एफिसी 6:8 - जिरेल

⁸ योक्‍पो योङमु ईन्‍स्‍यीत, मालिक ईन्‍स्‍यीत जोराङ ईन्‍सीनोङ लेमु काम खित्‍कानलाचेन तिरी प्रभु ख्रीष्‍टकी इनाम तेरग्‍यो सिन ख्‍योकोनला छ्याराङ ओत।

एफिसी 6:8 Iomraidhean Croise

मत्ती 16:27

था तिरी परमेश्‍वर ओत्‍सादुई वाबाते मि ङा दुरू ग्‍युरला वाला मि गाङेला दाक्‍पोन दाक्‍पोनगी खाबाते काम ताला कोईला सजाय तेरग्‍यो, कोईला इनाम तेरग्‍यो। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला ङे दूतओनताङ दुरू ग्‍युरला ओङगो।

मत्ती 20:7

थोक सिरजीन थेबेकी ‘खै ङ्योकोनगीनी थरिङ छ्याःङ कामराङ माङेत्‍सुङ,’ सिन सिरजीन थेकी ‘लो थोक सासीन ख्‍योकोनबरीङ ङे स्‍यीङला काम खिताला ग्‍युक,’ सिन स्‍यीङदु ताङदुक्‍लो।

मत्ती 5:12

थेबेकी थोक खित्‍जीन ख्‍योकोन आउदी खाला गा खि। च्‍यिला सासीन स्‍वर्गने ख्‍योकोनगी छ्येज्‍यीक इनाम ङेत्‍क्‍यो। थाङबोबा परमेश्‍वर बात खित्‍कान्‍ते मिओनलाङ थे बेले मिओनगी खेदापानीराङ खाबा ओतान।

मत्ती 6:1

थेमे ज्‍येन बात च्‍यि सासीन परमेश्‍वरगी खि साबा साबाच्‍योक खित्‍जीन ख्‍योकोनगी मिओनगी थोङला खेराङला धर्मतीते मि दुका सिरस्‍यीत सिरच्‍येते सेमगी माकेत। थोक खासीन स्‍वर्गने देत्‍कान्‍ते ख्‍योकोन आबा परमेश्‍वरगी ख्‍योकोनला छ्याःङ इनाम मेतेरो।

मत्ती 6:4

थोक खासीन सुङगीङ छ्या मेस्‍येच्‍या खाईन खाबाते काम थोङकान्‍ते ख्‍योकोन आबा परमेश्‍वरगी ख्‍योकोनगी चुक खासुङा थोङला ख्‍योकोनला इनाम तेरग्‍यो।

लूका 14:14

थोक खासीनराङ खुई आशी ङेत्‍क्‍यो। होथेबेकी खुई लै खाबाते भोज सेइओ। तर खोल्‍ला काताङला भोज तेरा मुथुबो। ईन्‍सीनोङ परमेश्‍वरगी थे खोरोङगी खि साबा साबा च्‍योकराङ खित्‍कान्‍ते मिओनला स्‍यिसादुई सोम्‍बो लोक्‍नामेई खुई थोक लेमु खाबे लाईदु खोल्‍ला मान तेरग्‍यो,” सिन सिदुक।

लूका 6:35

ख्‍योकोनगीचेन खेराङ शत्रुओनलाङ ङिङज्‍ये खि, थेबाला लेमु खि। सुइँदाला खइँदा किन्‍जीन किम्‍बाराङ लिन्‍दाप सिन मातेर। ङे खि साबा च्‍योकराङ खासीन गाङे भन्‍दा छ्येते परमेश्‍वरगी ख्‍योकोनला तिरी छ्येज्‍यीक मान तेरग्‍यो। थेमे ख्‍योकोनला थे फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी बैगुनीताङ मेलेबा काम खित्‍कान्‍ते मिओनलाङ ङिङज्‍ये खिओ।

१ कोरिन्‍थी 12:13

यहूदी ईन्‍सीनोङ, ग्रीक ईन्‍सीनोङ, योक्‍पो योङमु ईन्‍सीनोङ, ज्‍येन ईन्‍सीनोङ बप्‍तिस्‍मा लानामेई ङुरूङ गाङेराङ जीउज्‍यीकराङ ओङा ओत। थेमे ङुरूङ गाङेकी परमेश्‍वर आत्‍माज्‍यीकराङ ङेता ओत।

२ कोरिन्‍थी 5:10

च्‍यिला सासीन ख्रीष्‍टकी न्‍याय खिते छोमु छ्ये टेक्‍टे जोराङ ईन्‍सीनोङ ङुरूङ गाङेराङ थे दोन्‍दु ड्वा फाप्‍क्‍यो। थेमे थे छोमु थेकी ङुरूङगी दि जुनीला लेमु मेलेबा चुक खाला दुका थे ताला सु सुला च्‍यि खिता फाप्‍च्‍या दुका थोकराङ खिओ।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

कलस्‍सी 3:24

थेकी तिरी थे खोरोङ मिओनला इनाम सिन तेरग्‍यो साबाते जति ख्‍योकोनगीङ ङेत्‍क्‍यो सिन ख्‍योकोनला छ्याराङ ओत। ख्‍योकोनगी खिन ओताते काम खेराङ मालिक प्रभु ख्रीष्‍ट लाईदु ईन सिन टोक माज्‍येत।

कलस्‍सी 3:25

थेमे दि बादोङ टोक माज्‍येत। च्‍यि सासीन परमेश्‍वरगी सुङलाङ काका पाका मिक्‍किता खाला न्‍याय खिओ। मेलेबा काम खित्‍कान्‍ते मि जोराङ ईन्‍सीनोङ थेकी थेबे काम ताला सजाय तेरग्‍यो।

हिब्रू 10:35

दि बाततेबा सम्‍झे खाला सेम मेसेता खाला ख्‍योकोन थोरूमोङ होथोकराङ खिन देत। थोक खिनराङ देत्‍सीन परमेश्‍वरगी ख्‍योकोनला छ्येज्‍यीक इनाम तेरग्‍यो।

हिब्रू 11:26

मिश्रे लुङबे सम्‍पत्ति धनी ओङनामेई ङेत्‍च्‍येते मान भन्‍दा ख्रीष्‍टला विश्‍वास खानामेई ज्‍येनगी मिगी थोङसार्मु खित्‍च्‍येते बातराङ थेला लेमु लासुङ। च्‍यिला सासीन ज्‍येनतोक्‍ते मेन्‍देकी थेकी परमेश्‍वरगी तिरी थे खोरोङला तेरच्‍येते मानगी विचारकामा खाबा ओतान।