एफिसी 6:16 - जिरेल

¹⁶ दोस्‍यिककामा मेन, येशू ख्रीष्‍टला विश्‍वास खिन देता नोमुङ मातोङ। थेला विश्‍वास खिन देत्‍च्‍येतेचेन लाःक्‍तु ढाल खुराते ईन। ढाल खुरा ओत्‍नामेई ख्‍योकोनला मेलेबा खित्‍कान्‍ते शैतानगी टुप्‍पोदु मे पारगीन ग्‍यापाते दा गाङे रोके खाला थे मे सेता थुप्‍क्‍यो।

एफिसी 6:16 Iomraidhean Croise

मत्ती 5:37

थोगी ख्‍योकोनगी ईन्‍दे बातला ईन सि, मेन्‍सीन मेनकामा सि। दोक मिक्‍किता खाईन खइँदा बातला ना क्‍याल्‍सीन थोकचेन शैतानगी खित च्‍युताते ईन।

२ कोरिन्‍थी 1:24

ङा ख्‍योकोनला ङे साबा च्‍योकराङ खाला येशूला विश्‍वास खिता फाप्‍क्‍यो सिन कर लै मिक्‍किओ। ख्‍योकोनगी थेला खित्‍च्‍येते विश्‍वासका ठीकराङ दुक। ङानी खालि ख्‍योकोनला लेमु ओङला ख्‍योकोनगी गा खिन देता ङेत्‍स्‍यीत सिरच्‍येते कामताङ बातकामा खिओ।

१ थिस्‍सलोनिकी 5:19

थेमे परमेश्‍वर आत्‍मेकी खिता चालाते काम रोके माकेत,

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।