यहूदीओनगी थोक खित्जीन पावलताङ बारनाबासकी ज्यीबाराङ मिक्किता खाईन थेबाला “ङ्योकोनगी लोप्कीन ओताते परमेश्वर बात लोपाला ङ्योकोन गोमा ख्योकोन ओत्सादु वाबाते ईन। तर ख्योकोनगी दि बात ईनराङ मेन्दे बात ईन सिन ङेनराङ माङेन्सुङ। दोक खाईन ख्योकोनगी नोमुङ मिसिन्च्येते जुनी मोगोओ सिरा च्योकराङ खासुङ। थोक ईन्देकी था दि बात ङ्योकोन ज्येन ज्येन जातकी मिला लोप डुइओ।
एफिसी 6:19 - जिरेल19 थेमे परमेश्वरगी गोमा सुङलाङ छ्या स्ये च्युता मेताते गा लाङच्येते बात ङे ज्येनला लोप्जीन छ्याःङ ज्यीबा मिक्किता खाला थेमे थेबेकी खोबा थुप्च्या खाला लोपा थुप्स्यीत सिन ङे लाईदुङ प्रार्थना खि। Faic an caibideil |
एफिसी 6:19
34 Iomraidhean Croise
गाल्गीन ज्यीबाराङ मिक्किता खाईन थेरू जम्मा ओङाते मिओनला येशू बात लोपाला स्यूसुङ। प्रिस्किलाताङ अक्वीलाङ थेरू ओतान। थेकी थेरू लापाते बात थोनामेई दि मिकी येशू बात गाङे लेमु खाईन छ्या स्येबा मेताक्वा सिन छ्या स्येकीन थेबा ङिबोकी थेला खोपरोङ खाम्बापा खेरगीन थेकी छ्या मास्येबाते बातओन लेमु खाईन लाप्कीन बिन्सुङ।
थेमे पावल थेरूङ यहूदीओनते मिटिङ खित्च्येते खाम्बादु गाल्गीन मिओनला लोपाला स्यूसुङ। थेबाताङ छ्याःङ ज्यीबा मिक्किता खाईन छलफल खिन परमेश्वरगी थे खोरोङ राज्य येशू छ्य्वापेकी जोच्येते ईन सिरच्येते बात थेबेकी मेन सिराराङ मुथुप्च्या खाईन लेमु खाईन लाप्कीन बिन्सुङ। दावा सुमसाक थे दोक खाला थेरू लोप्कीनराङ देत्सुङ।
ईन्सीनोङ बारनाबासचेन शंका मिक्किता खाईन थेत्ताङ ख्याम्बाला स्यूसुङ। थेमे थेकी थेला येशू ख्रीष्टकी खटे खाबाते मिओन ओत्सादु खेरगीन शावलला ओङाते बात गाङे थेबाला लाःप्सुङ। थेकी थेबाला शावलगी दमस्कसपा डोजीन लामला प्रभु येशूला ठेताते, येशूकी थेत्ताङ बात खाबाते थेमे थोक ओङनामेई थेकी छ्याःङ ज्यीबा मिक्किता खाईन दमस्कस मिओनला येशू सु ईन्दे सिन लापाते बाततेबा गाङे लाःप्सुङ।
थेमे आज्यो न्वावे, था ङा ख्योकोनला च्यि खि सिन बिन्ती खिते सासीन ङुरूङ प्रभु येशू ख्रीष्टला विश्वास खित्कान्ते मि ईन्देकी थेमे परमेश्वर आत्मेकी ङुरूङला दोक्पोईकी ज्येनज्यीकला ङिङज्ये खित ज्युत्च्येते ईन्देकी ख्योकोनगी ङे लाईदु आउदी खाला परमेश्वरताङ प्रार्थना खि। ङा ङाराङोङ प्रार्थना खिन ओत।
