एफिसी 6:22 - जिरेल

²² ङ्योकोनला देपा चुक दुका सिन ख्‍योकोनगी लेमु खाला छ्या स्‍येला पीर मिक्‍किस्‍यीत थेमे दिकी खुलाबाते लोन थोला ख्‍योकोनगी आँट ङेत्‍स्‍यीत सिनराङ ङा दिला ख्‍योकोन ओत्‍सापा तोङगीन ओत।

एफिसी 6:22 Iomraidhean Croise

फिलिप्‍पी 2:19

थेमे प्रभु येशूताङ प्रार्थना खित्‍जीन था ङे होत्ताराङ तिमोथीला ख्‍योकोन ओत्‍सापा तोङा थुप्‍कीतासीन सिराच्‍योक लाबा ओत। थेकी ख्‍योकोनला ठेत्‍कीन ख्‍योकोन चुक दुका सिन लोन खुलानामेई ङा पीर मिक्‍किता खाला देता ङेत्‍क्‍यो।

फिलिप्‍पी 2:25

थेमे ङाला ङाराङ न्‍वा इपाफ्रोडिटसला ख्‍योकोन ओत्‍सापा ग्‍युरला तोङा लेमु ईन सिराच्‍योक लाबेकी ङे दिला थेपा ताङा ओत। दि ङात्ताङ डिक्‍ला गा लाङच्‍येते बात लोप्‍कान्‍ते थेमे ङाराङ च्‍योकराङ दुक्‍पा खाला ज्‍येनला दि बात लोप्‍च्‍येते काम खित्‍कान्‍ते मि ईन। ङाला मद्धत खित्‍स्‍यीत सिन ख्‍योकोनगी दिला ङा ओत्‍सापा ताङा ओतान।

कलस्‍सी 2:2

ख्‍योकोन थेमे होथेबा ज्‍येन गाङेकी आँट ङेत्‍ला दोक्‍पोईकी ज्‍येनज्‍यीकला ङिङज्‍ये खिन गाङेराङ सेमज्‍यीकराङ खाला डिक्‍ला देत्‍स्‍यीत थेमे परमेश्‍वरगी गोमा सुङलाङ छ्या स्‍ये च्‍युता मेताते बात च्‍यि ईन्‍दाका सिन ख्‍योकोन गाङेकी लेमु खाला छ्या स्‍येला पूरो खाला खोबा थुप्‍स्‍यीत सिनराङ ङा दोक दुक्‍पा खाला खाला काम खिन ओत। होथे बात लेमु खाला छ्या स्‍येच्‍या साबातेचेन ख्रीष्‍टला छ्या स्‍येच्‍येतेराङ ईन।

१ थिस्‍सलोनिकी 3:2

ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

२ तिमोथी 4:12

ङे टाइकिकसला एफिससपा ताङा ओत।