ङाला ‘लो था खो लाला दमस्‍कसपा ग्‍युक। खुई च्‍यि च्‍यि खिता फाप्‍कीते सिन खोल्‍ला था थेपाराङ लाप्‍ला तेर ज्‍युत्‍क्‍यो,’ सिन सिदुक।

शक्ति काम 3:15

दोस्‍यिककामा मेन, ख्‍योकोनगीनी मिओनला जुनी तेरकान्‍तेलाराङ सेत च्‍युताते ईन। परमेश्‍वरगीचेन थेला स्‍यिसादुकीङ सोम्‍बो लोक्‍पा ओत। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 9:6

लो था खो लाला सारनापा ग्‍युक। खुई च्‍यि च्‍यि खिता फाप्‍कीते सिन था ङा खोल्‍ला थेपाराङ लाप्‍ला तेर ज्‍युत्‍क्‍यो,” सिनोङ सिरा थोसुङ।

रोमी 1:1

दि चिट्ठी येशू ख्रीष्‍ट काम खित्‍कान्‍ते ङा पावल टिगीन ओत। ङा येशू ख्रीष्‍टकी खटे खाबाते मि ईन। मिओनला थे खोरोङ गा लाङच्‍येते बात लोपाला ङाला परमेश्‍वरगी छाने खाबाते ईन।

रोमी 10:9

थोगी था ख्‍योकोनगी ज्‍येनगी दोन्‍दु येशूराङ छ्ये ईन, थेराङ प्रभु ईन सिन सासीन थेमे परमेश्‍वरगी थेला स्‍यिसादुकीङ सोम्‍बो लोक्‍पाते बात पक्‍काराङ ईन सिन पत्ते खासीन पापकी सजाय भोगे खिता माफाबो।

रोमी 14:9

थोरूमसाक सोम्‍बोराङ ओतातेबा ईन्‍स्‍यीत, गोमाका स्‍यिइन सिन्‍दातेबा ईन्‍स्‍यीत मि गाङेला राज्‍य खित्‍कान्‍ते प्रभु येशू ख्रीष्‍टराङ ईन। दोक खाला गाङेला राज्‍य खित्‍कान्‍ते ओङालाराङ थे स्‍यिइन च्‍याकीन सोम्‍बो लोक्‍पाते ईन।

१ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा सोस्‍थेनेस ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत।

२ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङ्योकोन दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन थेमे अखैये लुङबा खाङ ओताते परमेश्‍वर सन्‍तान ख्‍योकोन गाङेला टिगीन ओत।

गलाती 1:15

ङा होथोक्‍ते मि ओतान। ईन्‍सीनोङ आमे सुबे नाङ ओत्‍जीनमेईराङ परमेश्‍वरगी ङाला छाने खाबा ओताक्‍वा। थेमे थेकी ङाला दया खाईन थे खोरोङ दोन्‍दु स्‍योक सिन काताङगीन

गलाती 1:17

ङाला भन्‍दा गोमाका येशू ख्रीष्‍टकी खटे खाबाते मिओनताङ ठेत्‍ला बात खिताप सिन यरूशलेमनेङ मागाल। दोक छ्याःङ मिक्‍किता खाईन च्‍यिकराङ देताप सिन बरू ङा अरब लुङबापा गालाप। थेमे तिरी थेपेकीङ याङराङ दमस्‍कस सारनापाराङ ग्‍युरगीन वाबाप।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

२ तिमोथी 1:1

दि चिट्ठी टिक्‍कान्‍ते ङा पावल ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत। ङे कामचेन परमेश्‍वरगी तेरग्‍यो साबाते नोमुङ मिसिन्‍च्‍येते जुनीचेन येशू ख्रीष्‍टकी खित्‍सादु ङेत्‍क्‍यो सिन ज्‍येनला लोप्‍च्‍येते ईन।

तीतस 1:3

थाङबोका साबाते बात परमेश्‍वरगी थे खोरोङगी तोके खाबे बेलाला लोप च्‍युत्‍कीन मिओनला छ्या स्‍ये च्‍युत्‍सुङ। ङुरूङला पापदुकी डेल्‍कान्‍ते परमेश्‍वरगीराङ दि बात च्‍यि ईन्‍दे सिन ज्‍येन मिओनला लोप सिन ङाला दि कामगी जिम्‍मा बिन्‍दा ओत।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 2:8

स्‍मर्ना सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, स्‍यिइन च्‍याकीन सोम्‍बो लोक्‍पा ओताते ङा सिन ओत।