एफिसी 6:21 - जिरेल

²¹ ज्‍येन बात च्‍यि सासीन ङा चुक दुका, च्‍यि खिन दुका सिन था न्‍वा टाइकिकसकी ख्‍योकोनला गाङे लाःप्‍क्‍यो। दिला ङा ङिङज्‍ये खिओ। दिङ प्रभु ख्रीष्‍ट काम खित्‍कान्‍ते मिराङ ईन। दि थे काम आउदी लेमु खाला खित्‍कान्‍ते मि ईन।

एफिसी 6:21 Iomraidhean Croise

शक्ति काम 20:4

थेजीन थेत्ताङ ज्‍येन ज्‍येन मिङ ङ्योम्‍बुराङ ओतान। थेबाचेन बेरियापे पाईरस सिराते मि फुज्‍युङ सोपाटर, थिस्‍सलोनिकापे अरिस्‍तार्खसताङ सिकन्‍डस, डर्बीपे गायस थोकराङ खाईन तिमोथी थेमे एशिये अञ्‍चल टाइकिकसताङ त्रोफिमस सिरातेबा ओतान।

१ कोरिन्‍थी 4:17

ङे खाबा च्‍योकराङ खित्‍च्‍येते ख्‍योकोनला लाप्‍ला तेरस्‍यीत सिनराङ तिमोथीला ङा ख्‍योकोन ओत्‍सापा तोङगीन ओत। दि प्रभु येशूकी खि साबा च्‍योकराङ खाला काम खित्‍कान्‍ते मि ईन। दिला ङा ङिङज्‍ये खिओ। दि ङेते ङाराङ फुज्‍युङ च्‍योकराङ ईन। ङा येशू ख्रीष्‍टताङ जीउज्‍यीकराङ ओङाते मि ईन्‍देकी ङे चुक खिका, च्‍यि खिका सिरच्‍येते गाङे बात था दिकी ख्‍योकोनला लोप्‍क्‍यो। ङे तिमोथीला ख्‍योकोनला लोप ताङाते बातराङ ङा गाङेपा ठाउँ ठाउँला जम्‍मा ओङकान्‍ते येशू ख्रीष्‍ट मि गाङेला लोप्‍कीन ओत।

फिलिप्‍पी 1:12

थेमे आज्‍यो न्‍वावे, ङाला जेलदु ज्‍याक्‍पातेनी लेमुका ओङसुङ। ङाला जेलदु ज्‍याक्‍नामेई झन काल्‍बेई मिकी गा लाङच्‍येते बात थोबा ओत।

कलस्‍सी 1:7

गा लाङच्‍येते बात ख्‍योकोनला इपाफ्रासकी लापाते ईन सिन ङ्योकोनगी सिरा माफाप्‍तासीन। इपाफ्रासला ङ्योकोन ङिङज्‍ये खिओ। दिङ ङ्योकोन च्‍योकराङ ख्रीष्‍टकी काम खित्‍कान्‍ते मि ईन। ङ्योकोन साटोला दिकी खिता फापा च्‍योकराङ खाला ख्‍योकोन नाङ ख्रीष्‍टकी काम खिन दुक।

१ तिमोथी 4:6

दि बातओन खुई ज्‍येन आज्‍यो न्‍वालाङ लेमु खाला लाप्‍ला बिन। थोक खासीन खो येशू ख्रीष्‍टकी खि साबाते काम लेमु खाला खित्‍कान्‍ते मि ओङगो। येशू ख्रीष्‍टला विश्‍वास खित्‍जीन ङेन्‍दाते बात खुई झन लेमु खाला खोकीन डुइओ। थेमे थरिङसाक ङेन्‍गीन वाबाते सत्‍यते बाततेबा झन लेमु खाला ङेन्‍गीन देता थुप्‍क्‍यो।

२ तिमोथी 4:12

ङे टाइकिकसला एफिससपा ताङा ओत।

तीतस 3:12

थेमे ज्‍येन बात च्‍यि सासीन था ङा दुरूकी अर्तिमासताङ टाइकिकस नाङ दोक्‍पोईला थेपा तोङगो। थेबे नाङ दोक्‍पोई जो वासीनोङ थेपा ख्‍योल्‍नामेई जस्‍तो खालाङ खोचेन निकोपोलिस सारनापा स्‍योक। च्‍यिला सासीन था गुनगी बेलाला ङे थेपा देत्‍च्‍येते टुङ्गो खाबा ओत।

फिलेमोन 1:16

थाचेन दि खुई लाईदु योक्‍पोकामा मेन, खोरोङ ङिङज्‍येते न्‍वा छेतराङ ईन। ङा दिला आउदी ङिङज्‍ये खिओ। था दि प्रभु येशूला विश्‍वास खित्‍कान्‍ते मिकामा मेन्‍गीन खोरोङ योक्‍पोङ ईन्‍देकी ङाला भन्‍दाङ दिते खोल्‍ला झन ङिङज्‍ये मालाङोतरो?

१ पत्रुस 5:12

दि चिट्ठी ङे सिल्‍वानसला टिक च्‍युताते ईन। सिल्‍वानसचेन खिओ साबा च्‍योकराङ खित्‍कान्‍ते मि ईन। दि ङेते ङाराङ न्‍वा च्‍योकराङ ईन। जति दुक्‍पा ओङजीनोङ ख्‍योकोन सेम मेसेता खाला देत्‍स्‍यीत सिन आँट तेराला थेमे परमेश्‍वरगी पक्‍काराङ दया खिओ सिन ख्‍योकोनगी लेमु खाला छ्या स्‍येस्‍यीत सिन ङे थुम्‍मी खाईन दि चिट्ठी टिबाते ईन। परमेश्‍वरगी खेराङला दया खिनराङ देत्‍स्‍यीत सिन थेला माने खिन देता मातोङ।

२ पत्रुस 3:15

मिओन पापकी सजायदुकी थारस्‍यीत सिनकामा प्रभु परमेश्‍वर थोरूमसाक सजाय मेतेरा खाईन गुकीन देताते ईन। परमेश्‍वरगी छ्या स्‍ये च्‍युत्‍कीन बिन्‍दा ओतेकी ङुरूङ ङिङज्‍येते आज्‍यो पावलगीङ परमेश्‍वर च्‍यिला गुकीन देताते ईन्‍दे सिन बात खित्‍जीन ख्‍योकोनला दि बातराङ टिबा ओत।