एफिसी 6:20 - जिरेल

²⁰ ङा दि गा लाङच्‍येते बात लोपाला येशू ख्रीष्‍टकी ताङाते मि ईन्‍सीनोङ दुरू जेलदु देता फापा ओत। जे ईन्‍सीनोङ ङे दि बात छ्याःङ ज्‍यीबा मिक्‍किता खाला जस्‍तो खाला लोपा फाप्‍च्‍येते ईन थोकराङ खाला लोप्‍कीन देता थुप्‍स्‍यीत सिन प्रार्थना खिनराङ देत।

एफिसी 6:20 Iomraidhean Croise

शक्ति काम 21:33

थेमे थे छ्येते मिकी “दि मिला जुम्‍ला लाक्‍पा ङिकारला नेल कोन,” सिन पावलला जिन च्‍युत्‍कीन थेरू मिओनला “दि मि सु ईन्‍दे? दिकी च्‍यि खासुङा?” सिन ठिसुङ।

शक्ति काम 26:29

थेमे पावलगी “बात जस्‍तो ईन्‍सीनोङ होत्ता ईन्‍स्‍यीत तिरीकामा ईन्‍स्‍यीत थरिङ दुरू दि बातओन थोकान्‍तेबा सरकार खो थेमे ज्‍येन दुरू ओतातेबरी गाङेराङ ङा च्‍योकराङ येशूला विश्‍वास खित्‍कान ओङस्‍यीत सिन ङा परमेश्‍वरला प्रार्थना खिओ। तर ङे च्‍योक खाला ख्‍योकोनगीचेन नेल खोन्‍दा माफाप्‍स्‍यीत,” सिन सिदुक।

शक्ति काम 28:20

दि बातओन खिताप सिनराङ ङे ख्‍योकोनला काताङाते ईन। था तिरी परमेश्‍वरगी स्‍याप्‍ते मिओनला सोम्‍बो लोइओ सिन साबाते ङुरूङ इस्राएली गाङेकी आश खाईन गुकीन देताते बात पक्‍काराङ ईन सिन लोप्‍कीन ख्‍याम्‍बेकीराङ ङे दि नेल खोन्‍दा फापाते ईन,” सिन बात खासुङ।

शक्ति काम 28:31

थेमे थेकी ज्‍यीबाराङ मिक्‍किता खाला परमेश्‍वर राज्‍य बात च्‍यि ईन्‍दे सिन प्रभु येशू ख्रीष्‍ट बात लोप्‍कीन ओतान। थोक माकेत सिन सुङगीङ थेला छ्याःङ सिन मेतान।

शक्ति काम 5:29

थेकी थोक सिरजीन पत्रुसबा गाङेकी “ङ्योकोनगीनी परमेश्‍वरगी खि साबाते ताङला मि बात ङेन्‍दा मेङगो।

२ कोरिन्‍थी 3:12

बात दोक दोक ईन्‍देकी ङ्योकोन ङेराङगी लोप्‍च्‍येते बात छ्याःङ ज्‍यीबा मिक्‍किता खाला खिओ।

२ कोरिन्‍थी 5:20

थोगी ङेराङला जिम्‍मा बिन्‍दाते काम खिताला ङ्योकोन ख्रीष्‍टकी ताङाते मि ईन। मिओनला परमेश्‍वरताङ डिक्‍च्‍येते सेम खि सिन बात खित्‍कान्‍ते ङ्योकोन ईन्‍सीनोङ परमेश्‍वर थे खोरोङगीराङ ङ्योकोन छ्य्‌वापेकी मि गाङेताङ दि बात खित्‍च्‍येते ईन। ख्रीष्‍टकी छ्य्‌वापेई ङ्योकोन ख्‍योकोनला परमेश्‍वरताङ डिक्‍च्‍येते सेम खि सिन सिओ।

एफिसी 3:1

परमेश्‍वरगी ख्‍योकोनला होदोक लेमु खाबा ओतेकी ङा पावल ख्‍योकोन लाईदु परमेश्‍वरला प्रार्थना खिओ। येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ख्‍योकोन ज्‍येन ज्‍येन जातकी मिला लेमु ओङस्‍यीत सिन ङा दोक खाला दुक्‍पा भोगे खिओ।

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

एफिसी 6:19

थेमे परमेश्‍वरगी गोमा सुङलाङ छ्या स्‍ये च्‍युता मेताते गा लाङच्‍येते बात ङे ज्‍येनला लोप्‍जीन छ्याःङ ज्‍यीबा मिक्‍किता खाला थेमे थेबेकी खोबा थुप्‍च्‍या खाला लोपा थुप्‍स्‍यीत सिन ङे लाईदुङ प्रार्थना खि।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