थेमे परमेश्वरगीराङ ख्योकोनला शक्ति तेरच्येते ईन्देकी ख्योकोनगी येशू ख्रीष्टला विश्वास खिन देता थुप्क्यो। परमेश्वरगी खित्सादु दोक खिन देता थुप्क्यो सिन येशू ख्रीष्ट सु ईन्दे, चुक्ते ईन्दे सिन ङे लोप्कीन ओताते गा लाङच्येते बातला साबा ओत। दि जुग शुरू ओङा भन्दा गोमामेईराङ परमेश्वरगी सुङलाङ छ्या स्ये च्युता मेताते दि गा लाङच्येते बात
ज्येनला तासीन जे कुरोङ ख्योकोनगी लेमु खिन दुक। च्यि सासीन ख्योकोन प्रभु येशूला लेमु खाला विश्वास खित्कान्ते मि ईन, ज्येनला परमेश्वर बात लेमु खाला लोप्च्येते सीपताङ शक्ति ङेताते मि थेमे परमेश्वरगी छ्या स्ये ज्युत्च्येते बात लेमु खाला छ्या स्येकान्ते मि ख्योकोन नाङ काल्बेई ओत। ख्योकोन लेमु खित्च्ये छ्य्वापा स्येत खित्कान्ते थेमे ङ्योकोनला आउदी खाला ङिङज्ये खित्कान्ते मिङ ईन। ख्योकोन दोक्ते मि ईन्देकी था ज्येनला मद्धत तेराला सिन पैसा जम्मा खित्च्येते दि लेमुते कामोङ ज्येनगी भन्दा लेमु खाईन खासीन लेमु ओङच्या ओतान।
ख्योकोन थेमे होथेबा ज्येन गाङेकी आँट ङेत्ला दोक्पोईकी ज्येनज्यीकला ङिङज्ये खिन गाङेराङ सेमज्यीकराङ खाला डिक्ला देत्स्यीत थेमे परमेश्वरगी गोमा सुङलाङ छ्या स्ये च्युता मेताते बात च्यि ईन्दाका सिन ख्योकोन गाङेकी लेमु खाला छ्या स्येला पूरो खाला खोबा थुप्स्यीत सिनराङ ङा दोक दुक्पा खाला खाला काम खिन ओत। होथे बात लेमु खाला छ्या स्येच्या साबातेचेन ख्रीष्टला छ्या स्येच्येतेराङ ईन।
च्यि सासीन ख्योकोन ओत्सापा ओङा भन्दा गोमा फिलिप्पी सारदु परमेश्वरते गा लाङच्येते बात लोप्जीन थेरू मिओनगी ङ्योकोनला दुकीन इज्जत बेइज्जत खाबाते बात ख्योकोनगी छ्या मास्येबाते मेन। थेरू थोक खाईन दुक्पा बिन्सीनोङ परमेश्वरगी ङ्योकोनला आँट बिन्देकी ङ्योकोनगी ख्योकोन ओत्सादु वाकीन थेरूङ थे बातराङ लापाप। थेरूङ मिओनगी आउदी दुक्पा बिन्सीनोङ ङ्योकोनगी छ्याःङ ज्यीबा मिक्किता खाईन ख्योकोनला थे बात लापा ओतान।
परमेश्वरगी गोमा सुङलाङ छ्या स्ये च्युता मेताते थे खोरोङला चुक खाला माने खिता फाप्कीते सिरच्येते बात आउदी अचम्ब लाङच्याज्यीक दुक। दि बात मेन सिन सुङगीङ सिरा मुथुबो। दि बात च्यि ईन्दे सासीन ख्रीष्टचेन मि जुनी लाकीन पृथ्वीदु केसुङ। थे छ्याःङ गल्ती मेताते ईन सिन परमेश्वर आत्मेकी छ्या स्ये च्युता ओत। थेला परमेश्वर दूतओनगी थोङा ओत। जात जातकी मिला थे बात लाप्कीन बिन्दा ओत। सा लुङबा खाङ मिओनगी थेला विश्वास खाबा ओत। थेला परमेश्वरगी छ्येज्यीक मान बिन्गीन स्वर्गने खेरा ओत।
Sanasan