एफिसी 6:9 - जिरेल

⁹ थेमे मालिकतेबा ख्‍योकोनगीङ दाक्‍पोन योक्‍पो योङमुला लेमु खि। थेबाला ज्‍यीबा तेन्‍ला तेन्‍ला काम माकोत। ख्‍योकोनतेङ स्‍वर्गने मालिक ओत। थेचेन थेबेतेङ ख्‍योकोनतेङ मालिक ईन। थेमे थेकी सुङलाङ काका पाका मिक्‍किता खाला न्‍याय खिओ सिन ख्‍योकोनगी टोक माज्‍येत।

एफिसी 6:9 Iomraidhean Croise

मत्ती 22:10

गेल्‍बोकी साबा च्‍योकराङ खाईन थेबेकीङ सारगी नाङपा गाङेपा गाल्‍गीन ठेतातेबरी लेमु मि ईन्‍स्‍यीत, मेलेबा मि ईन्‍स्‍यीत गाङेला रूकीन खुलाकीन भोज सासादु टाम्‍मा काङदुक्‍लो।

मत्ती 22:8

थेमे थेकी याङराङ ‘दि फाङमे भोज साप्‍ला ठीक ओङसीनोङ गोमा निम्‍तो खाबाते मिओन माङेन्‍देई था थेबेकी दि भोज नोमुङ सा मेङेदो।

मत्ती 24:48

तर मालिकते नाम ओङगो नाम ओङगो सिन थे खोरोङला खि साबाते काम खिता ताङगीन

मत्ती 24:51

थेकी थोक खिन देता ओता थेप्‍सीन मालिकतेकी थेला च्‍यि खाओङा? मालिकतेकी थेलानी तुप्‍ला सेत्‍ला नरककुण्‍डमा लुक्‍यो। थेमा होथे च्‍योकराङ दाक्‍पोनगी खिओ सालाङ थोक मिक्‍किकान्‍ते मिओन ओङगो। थेमाचेन गाङेराङ स्‍येदाङगी सा थागीन खोक्‍पो खाला ङुइन देत्‍क्‍यो।

मत्ती 7:12

थेमे ख्‍योकोन खेराङला ज्‍येनगी चुक खित्‍स्‍यीत सिन सेम खिते, थेबालाङ थोकराङ खि। मोशेकी टिबाते परमेश्‍वर नियमताङ परमेश्‍वर बात खित्‍कान्‍ते मिओनगी खि साबाते छ्येते बात दिराङ ईन।

लूका 6:31

जे ईन्‍स्‍यीत ख्‍योकोन खेराङला ज्‍येनगी चुक खित्‍स्‍यीत सिन सेम खिते थेबालाङ थोकराङ खि।

यूहन्‍ना 13:13

ख्‍योकोनगी ङाला खेराङ गुरू थेमे खेराङ मालिक ईन सिन खिदुक। ख्‍योकोनगी थोक साबाते ठीकराङ ईन। ङा ख्‍योकोनगी साबा च्‍योकराङ ईन।

शक्ति काम 10:34

थेकी दोक सानामेई थेरू जम्‍मा ओङाते मिओनला पत्रुसकी दोक सिन बात खिताला स्‍यूसुङ। चुक सासीन “परमेश्‍वर लाईदु मि गाङे दोक्‍पोईराङ ईन। थेकी सुङलाङ काका पाका मिक्‍किओ।

रोमी 2:11

च्‍यिला सासीन न्‍याय खित्‍जीन परमेश्‍वरगी कोईला काका कोईला पाका मिक्‍किओ।

१ कोरिन्‍थी 1:2

ङा दि चिट्ठी कोरिन्‍थ सारदु जम्‍मा ओङकान्‍ते परमेश्‍वर मिओन ख्‍योकोनला टिगीन ओत। येशू ख्रीष्‍टकी खित्‍सादु परमेश्‍वरगी ख्‍योकोन सेम खुदुक जोकीन थे खोरोङ सन्‍तान ईन सिन छाने खाबा ओत। दुरू टिबाते बातचेन ख्‍योकोन च्‍योकराङ प्रभु येशू ख्रीष्‍टला प्रभु सिन सिरकान्‍ते गाङेपे मिलाङ ईन। येशू ख्रीष्‍टचेन थेबेतेङ ङुरूङतेङ मालिक ईन।

१ कोरिन्‍थी 7:22

बात चुक ईन्‍दे सासीन सुइँदा मि योक्‍पो योङमु ईन्‍सीनोङ प्रभु परमेश्‍वरगी थेला थे खोरोङ दोन्‍दु स्‍योक सिन काताङनामेकी थोक्‍ते मि योक्‍पो योङमु मेन्‍देकी प्रभु येशू मि ईन। थोकराङ खाला सुइँदा मि योक्‍पो योङमु मेन्‍सीनोङ प्रभु परमेश्‍वरगी थे खोरोङ दोन्‍दु स्‍योक सिन काताङनामेकी थोक्‍ते मिओनचेन ख्रीष्‍टकी योक्‍पो योङमु ईन।

कलस्‍सी 3:25

थेमे दि बादोङ टोक माज्‍येत। च्‍यि सासीन परमेश्‍वरगी सुङलाङ काका पाका मिक्‍किता खाला न्‍याय खिओ। मेलेबा काम खित्‍कान्‍ते मि जोराङ ईन्‍सीनोङ थेकी थेबे काम ताला सजाय तेरग्‍यो।

कलस्‍सी 4:1

थोकराङ खाला मालिकतेबालाङ ङा च्‍यि सिते सासीन स्‍वर्गने ख्‍योकोनतेङ मालिक ओत थेमे खेराङगी खाबाते गाङे कामताङ बातकी हर हिसाब ङीमा लेनज्‍यीक थेला तेरा फाप्‍क्‍यो सिन ठेम्‍बा खि। थोगी खेराङ योक्‍पो योङमुला थेबाङ मिराङ ईन सिरच्‍येते बात टोक मेज्‍येता खाला थेबाला दुक्‍पा मातेर, थेबाला गोच्‍येते जेसुकै दाङच्‍या खाला बिन।

याकूब 2:13

च्‍यिला सासीन ज्‍येनला ङिङज्‍ये मिक्‍किकान्‍ते मिला तिरी न्‍याय खिते छोमु परमेश्‍वरगी दया मिक्‍किओ। ज्‍येनला ङिङज्‍ये खित्‍कान्‍तेलाचेन न्‍याय खित्‍जीन परमेश्‍वरगी दया खिओ।

याकूब 2:8

थेमे परमेश्‍वर बातला “ख्‍योकोनगी दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,” सिन साबा ओत। परमेश्‍वर राज्‍यदु ङेन्‍दा फाप्‍च्‍येते दि नियमला साबाच्‍योक खाईन कामोङ खासीन ख्‍योकोनगी लेमुराङ खाबाते ईन।

याकूब 5:4

च्‍यि सासीन ख्‍योकोनगी खेराङ स्‍यीङदु काम खित्‍कानताङ बाली थोक्‍कान रूक्‍कान खेतालाओनला बनी माबिन्‍देकी थेबा ङुबाते छ्येज्‍यीक शक्ति ओताते प्रभु परमेश्‍वरगी थोबा ओत।