कलस्‍सी 4:3

थेमे थे खोरोङगी गोमा सुङलाङ छ्या स्‍ये च्‍युता मेताते ख्रीष्‍टकी बात मिओनला लोपाला परमेश्‍वरगी ङ्योकोनला मौका तेरस्‍यीत सिन ङ्योकोन लाईदुङ प्रार्थना खि। होथे बात मिओनला लापेकी खित्‍सादु थरिङोला ङाला जेलदु लुक्‍पा ओत।

कलस्‍सी 4:4

ङे ङाराङगी खिता फापा च्‍योकराङ खाला होथे बात मिओनगी लेमु खाला खोच्‍या खाला लोपा थुप्‍स्‍यीत सिनोङ प्रार्थना खि।

१ थिस्‍सलोनिकी 2:2

च्‍यि सासीन ख्‍योकोन ओत्‍सापा ओङा भन्‍दा गोमा फिलिप्‍पी सारदु परमेश्‍वरते गा लाङच्‍येते बात लोप्‍जीन थेरू मिओनगी ङ्योकोनला दुकीन इज्‍जत बेइज्‍जत खाबाते बात ख्‍योकोनगी छ्या मास्‍येबाते मेन। थेरू थोक खाईन दुक्‍पा बिन्‍सीनोङ परमेश्‍वरगी ङ्योकोनला आँट बिन्‍देकी ङ्योकोनगी ख्‍योकोन ओत्‍सादु वाकीन थेरूङ थे बातराङ लापाप। थेरूङ मिओनगी आउदी दुक्‍पा बिन्‍सीनोङ ङ्योकोनगी छ्याःङ ज्‍यीबा मिक्‍किता खाईन ख्‍योकोनला थे बात लापा ओतान।

२ तिमोथी 1:16

ओनेसिफरस खाम्‍बे मि गाङेला प्रभु येशूकी लेमु खित्‍स्‍यीत। च्‍यिला सासीन पालोताङ पालो थेकी ङाला आँट बिन्‍दा ओतान। थेमे ङा जेलदु ओता ईन्‍सीनोङ छ्याःङ ङोचा खाबा मेतान।

२ तिमोथी 2:9

दि बात लापेकीराङ ङा दुक्‍पा भोगे खिन ओत। ङाला डाँकाला च्‍योक खाईन नेल कोन्‍गीन जेलदु समेत लुक्‍पा ओत। तर ङाला नेल कोन्‍ला जेलदु किल्‍ला ज्‍य्‌वाबाच्‍योक खाला परमेश्‍वर बात फैले मिक्‍किस्‍यीत सिनचेन जति खासीनोङ सुङगीङ छ्याःङ खिता मुथुबो।

फिलेमोन 1:10

ङेचेन खोल्‍ला मिज्‍यीक लाईदु बात खिता चालाते ईन। थे मिचेन ओनेसिमस ईन। ङा दुरू जेलदु ओत्‍जीनराङ ङे खित्‍सादु दिकी येशू ख्रीष्‍टला विश्‍वास खिताला स्‍यूबेकी दि ङेते ङाराङ फुज्‍युङ च्‍योकराङ ओङा ओत।

फिलेमोन 1:9

बरू परमेश्‍वर सन्‍तान गाङेला खुई ङिङज्‍ये खिओ सिन ङाला छ्या ओतेकी खुई चुक खासीन लेमु ईन्‍दे सिन ङा खोल्‍ला बातज्‍यीक खितामीन। खोल्‍ला दि बात खित्‍कान्‍ते ङा पावल था चुक गान्‍दा गाल्‍गीन सिन्‍दा ओते सिन थेमे येशू ख्रीष्‍टकी खि साबाते काम खितेकी थरिङोला जेलदु देता फापाते ईन सिन खोल्‍ला छ्याराङ ओत।

१ यूहन्‍ना 3:16

ज्‍येनला ङिङज्‍ये खित्‍च्‍येते च्‍यि ईन्‍दे सिन ङुरूङगी येशू ख्रीष्‍टकी खाबाते काम ताला छ्या स्‍येक्‍यो। थेकी ङुरूङ लाईदु थे खोरोङ ज्‍यानराङ बिन्‍दा ओतान। ङुरूङगीङ दाक्‍पोन आज्‍यो न्‍वाकी लाईदु दाक्‍पोन ज्‍यान तेरा फाप्‍क्‍यो।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।