एफिसी 6:5 - जिरेल

⁵ थेमे योक्‍पो योङमुतेबा ख्‍योकोनला ङा दोक सिओ। च्‍यि सासीन खेराङला कोता च्‍योकराङ खाला लेमु खाला काम खिता फाप्‍क्‍यो सिन दाक्‍पोन मालिकला मान खिन थेबेकी लाःपा कोताते ङेन। ख्रीष्‍टकी खि साबाते सेमदुकीराङ ङेन्‍दाच्‍योक खाला थेबेकी च्‍यि खि सिका थे लेमु खाला खि।

एफिसी 6:5 Iomraidhean Croise

मत्ती 6:22

थेमे मि मिक मि लाईदु बत्ती च्‍योकराङ ईन। च्‍यि सासीन मिक लेमु ओत्‍सीन नाम्‍दाकला देत्‍ला ख्‍योकोनगी जे कामोङ लेमु खिता थुप्‍क्‍यो।

मत्ती 6:24

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो।

मत्ती 8:9

च्‍यिला सासीन ङा ङाराङोङ छ्ये छ्ये मिकी कोताते ङेन्‍कान्‍ते मि ईन। ईन्‍सीनोङ ङात्ताङोङ ज्‍येनला कोत्‍च्‍येते अधिकार ओत। थोगी ङे चावादु मिल्‍टेरीओनगी ङे कोताते ङेन्‍ग्‍यो। थेबा ङे ग्‍युक सिरजीन डुइओ थेमे स्‍योक सिरजीन ओङगो। थोकराङ खाला ङे ङाराङ योक्‍पोला दोक खि सासीन थेकीङ थोकराङ खिओ,” सिन सासुङ।

शक्ति काम 2:46

थेबा ङीमे ठाङमा परमेश्‍वर मन्‍दिरदु जम्‍मा ओङला ङ्योम्‍बुराङ परमेश्‍वरला प्रार्थना खिन ओतान। थेबेकी दोक्‍पोईकी ज्‍येनज्‍यीकला ईख इबी खुरगीन मेतान। बरू खाम्‍बा खाम्‍बाला रूला प्रभु भोज साच्‍येते थेमे गा खिन ङ्योम्‍बुराङ साप साच्‍येते खिन ओतान।

१ कोरिन्‍थी 2:3

थेजीन ङा चुक खाला थे बातओन लेमु खाला लोपा थुप्‍कीका सिन थेतेकामा सुर्ता खिन ज्‍यीबा खिन देताप।

१ कोरिन्‍थी 7:22

बात चुक ईन्‍दे सासीन सुइँदा मि योक्‍पो योङमु ईन्‍सीनोङ प्रभु परमेश्‍वरगी थेला थे खोरोङ दोन्‍दु स्‍योक सिन काताङनामेकी थोक्‍ते मि योक्‍पो योङमु मेन्‍देकी प्रभु येशू मि ईन। थोकराङ खाला सुइँदा मि योक्‍पो योङमु मेन्‍सीनोङ प्रभु परमेश्‍वरगी थे खोरोङ दोन्‍दु स्‍योक सिन काताङनामेकी थोक्‍ते मिओनचेन ख्रीष्‍टकी योक्‍पो योङमु ईन।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 7:15

था दिकी च्‍यि खिताना, चुक सिताना सिन ज्‍यीबा खिन ख्‍योकोनगी थेला डोम्‍बोला च्‍योक खाईन लेमु खाबाते थेमे थेकी साबाते ख्‍योकोन गाङेकी ङेन्‍दाते बाततेबा सम्‍झे खित्‍जीन थेला ख्‍योकोनते झन झन ङिङज्‍ये लाङगीदुक्‍लो।

एफिसी 5:22

थेमे फेम्‍मे मिवे, प्रभु ख्रीष्‍टला मान खिन थेकी साबाते ङेन्‍दा च्‍योकराङ खाला ख्‍योकोनगी दाक्‍पोन ख्‍योबोलाङ मान खिन थेबे अधीनला देत।

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

फिलिप्‍पी 2:12

ङिङज्‍येते आज्‍यो न्‍वावे, थातासाक ख्‍योकोनगी ङे लाःपा कोता च्‍योकराङ खिन वाबा ओत। ङा ङ्योम्‍बु ओत्‍जीन खाबा च्‍योकराङ खाला ङ्योम्‍बु मेदेत्‍जीनोङ ङे लाःपा कोताते झन लेमु खाला ङेन्‍गीन देत। चुक सासीन खेराङ पापदुकी टालाते मि ईन सिराला ख्‍योकोनगी काम बात जे खासीनोङ परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खाला लेमुते कामताङ बातकामा खिन देत।

फिलेमोन 1:16

थाचेन दि खुई लाईदु योक्‍पोकामा मेन, खोरोङ ङिङज्‍येते न्‍वा छेतराङ ईन। ङा दिला आउदी ङिङज्‍ये खिओ। था दि प्रभु येशूला विश्‍वास खित्‍कान्‍ते मिकामा मेन्‍गीन खोरोङ योक्‍पोङ ईन्‍देकी ङाला भन्‍दाङ दिते खोल्‍ला झन ङिङज्‍ये मालाङोतरो?

१ पत्रुस 3:2

ख्‍योकोन लेमु बानी बिवारा ओताते थेमे थेबाला मान खाबाते थोङनामेई थेबेकीङ प्रभु येशूला विश्‍वास खिओ।