एफिसी 6:13 - जिरेल

¹³ थोगी होदिबेकी जुन दिनगी छोमु मेलेबा खित वासीनोङ थेबाताङ फाम्‍ला छ्योङा माफाप्‍स्‍यीत सिन परमेश्‍वरगी तेरच्‍येते हात हतियार जति गाङे खुरला खोन्‍ला ख्‍योकोन ठीक ओङला देत। दोक खाईन देत्‍नामेई थेबेकी ख्‍योकोनला हारे खिताराङ मुथुबो।

एफिसी 6:13 Iomraidhean Croise

लूका 21:36

थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

लूका 8:13

थेमे कोई कोईकी परमेश्‍वर बात थोबासात्तु आउदी गा खिन ङेन्‍ग्‍यो। ईन्‍सीनोङ थे बात लेमु खाला सेमगी नाङ मोज्‍योओ। थोगी परमेश्‍वर बात ङेन्‍देकी खित्‍सादु तिरी खइँदा दुक्‍पा ङेत्‍जीन थेबेकी थे बात ङेन्‍दा दाक तोङगो। टिक्‍पी टिक्‍पीकामा सबी थेमे दो काल्‍बेई ओत्‍साला फापाते सोन साबातेचेन होथोक्‍ते मिओनला साबाते ईन।

रोमी 13:12

था नुप गाल्‍गीन नाम लाङा खाबा ओत। थोगी ङुरूङगी ज्‍येनगी थाहा मेछ्येत्‍स्‍यीत सिन मुन्‍दाकला खित्‍च्‍येते च्‍योक्‍ते मेलेबाते काम खित्‍च्‍येते गाङे तोङा फाप्‍क्‍यो। बरू गाङे ङोन्‍दु ङीमे कार्बोलाराङ खिता ओङच्‍येते च्‍योक्‍ते काम खिताला परमेश्‍वरगी तेरच्‍येते हात हतियार चले खिता फाप्‍क्‍यो। दोकचेन ङुरूङगी परमेश्‍वर शक्ति छ्य्‌वापेकी लेमुते कामकामा खिता फाप्‍क्‍यो साबाते ईन।

२ कोरिन्‍थी 10:4

ङेराङ काम खित्‍जीन ङ्योकोन नोमुङ दि सा लुङबे मिओनगी च्‍योक खाला दाक्‍पोन फाइदा ताला मिक्‍किओ। ङेराङ काम लेमु ओङस्‍यीत सिन परमेश्‍वरगी तेरच्‍येते शक्तिकी ङ्योकोन दि काम खिओ। थे शक्ति छ्य्‌वापेकीराङ ङ्योकोन ङेराङ विरोध खित्‍कानताङ ङेराङ काम ङ्ये ज्‍युता छोल्‍कान गाङेला ग्‍याल्‍ग्‍यो।

एफिसी 5:16

दि कलि जुग ईन्‍देकी दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला दोक्‍ते कामताङ बाततेबा टोले मिक्‍किता खाला खि।

एफिसी 5:6

सुइँदेकी होदोक्‍ते कामताङ बात खिता छ्याःङ मेलेबा मेन सासीनोङ ख्‍योकोनगी थेबे बात ङेनराङ माङेन। परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

याकूब 4:7

थोक ईन्‍देकी था ख्‍योकोनगी परमेश्‍वर अधीनला देत्‍ला थेकी खि साबा च्‍योकराङ खि। शैतानगी जे सासीनोङ थे बात ङेनराङ माङेन। दोक खानामेई ख्‍योकोनला दुक्‍पा तेरा ताङला शैतान दाक छ्योङगो।

१ पत्रुस 4:1

थेमे ख्रीष्‍टकी मि जुनी लाकीन थोई दुक्‍पा भोगे खाबा ओताने सिन टोक मेज्‍येता खाला ख्‍योकोनगीङ थेकी च्‍योकराङ खाला दुक्‍पा भोगे खिओ सिन आँटे खाला देत। च्‍यिला सासीन दुक्‍पा भोगे खित्‍कान्‍ते मिकी पाप खिन मेदेदो।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।

छ्या स्‍ये च्‍युताते बात 6:17

च्‍यिला सासीन था थेबेकी स्‍येदाङगी चूर गाल्‍ला सजाय तेरच्‍येते दिन लेप्‍सुङ। थेबे दोन्‍दुकी था सुचेन थारा थुप्‍कीतेरो? था सुङ मि थारा मुथुबो,” सिन सासुङ।