एफिसी 6:17 - जिरेल

¹⁷ थेमे परमेश्‍वरगी खेराङला पापकी सजायदुकी टाल्‍गीन सिन्‍दा ओत सिन टोक माज्‍येत। परमेश्‍वरगी दोक खाबा ओत सिन सम्‍झे खित्‍च्‍येतेचेन गोःला च्‍याकी टोप खोन्‍दाते ईन। थेमे परमेश्‍वर आत्‍मेकी तेरच्‍येते तरवार खुर। दि तरवारचेन परमेश्‍वर बातराङ ईन।

एफिसी 6:17 Iomraidhean Croise

मत्ती 4:4

थोक सिरजीन येशूकी “ङा दोक मिक्‍किओ। च्‍यिला सासीन परमेश्‍वर बातला ‘मि जुनीला गाङे भन्‍दा छ्येते बात साच्‍या थुङच्‍येते मेन, बरू परमेश्‍वरगी च्‍यि च्‍यि सिका थे थेराङ ङेन्‍च्‍येते ईन,’ सिन साबा ओत,” सिन सिदुक।

मत्ती 4:7

थोक सिरजीनोङ येशूकी थेला “ ‘प्रभु परमेश्‍वरगी साबा च्‍योकराङ खित्‍च्‍या ईन्‍दाकाना मेन्‍दाका सिन नोमुङ थे सेम ता मेङगो,’ सिनोङ परमेश्‍वर बातला टिबा ओत,” सिन सिदुक।

एफिसी 5:26

थेकी थोक खाबातेचेन थेबा परमेश्‍वरला मन परे खित्‍च्‍येते मि ओङस्‍यीत सिनराङ ईन। दोक ओङाला छ्युला लुक्‍ला बप्‍तिस्‍मा तेरजीन थेमे थेजीन लापाते परमेश्‍वर बातकी छ्य्‌वापेई थेकी थेबाला पापदुकी टाल्‍गीन बिन्‍सुङ।

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।

हिब्रू 4:12

च्‍यिला सासीन परमेश्‍वर बातकी छ्य्‌वापेई मिओनगी जुनी ङेत्‍क्‍यो। दि बातकी छ्य्‌वापेकी परमेश्‍वरगी मि नाङ काम खिओ। ठाउँ ङिकारपा धार खाबाते आउदी नोम्‍बोते तरवारगी मिला रोपे खासीन दोन्‍नापेई ल्‍हाकनापासाकराङ फोत तोला थुप्‍क्‍यो थेमे रूबाताङ जोर्नीतेबा टाल्‍ला नाङदु ओताते काङ समेत देन्‍दा थुप्‍क्‍यो। होदोक्‍ते तरवार भन्‍दाङ परमेश्‍वर बातकी छ्य्‌वापेई परमेश्‍वरगी खित्‍च्‍येते काम खापान खापान छ्ये ईन। दि बातकी छ्य्‌वापेईराङ सुइँदेकी खाबाते कामताङ बात मिकी दाक्‍पोनगी खाबाते ईन्‍दाना परमेश्‍वर आत्‍मेकी खित च्‍युताते ईन्‍दे सिन डेला थुप्‍क्‍यो थेमे सुई च्‍यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्‍क्‍यो।

हिब्रू 6:5

परमेश्‍वर बात सत्‍यते ईन सिन खोबा ओताते थेमे था ओङच्‍येते सत्‍य जुग चुक लेमु ओङगीते सिन छ्या ओताते मिओन

छ्या स्‍ये च्‍युताते बात 1:16

थेमे थेते सामे लाक्‍पे नाङ कार्मा दुईन ओतान। थे खानामेकी आउदी नोम्‍बोई धार ङि खाबाई तरवार थेन्‍दा ओतान। थेते छ्येतचेन ता मुथुप्‍च्‍या ङीमा च्‍योकराङ चम्‍के खित्‍च्‍याज्‍यीक ओतान।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 19:15

थे गोमे घोडा कार्मुते लाक जेबा ओताते खानामेकीचेन लुङबा लुङबे मिला थुपाला आउदी नोम्‍बोई तरवार थेन्‍दा ओतान। लुङबा लुङबे मिला आउदी कडा खाला राज्‍य खित्‍कान्‍ते थेराङ ईन। रस छिराला कोलदु लुक्‍पाते अंगूरला काम्‍बेकी फाच्‍यार फुच्‍युर ङेन्‍दा च्‍योकराङ खाला गाङे भन्‍दा छ्येज्‍यीक शक्ति ओताते परमेश्‍वरगी स्‍येदाङगी चूर गाल्‍ला तेरच्‍येते सजाय तेरकान्‍ते थेराङ ईन।

छ्या स्‍ये च्‍युताते बात 2:16

बालाम बात थेमे निकोलाइटन सिराते पाटी मिओनगी लोप्‍च्‍येते बात ङेन्‍ला थेबेकी खि साबा च्‍योकराङ खित्‍कान्‍तेबा ख्‍योकोनगी थोक खिता थोङ। थोक माक्‍यासुङ तोबो सासीन ङा थेपा वाला ङे खानामेकी थेन्‍दा ओताते तरवार खुरला थे मिओनताङ जीङगो।