एफिसी 6:18 - जिरेल

¹⁸ दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

एफिसी 6:18 Iomraidhean Croise

मत्ती 17:21

ईन्‍सीनोङ दोक खोक्‍पो खाला दुक्‍पा तेरकान्‍ते ल्‍हन्‍डीकचेन बर्त देत्‍ला परमेश्‍वरताङ प्रार्थना खालाकामा तेन्‍ला तोङा थुप्‍क्‍यो,” सिन सिदुक।

मत्ती 26:41

ख्‍योकोन च्‍याङबो खाला देत। था दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि। ख्‍योकोन लेमु खिता छोल्‍गीदुक तर खेराङगी खिता चालाच्‍योक खिता मुथुप्‍तुक,” सिन सिदुक।

मर्कूस 13:33

ङे ओङगो साबाच्‍योक नाम, च्‍यि बेलाला ओङगीते सिन छ्या मेत्‍सीनोङ ङीमा लेनज्‍यीक थे बेला दाक ओङगो सिन टोक मेज्‍येता खाला ख्‍योकोन च्‍याङबो खाला देत। परमेश्‍वरला प्रार्थना खिन देता मातोङ।

मर्कूस 14:38

थेबा गाङेला “ख्‍योकोन च्‍याङबो खाला देत। था दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि। ख्‍योकोन लेमु खिता छोल्‍गीदुक। तर खेराङगी खिता चालाच्‍योक खिता मुथुप्‍तुक,” सिन सिदुक।

लूका 21:36

थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

लूका 22:46

थेमे थेकी थेबाला “माङ्यालना माङ्याल ल्‍वा। थेमे दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि,” सिन सिदुक।

लूका 3:26

नग्‍गै आबा माथ, माथ आबा मत्ताथियास, मत्ताथियास आबा सेमैन, सेमैन आबा योसेख, योसेख आबा योदा,

लूका 3:37

लेमेख आबा मतूशेलह, मतूशेलहे आबा हनोक, हनोक आबा येरेद, येरेद आबा महलालेल, महलालेल आबा केनान,

शक्ति काम 1:14

थेबाताङ थेरू गोमा येशूताङ ख्‍याम्‍कान्‍ते फेम्‍मे मिओन, येशू आमा मरियम थेमे येशू न्‍वातेबाङ ओतान। थेबाबरी गाङेराङ ङ्योम्‍बुराङ परमेश्‍वरला प्रार्थना खिन देत्‍कीन ओतान।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

शक्ति काम 12:5

थोक खाईन थेला जेलदु लुक्‍नामेई येशू ख्रीष्‍ट मिओनचेन गाङेराङ रूला थे लाईदु परमेश्‍वरला आउदी खाला प्रार्थना खिन ओतान।

शक्ति काम 6:4

ङ्योकोन ङेराङचेन खालि प्रार्थना खित्‍च्‍येते थेमे परमेश्‍वर बात लोप्‍च्‍येते कामकामा खिओ,” सिन बात खासुङ।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

रोमी 8:15

योक्‍पो योङमुकी मालिकतेकी दुङगीता सिन ज्‍यीबा खुराच्‍योक खाला था लोक्‍ला ख्‍योकोनगीचेन परमेश्‍वरगी सजाय तेरगीता सिन थेत्ताङ छ्याःङ ज्‍यीबा खिता माफाबो। च्‍यिला सासीन परमेश्‍वरगी थे खोरोङ आत्‍मा बिन्‍गीन ख्‍योकोनला थे खोरोङ धर्म-पुत्र जोबा ओत। थेमे परमेश्‍वर आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

एफिसी 1:16

ख्‍योकोनला सम्‍झे खिन ख्‍योकोन लाईदु थेला धन्‍यवाद तेरा ङे नोमुङ ताङा मेत।

एफिसी 2:22

ज्‍येनतेबा च्‍योकराङ थेत्ताङ जीउज्‍यीकराङ ओङाते ख्‍योकोनोङ दोक खाला जोइन ओताते मन्‍दिर ईन। थे खोरोङ आत्‍मे छ्य्‌वापेई परमेश्‍वर दि मन्‍दिरदु देत्‍क्‍यो।

एफिसी 3:18

दोक खाला परमेश्‍वरगी गोमा सुङलाङ छ्या स्‍ये च्‍युता मेताते बात खोबा चाल्‍ला खोबा मुथुप्‍च्‍या चुक अचम्‍ब ईन्‍दाका सिन परमेश्‍वर सन्‍तान ज्‍येन गाङेताङ ख्‍योकोनगीङ गाङे लेमु खाला खोबा थुप्‍स्‍यीत।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

