एफिसी 6:23 - जिरेल

²³ थेमे आबा परमेश्‍वरताङ प्रभु येशू ख्रीष्‍टकी आज्‍यो न्‍वाबा ख्‍योकोनला डिक ज्‍युत्‍कीनराङ देत्‍स्‍यीत, दोक्‍पोईकी ज्‍येनज्‍यीकला ङिङज्‍ये खिन देत ज्‍युत्‍स्‍यीत थेमे विश्‍वास खिनराङ देत ज्‍युत्‍स्‍यीत।

एफिसी 6:23 Iomraidhean Croise

यूहन्‍ना 14:27

ङा ख्‍योकोन सेमला ढुक्‍क लोङगो। ङे खित्‍सादु ख्‍योकोन सेम ढुक्‍क खाला देता ङेत्‍क्‍यो। दि सा लुङबे मि सुङगीङ ख्‍योकोनला सेमला ढुक्‍क लोङा मुथुबो। ख्‍योकोन पीर माकेत, ज्‍यीबाङ माकेत।

रोमी 1:7

दोक खाईन परमेश्‍वरगी ङिङज्‍ये खाईन थे खोरोङ सन्‍तान ईन सिन छाने खाबाते रोम सारदु ओताते ख्‍योकोन गाङेला ङुरूङ आबा परमेश्‍वरताङ प्रभु येशू ख्रीष्‍टकी दया खाला लेमु खिनराङ देत्‍स्‍यीत।

रोमी 15:33

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोन गाङेताङ ङ्योम्‍बुराङ देत्‍स्‍यीत। आमेन।

१ कोरिन्‍थी 1:3

ङुरूङ आबा परमेश्‍वरताङ प्रभु येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत।

२ कोरिन्‍थी 13:11

लो आज्‍यो न्‍वावे, था ज्‍येन बातका च्‍यि सिरच्‍ये, ख्‍योकोनगी परमेश्‍वरगी खेराङला ज्‍वा चाला च्‍योकराङ लेमु मि ओङस्‍यीत सिन थोक्‍ते मि ओङच्‍ये छ्य्‌वापा स्‍येत खि। ङे लाःपा कोताते ङेन्‍ला था चुक खिता फाप्‍कीका थोककामा खि, ख्‍योकोन गाङेराङ सेमज्‍यीकराङ खाला डिक्‍ला थुन्‍ला देत। थोक खासीन गाङेला ङिङज्‍ये खित्‍कान्‍ते थेमे डिक्‍ला थुन्‍ला देत ज्‍युत्‍कान्‍ते परमेश्‍वर ख्‍योकोनताङ ङ्योम्‍बुराङ देत्‍क्‍यो।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

गलाती 6:16

होदि बातकामा ङेन्‍कान मि गाङेला थेकी ढुक्‍क खाला देत ज्‍युत्‍स्‍यीत, ङिङज्‍ये खिनराङ देत्‍स्‍यीत। होदि बातकामा ङेन्‍कान्‍ते मिओनराङ परमेश्‍वरगी थे खोरोङ मि ईन सिन छाने खाबाते पक्‍काते इस्राएली ईन।

एफिसी 6:24

ङुरूङ प्रभु येशू ख्रीष्‍टला ङिङज्‍ये खिन देत्‍कान गाङेला परमेश्‍वरगी दया खिनराङ देत्‍स्‍यीत।

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

२ थिस्‍सलोनिकी 3:16

थेमे सेमला ढुक्‍क लोङकान्‍ते प्रभु येशूकी दुक्‍पा किम्‍मु जस्‍तो ओङसीनोङ ख्‍योकोनला जहिलेङ सेमदु ढुक्‍क लोङस्‍यीत थेमे ख्‍योकोन गाङेताङ ङ्योम्‍बुराङ देत्‍स्‍यीत सिन ङ्योकोन प्रार्थना खिओ।

१ तिमोथी 1:14

थोक खाईन थेकी ङाला आउदी दया खाईन खितासम्‍म लेमु खासुङ। थेत्ताङ जीउज्‍यीकराङ ओङगीन ङे थेला विश्‍वास खिता थुप्‍सुङ थेमे ज्‍येनला ङिङज्‍ये खिता थुप्‍सुङ।

१ तिमोथी 1:3

ङे थोङला खोत्ताङ ठाल्‍ला म्‍यासिडोनिये अञ्‍चलपा डोजीन साकीन ज्‍याक्‍पाते बात ङा याङराङ सिन ओत। च्‍यि सासीन खुई एफिससदु देत्‍ला थेरू ङेन्‍दा फाप्‍च्‍येते बातताङ डिकराङ मिडिक्‍च्‍येते बात लोप्‍कान्‍ते मिओनला थोक्‍ते बात मालोप सिन कोत।

१ तिमोथी 5:8

दाक्‍पोन मिला थे लाक्‍तुङ दाक्‍पोन खाम्‍बे मिला माताकान्‍ते मिकीचेन येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा ताङाते ईन। थोक्‍ते मिचेन येशू ख्रीष्‍टला विश्‍वास खाबा मेताते मि भन्‍दाङ मेलेबा ईन।

१ पत्रुस 5:14

फार छुर ठेत्‍जीन ख्‍योकोनगी दोक्‍पोईकी ज्‍येनज्‍यीकला मान खिन नमस्‍ते खि। ख्रीष्‍टताङ जीउज्‍यीकराङ ओङाते ख्‍योकोन गाङेला थेकी लेमु खिनराङ देत्‍स्‍यीत।

३ यूहन्‍ना 1:14

बरू खोत्ताङ होत्ता ठेत्‍च्‍ये आश खाबा ओत। ठेत्‍नामेई ङ्योम्‍बुराङ देत्‍ला बात खिताप।

छ्या स्‍ये च्‍युताते बात 1:4

एशिये अञ्‍चलदु फाप्‍च्‍येते सार दुईनकारदु जम्‍मा ओङकान्‍ते येशू ख्रीष्‍ट मिओन ख्‍योकोन गाङेला ङा यूहन्‍ना दि बातओन टिगीन ओत। परमेश्‍वर थेमे थे खोरोङ सिंहासन दोन्‍दु ओताते परमेश्‍वर आत्‍मा दुईनबोताङ येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत। परमेश्‍वर थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन। परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते येशू ख्रीष्‍ट ईन। स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍तेचेन थेराङ ईन। थेचेन दि लुङबा मुलुक गेल्‍बोओनतेङ गेल्‍बो ईन। येशूचेन ङुरूङला आउदी ङिङज्‍ये खित्‍कान्‍ते ईन। ङुरूङ लाईदु स्‍यिजीन थे खोरोङ जीउदुकी थेन्‍दाते ठागी खित्‍सादु थेकी ङुरूङला पापदुकी टाल्‍सुङ,