एफिसी 6:19

थेमे परमेश्‍वरगी गोमा सुङलाङ छ्या स्‍ये च्‍युता मेताते गा लाङच्‍येते बात ङे ज्‍येनला लोप्‍जीन छ्याःङ ज्‍यीबा मिक्‍किता खाला थेमे थेबेकी खोबा थुप्‍च्‍या खाला लोपा थुप्‍स्‍यीत सिन ङे लाईदुङ प्रार्थना खि।

फिलिप्‍पी 1:4

ख्‍योकोन गाङे लाईदु ङा आउदी गा खिनकामा परमेश्‍वरला प्रार्थना खिओ।

फिलिप्‍पी 4:6

थेमे छ्याःङ बातलाङ पीर माकेत। पीर मिक्‍किता खाला बरू दुक्‍पा किम्‍मु जस्‍तो ओङजीनोङ परमेश्‍वरला प्रार्थना खि। खेराङला च्‍यि गोकीका थेला नाङ सि। थोक खित्‍जीन खेराङला लेमु खाबे लाईदु थेला धन्‍यवाद सिरा नोमुङ टोक माज्‍येत।

कलस्‍सी 1:3

ख्‍योकोन लाईदु प्रार्थना खित्‍जीन ङ्योकोन जहिलेङ ङुरूङ प्रभु येशू ख्रीष्‍ट आबा परमेश्‍वरला धन्‍यवाद सिओ।

कलस्‍सी 1:4

च्‍यिला सासीन ख्‍योकोनगी येशू ख्रीष्‍टला विश्‍वास खिदुक्‍लो थेमे परमेश्‍वर सन्‍तान गाङेला लेमु खिदुक्‍लो सिन ङ्योकोनगी थोसुङ।

कलस्‍सी 4:2

थेमे ख्‍योकोन गाङेकी परमेश्‍वरला प्रार्थना खिन देता नोमुङ मातोङ। प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि, थेला धन्‍यवादोङ बिन।

१ थिस्‍सलोनिकी 5:17

परमेश्‍वरला प्रार्थना खित्‍च्‍येते नोमुङ मातोङ,

१ तिमोथी 2:1

थेमे गाङे भन्‍दा गोमा था ङा च्‍यि सिते सासीन संगति खित्‍जीन येशू ख्रीष्‍ट मिओनगी परमेश्‍वरला प्रार्थना खिता फाप्‍क्‍यो। प्रार्थना खित्‍जीन थेबेकी च्‍यि च्‍यि गोकीका परमेश्‍वरला नाङ सिरा फाप्‍क्‍यो। ज्‍येन ज्‍येन मि लाईदुङ प्रार्थना खिता फाप्‍क्‍यो। परमेश्‍वरगी खाबाते कामगी लाईदु थेला धन्‍यवाद सिरा फाप्‍क्‍यो। थोक खाला मि गाङे लाईदु प्रार्थना खिता फाप्‍क्‍यो।

२ तिमोथी 1:3

थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।

फिलेमोन 1:5

च्‍यिला सासीन प्रभु येशूला खुई लेमु खाला विश्‍वास खिदुक्‍लो थेमे परमेश्‍वर सन्‍तान गाङेला ङिङज्‍ये खिदुक्‍लो सिन ङे थोसुङ।

हिब्रू 5:7

दुरू ओत ओतसाक येशूकी कालगी लाःक्‍तुकी थे खोरोङला जोए खिता थुप्‍कान्‍ते परमेश्‍वरला ङुइन थेमे ङोरोराङ तेन्‍गीन प्रार्थना खासुङ। थेकी थे खोरोङ लाईदु परमेश्‍वरला बिन्‍तीङ खासुङ। थे परमेश्‍वरगी जस्‍तो खिता चाल्‍ला दुक थोकराङ ओङस्‍यीत सिरकान्‍ते ईन्‍देकी परमेश्‍वरगी थे प्रार्थना ङेन्‍सुङ।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

यहूदा 1:20

ङिङज्‍येते आज्‍यो न्‍वावे, ख्‍योकोनगीचेन येशू ख्रीष्‍टला विश्‍वास खाईन खेराङगी ङेन्‍दाते बातला खि साबा च्‍योकराङ खिन झन झन लेमु खाला थे बात ङेन। थेमे परमेश्‍वर आत्‍मे शक्ति छ्य्‌वापेई प्रार्थना खिनराङ देत।